Innlent

Hjartveiki sjómaðurinn kominn á Landspítalann

Kolbeinn Tumi Daðason skrifar
Frá flugvellinum á Höfn um níuleytið í kvöld þar sem skipverjinn var fluttur um borð í sjúkraflugvélina.
Frá flugvellinum á Höfn um níuleytið í kvöld þar sem skipverjinn var fluttur um borð í sjúkraflugvélina.
Skipverjinn á norska loðnuskipinu, sem varðskipið Þór sótti um 115 sjómílur austur af Norðfirði seinni partinn í dag, er kominn á Landspítalann. Samvinna þyrlu Landhelgisgæslunnar og sjúkraflugvélar Mýflugs skilaði honum í höfuðborgina um tíuleytið í kvöld.

Eins og greint var frá á Vísi fyrr í kvöld ákváðu sjúkraflutningamenn í áhöfn Þórs að best væri að flytja sjúklinginn í land. Þyrla Landhelgisgæslunnar flaug til móts við Þór og flutti sjómanninn áleiðis suður.

Þyrlan lenti svo á flugvellinum á Höfn þangað sem sjúkraflugvél Mýflugs var mætt. Var óskað eftir aðstoð vélarinnar þar sem hún flýgur töluvert hraðar en þyrlan og fer auk þess styttri leið.

Um stundarfjórðung tók að flytja manninn á milli þyrlunnar og sjúkraflugvélar Mýflugs og hélt flugvélin til Reykjavíkur um 21:10 og var komin í bæinn um klukkustund síðar.


Tengdar fréttir




Fleiri fréttir

Sjá meira


×