Hrinti ástríðuverkefni í framkvæmd: Hundrað nemendur í unglingadeild fá markþjálfun Nanna Elísa Jakobsdóttir skrifar 2. september 2015 16:30 Unglingar gætu hagnast mikið á markþjálfun að sögn Ástu enda eru síðustu árin í grunnskóla mikil mótunarár. Vísir/Getty „Markþjálfun snýst um það að laða fram það besta í hverjum einstaklingi. Þessi setning skaut mig beint í hjartað og markþjálfun gerði það svo sannarlega fyrir mig,“ segir Ásta Guðrún Guðbrandsdóttir en hún er útlærður markþjálfi og leiðir tilraunaverkefni sem snýst um að bjóða nemendum í 8 – 10. bekk í grunnskólum á Suðurnesjunum upp á markþjálfun. Ásta starfaði sem ferðaráðgjafi í 25 ár. „Þegar ég hætti fannst mér sem allar dyr væru lokaðar og fór því í markþjálfun. Svo fór ég í námið, kynntist þessari aðferðafræði og það opnaðist allt fyrir mér, heimurinn opnaðist.Ásta kynntist markþjálfun og líf hennar umbreyttist.Mynd/AðsendÉg hugsaði með mér: Það verða fleiri að fá að vita af þessu, fá þetta verkfæri í hendurnar.“ Hún á sjálf tólf ára dreng og hugsaði með sér hversu mikið skólaumhverfið og kennarar gætu hagnast á að fá markþjálfun sem kennslutæki. Nemendur í framhaldsskóla hættu vegna einmanaleika Hún bendir á hugsanir nemenda í unglingadeild grunnskóla séu á fleygiferð. „Þetta er þessi tími þar sem það er svakalega mikið að gerast hjá þeim. Ekkert endilega pælingar varðandi framtíðina heldur meira verið að spyrja sig: Hvernig á ég að vera svo ég virki í því umhverfi sem ég er í?“ Hún segir það mikilvægt verkefni að vinna að því að sjálfsmynd þessara barna verði sterk. Samkvæmt norskri úttekt hafi unglingar í menntaskóla hætt í skólanum vegna einmanaleika. „Maður fær bara sting í hjartað við að heyra það. Markþjálfun miðar að því að fá fólk til að átta sig á eigin getu og möguleikum. Svona „Ég er nóg.“ Það er setning sem ég elska út af lífinu.“Hópurinn brennur fyrir markþjálfun og er spenntur að láta gott af sér leiða.Mynd/Aðsend„Ég finn það með minn tólf ára dreng að það eru sífelldir barningar, verið að reyna að standa fyrir sínu sjálfstæði, vera metinn fyrir það sem maður er en á sama tíma að leita í einhverjar staðalímyndir.“Kynna þarf menntakerfið fyrir markþjálfun Ásta ákvað að hrinda ástríðuverkefni sínu, kynna fleiri fyrir markþjálfun í framkvæmd. „Ég fór og kallaði saman markþjálfa sem voru á sama máli og ég hvað varðar menntakerfið og við vorum öll sammála um við við yrðum einhvern veginn að kynna menntakerfið fyrir markþjálfun.“ Úr varð tæplega fimmtíu manna hópur markþjálfa sem kallar sig Markþjálfahjartað. Nokkrir úr hópnum ákváðu að taka skrefið nú strax í haust. „Það er ekki nóg að tala um þetta, maður þarf að gera eitthvað. Við ákváðum að taka hluta af Íslandi, taka eitthvað afmarkað svæði og þar sem við vorum með þrjá markþjálfa á Reykjanesinu í þessum hópi ákváðum við að taka Suðurnesin.“ Þegar Ásta hafði samband við skóla kom það henni skemmtilega á óvart hversu jákvæðir stjórnendur væru fyrir því að taka þátt í verkefninu. Fimm skólar eru með í verkefninu að þessu sinni: Akurskóli, Holtaskóli, Stóru-Vogaskóli ,Grunnskólinn í Sandgerði og Myllubakkaskóli. Raunar var það svo að fleiri skólar báðu um að fá að vera með en Ásta hafði ekki fleiri markþjálfa á sínum snærum. Tveir fara í hvern skóla og hver tekur fimm nemendur í markþjálfun.Norsk rannsókn leiddi í ljós að einn þáttur í brottfalli nemenda úr framhaldsskóla var að þeir fundu fyrir einmanaleika.Vísir/GettyHefur engan áhuga á að græða peninga Verkefnið er tilraunaverkefni og verður spennandi að sjá hvort markþjálfun sé eins fyrir þennan aldur og fyrir fullorðið fólk. Spurningalistar verða lagðir fyrir nemendur, foreldra og kennara áður en markþjálfunin hefst. Svo verða nemendur teknir í fimm einstaklingsviðtöl og gildir fullkominn