Hörmungar íbúa Homs halda áfram
Uppreisnarmenn halda enn nokkrum hverfum Homs en hún er þriðja stærsta borg Sýrlands og helsti þyrnir í augum Assad einræðisherra landsins. Undanfarna daga hefur stjórnarherinn einbeitt sér að því að láta stórskotahríðina drynja á Baba Amr hverfið og er það nú orðið að rústum einum. Meirihluti íbúanna í hverfinu eru shia múslimar.
Talið er að 13 manns hafi fallið í árásinni í morgun en alls hafa yfir 400 manns fallið í Homs það sem af er vikunni. Fregnir herma að íbúar Homs séu að þrotum komnir, matar- og vatnsskortur er orðinn að miklu vandamáli sem og skortur á lyfjum og læknisgögnum.
Óstaðfestar fregnir herma að Assad hafi flutt nokkrar hersveitir að útjörðum Homs og að þær eigi endanlega að ganga á milli bols og höfuðs á uppreisnarmönnunum eftir að stórskotahríðin hefur dregið úr þeim mesta máttinn.
Alþjóðasamfélagið virðist ekkert geta gert til að stöðva þessi morð á almennum borgurum í Homs.
- Fréttir
- Sport
- Viðskipti
- Lífið
Fréttir eftir mánuði
Hér má finna fréttir eftir mánuði.
- Sími 512 5000
- Hafðu samband
- Starfsfólk
- Umferð
- Veftré
- Auglýsingar
- 365 Skaftahlíð 24 105 Reykjavík Sími: 512 5000