Erlent

Hóta enn frekari aðgerðum

Sunna Karen Sigurþórsdóttir skrifar
Tugþúsundir mótmæla í miðborg Hong Kong.
Tugþúsundir mótmæla í miðborg Hong Kong. Vísir/AP
Talið er að mótmælin í miðborg Hong Kong hafi náð hámarki í dag á þjóðhátíðardegi Kína. Mótmælendurnir hafa þó hótað að herða aðgerðir sínar enn frekar og ætla að leggja undir sig  stjórnarbyggingar í miðborg Hong Kong á morgun, segi æðstu embættismenn ekki af sér.

Íbúarnir krefjast þess að kosningar á þarnæsta ári verði án fyrirhugaðra afskipta kínverska kommúnistaflokksins og hafa stjórnvöld nú handtekið og yfirheyrt tugi manna vegna stuðnings við mótmælin. Þykja handtökurnar sýna að kommúnistaflokkurinn óttist nú að krafan um lýðræðisumbætur breiðist út til borga á meginlandinu en þar sæta fréttir af mótmælunum mikilli ritskoðun.

Mótmælendur segjast vilja ljúka aðgerðunum sem fyrst, en að slík ákvörðun sé undir stjórnvöldum komin.


Tengdar fréttir

Táragasi beitt gegn mótmælendum

Lögreglumenn í Hong Kong hafa varið ákvörðun sína um að nota táragas og fleiri aðferðir til að hafa stjórn á mótmælendum í fjármálahverfi borgarinnar.

Leiðtogi Hong Kong hvetur mótmælendur til að halda heim á leið

Æðsti embættismaður Hong Kong, CY Leung, hvatti í nótt mótmælendur til þess að halda til síns heima og láta þegar í stað af mótmælum sínum. Ekki verður orðið við þessari beiðni því á meðal krafna mótmælenda er einmitt að Leung sjálfur segi af sér embætti.

Lögreglan dregur sig í hlé í Hong Kong

Þúsundir mótmælenda eru nú á strætum Hong Kong borgar og hafa þeir tekið yfir fjármálahverfi borgarinnar og neita að yfirgefa svæðið.

Mótmælt í Hong Kong á þjóðhátíðardegi Kína

Yfirvöld og íbúar í Hong Kong búa sig nú undir fjölmennustu mótmælin í borginni til þessa en í dag er þjóðhátíðardagur Kínverja. Æðsti embættismaður Hong Kong, CY Leung, en borgin hefur verið hluti af Kína frá árinu 1997, segir að kröfum mótmælenda verði aðeins svarað í góðri samvinnu við yfirvöld á kínverska meginlandinu.

Vilja fund með leiðtoga Hong Kong

Mótmælendur í Hong Kong krefjast fundar með Leung Chun-ying leiðtoga borgarinnar. Hann segir Kínverja ekki gefa neitt eftir.




Fleiri fréttir

Sjá meira


×