trúnaður um þau samskipti eins og á við alltaf þegar um markþjálfun er að ræða. Eftir skiptin fimm verða spurningalistarnir aftur lagðir fyrir og von er á niðurstöðum um miðjan nóvember. „Þetta er sjálfboðaliðavinna, við erum að gefa vinnuna okkar. Ég sjálf er ekki upptekin af því að græða peninga, það er svo langt frá mínum markmiðum. Ég vil skilja eitthvað eftir í þjóðfélaginu. Svo sjáum við líka að þetta er ofboðslega góð reynsla fyrir okkur enda snýst markþjálfun endalaust um að safna sér reynslu og tímum. Svo hef ég með þessu verkefni þegar komið orðinu markþjálfun inn í umræðuna, allavega á Suðurnesjum. Þegar ég byrjaði í þessu námi var sífellt verið að spyrja mig: „Markþjálfun, hvað er það? Ertu að þjálfa markmenn?“ Ég vil koma þessu til sem flestra.“Hvað er markþjálfun:Markþjálfun er langtímasamband sérþjálfaðs markþjálfara og marksækjanda sem byggir á gagnkvæmu...Posted by Markþjálfahjartað on Tuesday, August 25, 2015 Hvað er markþjálfun? Markþjálfun er langtímasamband sérþjálfaðs markþjálfara og stjórnanda sem byggir á gagnkvæmu trausti, faglegri nálgun og öflugum stuðningi við þín markmið. Markþjálfun er hlutlaus og uppbyggilegur vettvangur til þess að þekkja og nýta betur eigin styrkleika og tækifæri, kortleggja eigin væntingar og fá stuðning við að gera þína framtíðarsýn að veruleika. Markþjálfarar vinna að því að virkja sköpunargleði einstaklinga og aðstoða þá við hrinda í framkvæmd raunhæfum og árangursríkum úrræðum. Mest lesið Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Ætlaði að koma upp um barnaníðing en lenti í klóm hans Innlent „Dapurlegt“ að andstæðingar bólusetninga hafi svo mikil áhrif Innlent Eigendur sjókvíaeldis þurfa ekki að greiða auðlindagjald Innlent Vilja taka upp auðlindagjald að hætti Norðmanna Innlent Kínversk ferðaskrifstofa mátti sín lítils gegn TM Innlent Segir lág laun leikskólakennara mýtu Innlent Fleiri fréttir Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Leikskólakennarar ósáttir við vettlingagjörning Sjá meira
„Markþjálfun snýst um það að laða fram það besta í hverjum einstaklingi. Þessi setning skaut mig beint í hjartað og markþjálfun gerði það svo sannarlega fyrir mig,“ segir Ásta Guðrún Guðbrandsdóttir en hún er útlærður markþjálfi og leiðir tilraunaverkefni sem snýst um að bjóða nemendum í 8 – 10. bekk í grunnskólum á Suðurnesjunum upp á markþjálfun. Ásta starfaði sem ferðaráðgjafi í 25 ár. „Þegar ég hætti fannst mér sem allar dyr væru lokaðar og fór því í markþjálfun. Svo fór ég í námið, kynntist þessari aðferðafræði og það opnaðist allt fyrir mér, heimurinn opnaðist.Ásta kynntist markþjálfun og líf hennar umbreyttist.Mynd/AðsendÉg hugsaði með mér: Það verða fleiri að fá að vita af þessu, fá þetta verkfæri í hendurnar.“ Hún á sjálf tólf ára dreng og hugsaði með sér hversu mikið skólaumhverfið og kennarar gætu hagnast á að fá markþjálfun sem kennslutæki. Nemendur í framhaldsskóla hættu vegna einmanaleika Hún bendir á hugsanir nemenda í unglingadeild grunnskóla séu á fleygiferð. „Þetta er þessi tími þar sem það er svakalega mikið að gerast hjá þeim. Ekkert endilega pælingar varðandi framtíðina heldur meira verið að spyrja sig: Hvernig á ég að vera svo ég virki í því umhverfi sem ég er í?“ Hún segir það mikilvægt verkefni að vinna að því að sjálfsmynd þessara barna verði sterk. Samkvæmt norskri úttekt hafi unglingar í menntaskóla hætt í skólanum vegna einmanaleika. „Maður fær bara sting í hjartað við að heyra það. Markþjálfun miðar að því að fá fólk til að átta sig á eigin getu og möguleikum. Svona „Ég er nóg.“ Það er setning sem ég elska út af lífinu.“Hópurinn brennur fyrir markþjálfun og er spenntur að láta gott af sér leiða.Mynd/Aðsend„Ég finn það með minn tólf ára dreng að það eru sífelldir barningar, verið að reyna að standa fyrir sínu sjálfstæði, vera metinn fyrir það sem maður er en á sama tíma að leita í einhverjar staðalímyndir.