Formúla 1

Horner: Þetta fyrirkomulag virkaði ekki

Kristinn Ásgeir Gylfason skrifar
Lewis Hamilton var sáttur með sitt í tímatökunni.
Lewis Hamilton var sáttur með sitt í tímatökunni. Vísir/Getty
Lewis Hamilton landaði sínum 50. ráspól í Ástralíu í dag. Umræðan eftir tímatökuna snérist aðallega um fyrirkomulag tímatökunnar. Almenn skoðun fólks var að það hefði ekki virkað. Hver sagði hvað eftir tímatökuna?

„Ég vil byrja á að taka að ofan fyrir liðinu. Það voru nokkrir kynþokkafullir hringir þarna í dag. Ég náði góðu flæði og geri engin mistök. Keppnin er á morgun og við verðum að halda haus. Verkfræðingarnir okkar voru búnir að spá þessu en enginn hlustaði á þá. Þetta er kannski skref í ranga átt. Finnum aðra leið, spyrjum aðdáendur, hefur einhver gert það? Finnum út hvað þeir vilja,“ sagði Hamilton.

„Ég átti góðan síðasta hring en Lewis [Hamilton] átti bara betri stundir á brautinni í dag. Ég vil þakka liðinu fyrir að hafa þrátt fyrir drottnun undanfarin tvö ár haldið áfram að þróast og bæta sig. Það er auðvelt að missa sjónar á markmiðinu en það hefur ekki gerst. Auðvitað hefði ég viljað enda á ráspól en miðað við allt er ég bjartsýnn. Við virðumst hafa komið hingað með gott bil í næstu lið, sem er mjög jákvætt,“ sagði Nico Rosberg sem ræsir annar á morgun.

„Bíllinn er góður og það eru miklir möguleikar í honum. Það að við enduðum í þriðja og fjórða sæti í dag. Við verðum að sjá björtu hliðina á því. Við gerðum ráð fyrir þessu og teljum líklegt að við verðum töluvert nær í keppninni á morgun,“ sagði Sebastian Vettel sem ræsir þriðji á morgun í Ferrari bílnum.

Sebastian Vettel vonast eftir betra gengi í keppninni á morgun.Vísir/Getty
„Ég vil biðja aðdáendur afsökunnar. Þetta fyrirkomulag á tímatökunni virkaði ekki. Það er ekki eðlilegt að fljótustu bílarnir sitji á þjónustusvæðinu og geti ekki farið út og barist um ráspól því þeir eru búnir með dekkin. Við þurfum að breyta þessu strax. Það eru 20 tímatökur eftir, breytum aftur til fortíðar strax,“ sagði Christian Horner, liðsstjóri Red Bull liðsins.

„Það er frábært að ná fimmta sætinu og vera næstur á eftir Ferrari og Mercedes. Bíllinn er góður, vélin er góð og þetta smellur allt saman,“ sagði Max Verstappen á Toro Rosso.

„Það gekk vel hjá okkur í dag. Við gerðum eins vel og við gátum. Ég átti aðeins erfitt að ná hita í framdekkin. Við ákváðum að geyma dekkjagang þangað til á morgun. Sjáum hvort það skili sér,“ sagði Kimi Raikkonen sem ræsir fjórði á morgun í Ferrari bílnum.

Hér fyrir neðan má sjá gagnvirkt brautarkort þar sem öll úrslit helgarinnar birtast og uppfærast eftir því sem á líður.

Formúlu 1 keppnistímabilið hefst í Ástralíu um helgina. Bein útsending frá keppninni hefst klukkan 04:30 á sunnudag á Stöð 2 Sport. Tryggðu þér áskrift á 365.is.

 


Tengdar fréttir

Hamilton fljótastur en Rosberg endaði á varnarvegg

Lewis Hamilton var fljótastur á báðum föstudagsæfingum fyrir ástralska kappaksturinn. Daniil Kvyat var annar á fyrri æfingunni á Red Bull og Daniel Ricciardo á Red Bull þriðji.

Lewis Hamilton á ráspól í Ástralíu

Lewis Hamilton á Mercedes náði ráspól í fyrstu keppni tímabilsins, liðsfélagi hans, Nico Rosberg varð annar og Sebastian Vettel varð þriðji á Ferrari.




Fleiri fréttir

Sjá meira


×