SUNNUDAGUR 26. JÚNÍ NÝJAST 10:15

Lćra ađ vera viđ stjórn

LÍFIĐ

Herra Níels var sóttur á kajak út í Gróttu

 
Lífiđ
09:30 18. FEBRÚAR 2016
Bjargvćtturinn Guđmundur Breiđdal, kemur hér međ Grímu Valsdóttur, eđa apann Herra Níels, í land.
Bjargvćtturinn Guđmundur Breiđdal, kemur hér međ Grímu Valsdóttur, eđa apann Herra Níels, í land.

Gríma Valsdóttir sem leikur apann Herra Níels í leiksýningunni Lína Langsokkur var sótt á kajak út í Gróttu þegar óhapp átti sér stað í Borgarleikhúsinu á sunnudag.

Í upphitun fyrir lokasýninguna á Línu Langsokk varð Mikael Köll Guðmundsson sem leikur einnig Herra Níels fyrir því mikla óláni að misstíga sig og var Gríma því kölluð út.

Hún var þó hins vegar ekki alveg á besta stað til þess að rjúka upp í leikhús því hún var stödd úti í Gróttu í bekkjarferðalagi og þar var háflóð og ekki hægt að ganga yfir. Hún átti að koma heim um miðjan dag, þegar fjaraði og hægt væri að ganga yfir en óhappið í leikhúsinu átti sér stað að morgni sunnudags.


Gríma og Guđmundur eru hér á leiđ í land.
Gríma og Guđmundur eru hér á leiđ í land.

„Ég hringdi í frábæra foreldra sem ég vissi að væri mikið græjufólk og þau brugðust svona skjótt við. Þau hringdu í vini sína sem sóttu kajak fyrir tvo í Nauthólsvík og aðrar sjógræjur. Svo komu þeir og annar þeirra sigldi út í Gróttu og klæddi hana í sjóklæði og sigldi með hana til baka. Hún var svo komin í leikhúsið hálftíma fyrir sýningu,“ útskýrir Ilmur Stefánsdóttir, móðir Grímu.

Hún hafði sjálf reynt að sækja dóttur sína en þegar hún var farin að skríða á fjórum fótum á steinunum í sjónum gerði hún sér grein fyrir því að hún kæmist ekki yfir og því var ákveðið að grípa til aðgerða. Þetta ferli tók um það bil tvær og hálfa klukkustund.

„Það var hringt í mig klukkan tíu og hún var komin í leikhúsið klukkan hálf eitt.“

Sýningin gekk vel að sögn Ilmar. „Sýningin gekk ótrúlega vel, Grímu leið eins og sannri Línu Langsokk, þetta var þannig ævintýri,“ segir Ilmur létt í lundu.

Lokasýningin á Línu langsokk á sunnudaginn í Borgarleikhúsinu var sú 102. í röðinni en sýningin var frumsýnd í september 2014.


Ćvintýriđ sem Gríma lenti í á sýningardaginn minnir óneitanlega á eitthvađ sem Lína langsokkur gćti lent í. Lokasýningin gekk mjög vel en hér sjáum viđ Línu og Herra Níels skemmta sér saman í sýningunni.
Ćvintýriđ sem Gríma lenti í á sýningardaginn minnir óneitanlega á eitthvađ sem Lína langsokkur gćti lent í. Lokasýningin gekk mjög vel en hér sjáum viđ Línu og Herra Níels skemmta sér saman í sýningunni.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ

TAROT DAGSINS

Dragđu spil og sjáđu hvađa spádóm ţađ geymir.
Forsíđa / Lífiđ / Lífiđ / Herra Níels var sóttur á kajak út í Gróttu
Fara efst