“Kynna þarf menntakerfið fyrir markþjálfun Ásta ákvað að hrinda ástríðuverkefni sínu, kynna fleiri fyrir markþjálfun í framkvæmd. „Ég fór og kallaði saman markþjálfa sem voru á sama máli og ég hvað varðar menntakerfið og við vorum öll sammála um við við yrðum einhvern veginn að kynna menntakerfið fyrir markþjálfun.“ Úr varð tæplega fimmtíu manna hópur markþjálfa sem kallar sig Markþjálfahjartað. Nokkrir úr hópnum ákváðu að taka skrefið nú strax í haust. „Það er ekki nóg að tala um þetta, maður þarf að gera eitthvað. Við ákváðum að taka hluta af Íslandi, taka eitthvað afmarkað svæði og þar sem við vorum með þrjá markþjálfa á Reykjanesinu í þessum hópi ákváðum við að taka Suðurnesin.“ Þegar Ásta hafði samband við skóla kom það henni skemmtilega á óvart hversu jákvæðir stjórnendur væru fyrir því að taka þátt í verkefninu. Fimm skólar eru með í verkefninu að þessu sinni: Akurskóli, Holtaskóli, Stóru-Vogaskóli ,Grunnskólinn í Sandgerði og Myllubakkaskóli. Raunar var það svo að fleiri skólar báðu um að fá að vera með en Ásta hafði ekki fleiri markþjálfa á sínum snærum. Tveir fara í hvern skóla og hver tekur fimm nemendur í markþjálfun.Norsk rannsókn leiddi í ljós að einn þáttur í brottfalli nemenda úr framhaldsskóla var að þeir fundu fyrir einmanaleika.Vísir/GettyHefur engan áhuga á að græða peninga Verkefnið er tilraunaverkefni og verður spennandi að sjá hvort markþjálfun sé eins fyrir þennan aldur og fyrir fullorðið fólk. Spurningalistar verða lagðir fyrir nemendur, foreldra og kennara áður en markþjálfunin hefst. Svo verða nemendur teknir í fimm einstaklingsviðtöl og gildir fullkominn trúnaður um þau samskipti eins og á við alltaf þegar um markþjálfun er að ræða. Eftir skiptin fimm verða spurningalistarnir aftur lagðir fyrir og von er á niðurstöðum um miðjan nóvember. „Þetta er sjálfboðaliðavinna, við erum að gefa vinnuna okkar. Ég sjálf er ekki upptekin af því að græða peninga, það er svo langt frá mínum markmiðum. Ég vil skilja eitthvað eftir í þjóðfélaginu. Svo sjáum við líka að þetta er ofboðslega góð reynsla fyrir okkur enda snýst markþjálfun endalaust um að safna sér reynslu og tímum. Svo hef ég með þessu verkefni þegar komið orðinu markþjálfun inn í umræðuna, allavega á Suðurnesjum. Þegar ég byrjaði í þessu námi var sífellt verið að spyrja mig: „Markþjálfun, hvað er það? Ertu að þjálfa markmenn?“ Ég vil koma þessu til sem flestra.“Hvað er markþjálfun:Markþjálfun er langtímasamband sérþjálfaðs markþjálfara og marksækjanda sem byggir á gagnkvæmu...Posted by Markþjálfahjartað on Tuesday, August 25, 2015 Hvað er markþjálfun? Markþjálfun er langtímasamband sérþjálfaðs markþjálfara og stjórnanda sem byggir á gagnkvæmu trausti, faglegri nálgun og öflugum stuðningi við þín markmið. Markþjálfun er hlutlaus og uppbyggilegur vettvangur til þess að þekkja og nýta betur eigin styrkleika og tækifæri, kortleggja eigin væntingar og fá stuðning við að gera þína framtíðarsýn að veruleika. Markþjálfarar vinna að því að virkja sköpunargleði einstaklinga og aðstoða þá við hrinda í framkvæmd raunhæfum og árangursríkum úrræðum.
Mest lesið Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Ætlaði að koma upp um barnaníðing en lenti í klóm hans Innlent „Dapurlegt“ að andstæðingar bólusetninga hafi svo mikil áhrif Innlent Eigendur sjókvíaeldis þurfa ekki að greiða auðlindagjald Innlent Vilja taka upp auðlindagjald að hætti Norðmanna Innlent Kínversk ferðaskrifstofa mátti sín lítils gegn TM Innlent Segir lág laun leikskólakennara mýtu Innlent Fleiri fréttir Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Leikskólakennarar ósáttir við vettlingagjörning Sjá meira