Hiddink: Chelsea er í fallhćttu

 
Enski boltinn
22:00 15. JANÚAR 2016
Guus Hiddink.
Guus Hiddink. VÍSIR/GETTY

Guus Hiddink, knattspyrnustjóri Chelsea, sagði hlutina bara eins og þeir eru á blaðamannafundi fyrir leik liðsins á móti Everton í ensku úrvalsdeildinni um helgina.

Chelsea hefur ekki enn tapað undir stjórn Guus Hiddink en þrír af fimm leikjum hafa endaði með jafntefli. Liðið er sem stendur í fjórtánda sætinu og aðeins sex stigum frá fallsæti.

„Staðreyndin er sú að við erum í fallhættu. Það eru tveir erfiður leikir framundan og ef við fáum ekki stig út úr þeim er aldrei að vita hvað hin liðin gera á meðan. Enska úrvalsdeildin getur alltaf komið þér á óvart," sagði Guus Hiddink.

Chelea mætir Everton á morgun og eftir það bíður liðsins útileikur á móti toppliði Arsenal.

Chelsea var þó bara einu stigi frá fallsæti þegar Jose Mourinho var rekinn og Guus Hiddink tók við. Liðið vann Sunderland í fyrsta leiknum undir stjórn Hiddink en hefur síðan gert þrjú jafntefli í fjórum leikjum þar af tvö þeirra á Stamford Bridge.

„Það eru samt tólf stig upp í fjórða sætið þar sem Tottenham er. Við viljum horfa upp töfluna en við erum samt raunsæir. Það eru bara sex stig niður í falsæti. Það er staðreynd," sagði Hiddink.

„Við verðum að leggja mikla vinnu á okkur, halda einbeitingunni og safna stigum til að koma okkur ofar," sagði Hiddink.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Enski boltinn / Hiddink: Chelsea er í fallhćttu
Fara efst