Hljóp 170 kílómetra: Fimmtánda konan í mark í "mekka fjallahlaupanna“ Nanna Elísa Jakobsdóttir skrifar 1. september 2015 14:07 Elísabet var þreytt að hlaupinu loknu. Mynd/Elísabet Elísabet Margeirsdóttir varð fimmtánda konan í mark í Ultra Trail du Mont Blanc-fjallahlaupinu sem fór fram um helgina. Þátttakendur hlaupa 170 kílómetra í kringum Mont Blanc fjallgarðinn og samanlagt er um tíuþúsund metra hækkun á leiðinni. Elísabet fór hlaupið á 32 klukkutímum og fjörtíu mínútum og telst það mjög góður árangur. Hún var í hópi þeirra fyrstu tvö hundruð sem komu í mark en um 2500 manns taka þátt í hlaupinu. „Það voru um fjörtíu prósent í ár held ég sem kláruðu ekki hlaupið. Þannig að það er talsvert mikið brottfall, það er margt sem getur komið upp á og svo eru líka margir sem ná ekki tímamörkunum.“ Tímamörkin eru 46 klukkutímar og því var Elísabet vel undir þeim. Hún bætti sig frá því að hún tók þátt í hlaupinu í fyrra en þá var hún í 17. sæti. Hlaupið var sterkara nú í ár að sögn Elísabetar auk þess sem klukkustund var bætt við leiðina. „Ef maður er að keppast við tímann þá sefur maður ekkert og stoppar eins stutt og maður getur á drykkjarstöðvunum.“Innilega til hamingju með hlaupið, Elisabet! Congratulations on a great finish at UTMB to Elisabet Margeirsdottir,...Posted by RunIceland on Sunday, August 30, 2015Íslendingurinn ekki í sínum kjöraðstæðum „Ég er að hlaupa eins mikið og ég get, er á ferðinni stanslaust. En svo labbar maður upp mjög brattar brekkur en þetta eru alveg tíu fjöll sem maður fer yfir á leiðinni. Tíu hækkanir sem eru brattar á köflum. Þannig að þetta er frekar erfitt.“ Elísabet var mjög þreytt þegar hún kom í mark en hún lenti í nokkrum óhöppum á leiðinni. Hún hrasaði nokkrum sinnum og þegar hún átti hundrað kílómetra eftir brotnaði fingur hennar. „En svona heilt yfir var þetta rosalega frábær dagur og æðislegar aðstæður. Reyndar var mjög heitt, alveg þrjátíu stiga hiti þannig að Íslendingurinn var ekki í sínum kjöraðstæðum.“ Fimmtán Íslendingar tóku þátt í hlaupinu í ár. „En það voru lækir á leiðinni sem ég gat notað til að kæla mig.“Komið að þessu!! Ultra Trail du Mt. Blanc ... 170 km með 10 þúsund metra hækku. Spáð 25-35 stiga hita yfir daginn þetta ...Posted by Elisabet Margeirsdottir on Thursday, August 27, 2015Hún hefur tekið þátt í mörgum sambærilegum hlaupum en segir Mont Blanc hlaupið það stærsta í geiranum. „Þetta er svona mekka hlaupanna. Þetta er aðalhlaupið.“ Hún segir að það þurfi að æfa af mikilli elju fyrir hlaup sem þetta. „Það þarf að koma rosalega vel undirbúinn í þetta. Bæði líkamlega og andlega undirbúinn. Það þarf að skipuleggja sig vel og vita nákvæmlega út í hvað maður er að fara. Síðan er mikilvægt að næra sig vel. Það er algengara en ekki að fólk lendi í magavandamálum og það getur verið mjög erfitt að halda áfram ef þú kemur ekki niður orku.“ Elísabet segir það mun skemmtilegra að stunda líkamsrækt úti í náttúrunni heldur en að binda hana einungis við líkamsræktarstöðvar. Það geta allir byrjað að stunda náttúruhlaup en hún rekur fyrirtækið Arctic Running sem heldur utan um náttúruhlaupanámskeið ásamt 66°Norður. „Ef fólk hefur áhuga á að kynnast svona hlaupum þá erum við með sérnámskeið bæði fyrir algjöra byrjendur og lengra komna.“Happy #utmb finisher! Frábær dagur í alla staði með smá erfiðleikum. Mikil bæting þrátt fyrir brútal viðbót á leiðinni,...Posted by Elisabet Margeirsdottir on Sunday, August 30, 2015Freistandi að prófa að fara enn lengra Ofurhlaupakonan segist hvíla líkamann í tíu daga áður en hún byrjar að hlaupa aftur langar vegalengdir. Hún útilokar ekki fleiri ofurhlaup í framtíðinni. „Það er ekki komið neitt á planið en það eru mörg hlaup í boði. Það er alltaf freistandi að prófa að fara lengra og reyna meira á sig þegar maður hefur náð góðum árangri. En maður tekur bara eitt hlaup í einu, það eru svo mörg í boði, það þarf að finna út hvort maður hefur tök á því að fara og tíma og svona.