SUNNUDAGUR 25. SEPTEMBER NÝJAST 23:15

„Er ţetta hćttulegt? Ćttum viđ ekki ađ fćra okkur?“

FRÉTTIR

Hríđarveđur á Vestfjörđum og sviptivindar í Örćfasveit

 
Innlent
07:45 01. FEBRÚAR 2016
Norđaustanáttin verđur líklega ríkjandi út vikuna međ snjókomu á köflum og köldu veđri.
Norđaustanáttin verđur líklega ríkjandi út vikuna međ snjókomu á köflum og köldu veđri. VÍSIR/VILHELM

Búist er við sviptivindum í Öræfasveit fyrir hádegi í dag, allt að 30 til 40 metrum á sekúndu, en á vef Vegagerðarinnar segir að reikna má með að það lægi mikið eftir klukkan ellefu. Þá er spáð hríðarveðri á norðanverðum Vestfjörðum með morgninum. Verður samfelld ofankoma og nokkuð blint samkvæmt vef Vegagerðarinnar.
 
Veðurstofan spáir norðaustan átt í dag, 18-23 metrum á sekúndu suðastanlands fram eftir morgni og á Vestfjörðum, annars talsvert hægari vindur. Snjókoma eða él en þurrt á suðvestanverðu landinu. Frost verður frá 0 upp í 10 stig. Þá er búist við allhvassri eða hvassri norðaustanátt í kvöld. Minnkandi norðanátt á morgun og él á Norður-og Austurlandi en bjartviðri sunnanlands.

Norðaustanáttin verður síðan líklega ríkjandi út vikuna, að því er segir á vef Veðurstofunnar, með snjókomu á köflum og köldu veðri.

Færð á vegum:
Það er hálka á Hellisheiði og Þrengslum og hálka eða hálkublettir víða á Suðurlandi. Þæfingsfærð er á Lyngdalsheiði og á Reynisfjalli en þar er einnig mjög hvasst.

Eins er víða nokkur hálka á Vesturlandi en á Bröttubrekku er þæfingsfærð og snjóþekja á Svínadal og á norðanverðu Snæfellsnesi. Ófært er á Fróðárheiði.  Óveður er í Staðarsveit og stórhríð á Útnesvegi.  Skafrenningur er mjög víða á Vesturlandi, einkum á fjallvegum.

Snjóþekja er á flestum vegum á Vestfjörðum og snjókoma eða éljagangur á norðanverðum fjörðunum. Enn er ófært á Þröskuldum, Klettshálsi og Kleifaheiði en unnið að hreinsun.

Hálka eða snjóþekja er á vegum á Norðurlandi en þó eru aðeins hálkublettir í Skagafirði. Ófært er um Hólasand og þungfært á Dettifossvegi.

Á Austurlandi er víðast nokkur hálka inn til landsins en talsvert autt niðri á Fjörðum.

Hálka er á hringveginum á Suðausturlandi frá Höfn og áfram suður og óveður í Öræfasveit. Þungfært er niður í Meðalland.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Hríđarveđur á Vestfjörđum og sviptivindar í Örćfasveit
Fara efst