LAUGARDAGUR 10. DESEMBER NÝJAST 09:00

Stjórnmál verđa ekki ćvistarfiđ

LÍFIĐ

Hjörleifur ćtti ađ teljast fyrstur landnámsmanna

 
Innlent
18:30 01. FEBRÚAR 2016

Því fer fjarri að eining ríki meðal Íslendinga um að Ingólfur Arnarson sé talinn fyrsti landnámsmaður Íslands. Þingeyingar hafa löngum gert kröfu til þess að Náttfari fái heiðurinn og nú heyrast raddir meðal Mýrdælinga um að fóstbróðurinn Hjörleifur verði talinn sá fyrsti sem nam landið.


Fóstbrćđurnir Hjörleifur og Ingólfur voru báđir úr Dalsfirđi í Noregi.
Fóstbrćđurnir Hjörleifur og Ingólfur voru báđir úr Dalsfirđi í Noregi. TEIKNING/JAKOB JÓHANNSSON.

„Ingólfur var frægastur allra landnámsmanna, því að hann kom hér að óbyggðu landi og byggði fyrstur landið; gerðu það aðrir landnámsmenn eftir hans dæmum," segir Landnámabók en vegna þessarar frásagnar hefur hann verið talinn fyrstur. En hversu trúverðug er hún um Ingólf? 

„Það er full ástæða til að draga hana í efa,“ segir Jón Viðar Sigurðsson, prófessor í sagnfræði við Oslóarháskóla, einn af höfundum norskrar bókar um Ingólf, sem út kom fyrir áratug. 

„Það var náttúrlega nauðsynlegt fyrir Íslendinga á tólftu og þrettándu öld að búa til goðsögn um fyrsta landnámsmanninn og Ingólfur varð fyrir valinu. Hvort hann var fyrstur, annar eða þriðji skiptir kannski ekki öllu máli. En allavega, honum er hampað sem fyrsta landnámsmanni,“ segir Jón Viðar.


Náttfari, ţrćllinn og ambáttin urđu eftir ţegar Garđar Svavarsson sigldi burt, eftir vetursetu á Húsavík.
Náttfari, ţrćllinn og ambáttin urđu eftir ţegar Garđar Svavarsson sigldi burt, eftir vetursetu á Húsavík. TEIKNING/JAKOB JÓHANNSSON.

Þingeyingar hafa löngum haldið því fram að Náttfari, sem Garðar Svavarsson skildi eftir, eigi að teljast fyrstur. Örlygur Hnefill Jónsson, stjórnarformaður Könnunarsafnsins á Húsavík, minnir á að enn hafi ekki verið reist stytta af Náttfara á Arnarhóli, eins og gert hafi verið í Reykjavík með landnámsmann númer tvö. 

Þórir Kjartansson í Vík, sem ættaður er úr Hjörleifshöfða, vitnar til þess að samkvæmt Landnámu hafi Hjörleifur, fóstbróðir Ingólfs, verið byrjaður að nema land við Hjörleifshöfða, búinn að byggja tvo stóra skála og byrjaður akuryrkju þegar þrælarnir drápu hann. 

„Við Mýrdælingar viljum halda því fram að Hjörleifur sé eiginlega fyrsti landnámsmaðurinn,“ segir Þórir. 

„Hann virðist hafa ætlað að setjast hér að, ætlaði að fara að rækta landið. Þá er Ingólfur, fóstbróðir hans, ennþá að þvælast um að leita að öndvegissúlunum sínum. Við erum dálítið fastir á þessu, margir,“ segir Þórir.


Helga Arnardóttir, systir Ingólfs, og Hjörleifur Hróđmarsson, fóstbróđir Ingólfs. Voru ţau búin ađ nema land viđ Hjörleifshöfđa ţegar ţrćlarnir drápu Hjörleif?
Helga Arnardóttir, systir Ingólfs, og Hjörleifur Hróđmarsson, fóstbróđir Ingólfs. Voru ţau búin ađ nema land viđ Hjörleifshöfđa ţegar ţrćlarnir drápu Hjörleif? TEIKNING/JAKOB JÓHANNSSON.

Fjallað er um Ingólf og Hjörleif í fjórða þætti Landnemanna á Stöð 2 kl. 20.35 í kvöld.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Hjörleifur ćtti ađ teljast fyrstur landnámsmanna
Fara efst