“ Elísabet hljóp hundrað og nítján kílómetra fyrr í sumar þegar hún tók þátt í The North Face Lavaredo Ultra Trail. Hér að neðan má sjá myndband sem Elísabet deildi sem gefur nokkuð skemmtilega mynd af þeim hlaupum sem hún er að taka þátt í erlendis.Eftir frábæra Mt. Esja Ultra viku tekur við næsta skemmtilega verkefni sumarsins.. The North Face Lavaredo Ultra Trail. ...Posted by Elisabet Margeirsdottir on Monday, June 22, 2015 Mest lesið Leiðin í vinnuna smám saman þrefaldast: „Þetta er eins og í einhverri bíómynd“ Innlent Fannst hennar tími vera kominn Innlent Miðflokkurinn staðfestir sig sem þriðji stærsti flokkurinn Innlent Ofbeldisbrotum fjölgar á sama tíma og lögreglumönnum fækkar Innlent Verkefnið skapi níutíu störf og meðallaunin verði um 1,4 milljón á mánuði Innlent Reyna að sigla um geiminn á geislum sólarinnar Erlent Landeigendur höfða mál gegn ríkinu vegna Hvammsvirkjunar Innlent Svona var Pallborðið með Höllu, Katrínu og Steinunni Ólínu Innlent Steinunn Ólína skýtur föstum skotum á Katrínu Innlent Össur segir Jóni Gnarr að „hætta að væla“ Innlent Fleiri fréttir Ofbeldisbrotum fjölgar á sama tíma og lögreglumönnum fækkar Landeigendur höfða mál gegn ríkinu vegna Hvammsvirkjunar Fannst hennar tími vera kominn Sakar ríkisstjórnina um að ætla að afhenda fiskeldinu firðina til eilífðar Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Halla Hrund fjórfaldar fylgi sitt á milli kannanna Ákærðir fyrir þaulskipulagða skotárás gegn feðginum á aðfangadag Sextán hundruð vettlingar fyrir börnin sem bíða Verkefnið skapi níutíu störf og meðallaunin verði um 1,4 milljón á mánuði Aðstoðarrektor í Bandaríkjunum verður rektor Háskólans á Akureyri Bjarni vill taka daginn snemma Svona var Pallborðið með Höllu, Katrínu og Steinunni Ólínu Freista þess að halda veitingamanninum bak við lás og slá Furðar sig á ávirðingum vegna kaupa á vínarbrauði Tvö manndráp á skömmum tíma „Það er ástæða fyrir því að farið er í að rannsaka þetta andlát“ Vill geta vísað flóttafólki úr landi innan tveggja sólarhringa Sjá meira
Elísabet Margeirsdóttir varð fimmtánda konan í mark í Ultra Trail du Mont Blanc-fjallahlaupinu sem fór fram um helgina. Þátttakendur hlaupa 170 kílómetra í kringum Mont Blanc fjallgarðinn og samanlagt er um tíuþúsund metra hækkun á leiðinni. Elísabet fór hlaupið á 32 klukkutímum og fjörtíu mínútum og telst það mjög góður árangur. Hún var í hópi þeirra fyrstu tvö hundruð sem komu í mark en um 2500 manns taka þátt í hlaupinu. „Það voru um fjörtíu prósent í ár held ég sem kláruðu ekki hlaupið. Þannig að það er talsvert mikið brottfall, það er margt sem getur komið upp á og svo eru líka margir sem ná ekki tímamörkunum.“ Tímamörkin eru 46 klukkutímar og því var Elísabet vel undir þeim. Hún bætti sig frá því að hún tók þátt í hlaupinu í fyrra en þá var hún í 17. sæti. Hlaupið var sterkara nú í ár að sögn Elísabetar auk þess sem klukkustund var bætt við leiðina. „Ef maður er að keppast við tímann þá sefur maður ekkert og stoppar eins stutt og maður getur á drykkjarstöðvunum.“Innilega til hamingju með hlaupið, Elisabet! Congratulations on a great finish at UTMB to Elisabet Margeirsdottir,...Posted by RunIceland on Sunday, August 30, 2015Íslendingurinn ekki í sínum kjöraðstæðum „Ég er að hlaupa eins mikið og ég get, er á ferðinni stanslaust. En svo labbar maður upp mjög brattar brekkur en þetta eru alveg tíu fjöll sem maður fer yfir á leiðinni. Tíu hækkanir sem eru brattar á köflum. Þannig að þetta er frekar erfitt.“ Elísabet var mjög þreytt þegar hún kom í mark en hún lenti í nokkrum óhöppum á leiðinni. Hún hrasaði nokkrum sinnum og þegar hún átti hundrað kílómetra eftir brotnaði fingur hennar. „En svona heilt yfir var þetta rosalega frábær dagur og æðislegar aðstæður. Reyndar var mjög heitt, alveg þrjátíu stiga hiti þannig að Íslendingurinn var ekki í sínum kjöraðstæðum.“ Fimmtán Íslendingar tóku þátt í hlaupinu í ár. „En það voru lækir á leiðinni sem ég gat notað til að kæla mig.