Erlent

Hópur Sýrlendinga sagður á bak við hótunina

Bjarki Ármannsson skrifar
Vopnaðir öryggisliðar fyrir utan Gardermoenflugvöll í gær.
Vopnaðir öryggisliðar fyrir utan Gardermoenflugvöll í gær. Nordicphotos/AFP
Norska öryggislögreglan segist búa yfir vísbendingum um að hópur fólks hafi ferðast til Vesturlanda frá Sýrlandi með það í huga að fremja hryðjuverk. Nefnir lögreglan Noreg sérstaklega sem mögulegt skotmark þeirra.

„Við erum að vinna í því að staðfesta þessar upplýsingar,“ segir Jon Fitje Hoffmann, greiningarstjóri lögreglunnar í samtali við sjónvarpsstöðina TV 2. Hann segir ekki vitað hvar hópurinn er núna.

Aukinn viðbúnaður hefur verið í Noregi frá því í gær þegar yfirvöld greindu frá því að þeir hefðu upplýsingar þess efnis að til stæði að gera hryðjuverkaárás á landið á næstu dögum. Til stendur að ákveða í dag hvort öryggisráðstafanir lögreglu verði hertar enn frekar.

Upplýsingar um mögulega árás hafa náð miklu flugi á samfélagsmiðlum en öryggislögreglan varar við því að taka öllu trúanlegu sem fólk sér á netinu


Tengdar fréttir




Fleiri fréttir

Sjá meira


×