“Komið að þessu!! Ultra Trail du Mt. Blanc ... 170 km með 10 þúsund metra hækku. Spáð 25-35 stiga hita yfir daginn þetta ...Posted by Elisabet Margeirsdottir on Thursday, August 27, 2015Hún hefur tekið þátt í mörgum sambærilegum hlaupum en segir Mont Blanc hlaupið það stærsta í geiranum. „Þetta er svona mekka hlaupanna. Þetta er aðalhlaupið.“ Hún segir að það þurfi að æfa af mikilli elju fyrir hlaup sem þetta. „Það þarf að koma rosalega vel undirbúinn í þetta. Bæði líkamlega og andlega undirbúinn. Það þarf að skipuleggja sig vel og vita nákvæmlega út í hvað maður er að fara. Síðan er mikilvægt að næra sig vel. Það er algengara en ekki að fólk lendi í magavandamálum og það getur verið mjög erfitt að halda áfram ef þú kemur ekki niður orku.“ Elísabet segir það mun skemmtilegra að stunda líkamsrækt úti í náttúrunni heldur en að binda hana einungis við líkamsræktarstöðvar. Það geta allir byrjað að stunda náttúruhlaup en hún rekur fyrirtækið Arctic Running sem heldur utan um náttúruhlaupanámskeið ásamt 66°Norður. „Ef fólk hefur áhuga á að kynnast svona hlaupum þá erum við með sérnámskeið bæði fyrir algjöra byrjendur og lengra komna.“Happy #utmb finisher! Frábær dagur í alla staði með smá erfiðleikum. Mikil bæting þrátt fyrir brútal viðbót á leiðinni,...Posted by Elisabet Margeirsdottir on Sunday, August 30, 2015Freistandi að prófa að fara enn lengra Ofurhlaupakonan segist hvíla líkamann í tíu daga áður en hún byrjar að hlaupa aftur langar vegalengdir. Hún útilokar ekki fleiri ofurhlaup í framtíðinni. „Það er ekki komið neitt á planið en það eru mörg hlaup í boði. Það er alltaf freistandi að prófa að fara lengra og reyna meira á sig þegar maður hefur náð góðum árangri. En maður tekur bara eitt hlaup í einu, það eru svo mörg í boði, það þarf að finna út hvort maður hefur tök á því að fara og tíma og svona.“ Elísabet hljóp hundrað og nítján kílómetra fyrr í sumar þegar hún tók þátt í The North Face Lavaredo Ultra Trail. Hér að neðan má sjá myndband sem Elísabet deildi sem gefur nokkuð skemmtilega mynd af þeim hlaupum sem hún er að taka þátt í erlendis.Eftir frábæra Mt. Esja Ultra viku tekur við næsta skemmtilega verkefni sumarsins.. The North Face Lavaredo Ultra Trail. ...Posted by Elisabet Margeirsdottir on Monday, June 22, 2015
Mest lesið Leiðin í vinnuna smám saman þrefaldast: „Þetta er eins og í einhverri bíómynd“ Innlent Fannst hennar tími vera kominn Innlent Miðflokkurinn staðfestir sig sem þriðji stærsti flokkurinn Innlent Ofbeldisbrotum fjölgar á sama tíma og lögreglumönnum fækkar Innlent Verkefnið skapi níutíu störf og meðallaunin verði um 1,4 milljón á mánuði Innlent Reyna að sigla um geiminn á geislum sólarinnar Erlent Landeigendur höfða mál gegn ríkinu vegna Hvammsvirkjunar Innlent Svona var Pallborðið með Höllu, Katrínu og Steinunni Ólínu Innlent Steinunn Ólína skýtur föstum skotum á Katrínu Innlent Össur segir Jóni Gnarr að „hætta að væla“ Innlent Fleiri fréttir Ofbeldisbrotum fjölgar á sama tíma og lögreglumönnum fækkar Landeigendur höfða mál gegn ríkinu vegna Hvammsvirkjunar Fannst hennar tími vera kominn Sakar ríkisstjórnina um að ætla að afhenda fiskeldinu firðina til eilífðar Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Halla Hrund fjórfaldar fylgi sitt á milli kannanna Ákærðir fyrir þaulskipulagða skotárás gegn feðginum á aðfangadag Sextán hundruð vettlingar fyrir börnin sem bíða Verkefnið skapi níutíu störf og meðallaunin verði um 1,4 milljón á mánuði Aðstoðarrektor í Bandaríkjunum verður rektor Háskólans á Akureyri Bjarni vill taka daginn snemma Svona var Pallborðið með Höllu, Katrínu og Steinunni Ólínu Freista þess að halda veitingamanninum bak við lás og slá Furðar sig á ávirðingum vegna kaupa á vínarbrauði Tvö manndráp á skömmum tíma „Það er ástæða fyrir því að farið er í að rannsaka þetta andlát“ Vill geta vísað flóttafólki úr landi innan tveggja sólarhringa Sjá meira