Hefur skilað sér þúsundfalt Óskar Ófeigur Jónsson skrifar 7. apríl 2016 06:00 Karen Helga Díönudóttir, fyrirliði kvennaliðs Hauka í handbolta, varð í gær fyrsta Haukakonan til að taka við bikar síðan Hanna Guðrún Stefánsdóttir tók við deildarmeistaratitlinum sjö árum áður. Fréttablaðið/ernir Það var gleðistund á Ásvöllum í gærkvöldi þegar Haukakonur tóku við fyrsta bikar kvennahandboltaliðs félagsins í sjö ár eftir tólf marka sigur á HK í lokaumferðinni. Fram fyrir liðið gekk hin 23 ára gamla Karen Helga Díönudóttir og upplifði langþráða stund fyrir sig og stóran hóp liðsfélaganna sem höfðu hjálpað Haukaliðinu á leiðinni sinni frá botninum upp á topp Olís-deildarinnar á þremur árum.Vorum eiginlega á botninum „Þetta er rosaflott skref. Félagið er búið að vinna grimmt að þessu í fimm ár eða síðan við byrjuðum í uppbyggingu og vorum eiginlega á botninum. Það var sett upp fimm ára plan og það er að standast. Planið var að vera í baráttu um titlana og það er enn þá betra að landa einum,“ sagði Karen Helga Díönudóttir, fyrirliði Haukaliðsins. Hinn 25. febrúar tapaði Haukaliðið undanúrslitaleik í bikar eftir tvíframlengdan leik á móti Gróttu. Tapið var sárt en lærdómsríkt að sögn fyrirliðans. „Það var erfitt beint eftir leikinn en eftir hann kom ekki til greina að tapa þessum titli líka. Okkur fannst við með þann leik því við gátum oft klárað hann á þessum 80 mínútum. Við gerðum það ekki og því þurftum við að fara yfir það hjá okkur af hverju við vorum ekki að ná að klára hann sem skilaði sér síðan þegar mest á reyndi í deildinni,“ segir Karen Helga. Einum mánuði síðar fór Haukaliðið í heimsókn til Gróttu og vann þriggja marka sigur á Nesinu. Sá sigur átti eftir að ráða mjög miklu í baráttunni um deildarmeistaratitilinn og heimavallarrétt út úrslitakeppnina. „Það skilaði sér þessi vinna sem við unnum eftir undanúrslitaleikinn,“ segir Karen.Ómetanleg reynsla Það kom ekki til greina hjá henni að yfirgefa Haukaliðið þegar verst gekk. „Við sem erum uppaldar vissum af þessu markmiði. Þetta var erfitt á vissum stundum, enda erfitt að vera að tapa með tuttugu mörkum. Þá hugsaði maður sig um hvað maður væri að gera í þessu en þegar maður lítur til baka í dag þá sér maður að þessi reynsla, að fara frá botninum á toppinn, er ómetanleg. Það er ekki hægt að skipta henni út fyrir neitt. Ég sé ekki eftir því að hafa haldið þetta út,“ segir Karen. Haukar höfðu ekki unnið titil síðan 2009, en nú líkt og þá voru þær með Ramune Pekarskyte innanborðs. Ramune kom aftur til Hauka fyrir þetta tímabil.Vill að öllum líði vel „Hún er algjör fengur. Hún er bara Haukastelpa eins og við allar. Hún gerir þetta með hjartanu og er líka með það mikla reynslu að hún hjálpar öllum í kringum sig,“segir Karen og hrósar Ramune sem liðsmanni. „Eins góð og hún er þá er það ekki hennar afstaða að vera stjarnan í liðinu. Hún vill að öllum líði vel og að það sé liðsheild. Það hefur skilað sér þúsundfalt,“ segir Karen. Deildarkeppnin endar mjög vel fyrir Karen en það byrjaði þó ekki vel. „Ég datt úr olnbogaliði strax í fyrsta leik og var frá í tvo mánuði. Það var mjög erfitt,“ segir Karen. Það hafði líka sín áhrif, því þegar hún kom til baka var Haukaliðið bara í fimmta sæti deildarinnar. „Við settum okkur markmið fyrir áramót að vera meðal fjögurra efstu og við enduðum í fjórða sæti eftir fyrri hlutann. Svo settumst við aftur niður og ætluðum okkur aðeins meira. Það gekk upp,“ segir Karen. Lykillinn? „Það hefur aldrei verið neitt vesen og allir á sömu blaðsíðu. Það eru allar að stefna á það sama sem er mjög flott. Maður kemst ekki mikið áfram án þess að vera með liðsheild,“ segir Karen.Ekki margar sem höfðu unnið „Það er langþráð fyrir flestar í liðinu að vinna þennan titil því það eru ekki margar í þessu liði sem hafa unnið titil áður,“ sagði Karen sem hefur verið fyrirliði liðsins í nokkur ár þrátt fyrir að vera ekki gömul. „Ég tók við fyrirliðahlutverkinu tiltölulega snemma í þessari uppbyggingu og það er skemmtileg reynsla. Það er svo mikil liðsheild að það er ekki mjög erfitt hlutverk og ekki mikið um vesen sem maður þarf að takast á við,“ segir Karen.Þjálfarinn er mikill sóknargúrú Óskar Ármannsson tók við þjálfun Haukaliðsins fyrir þetta tímabil. „Það koma alltaf nýjar áherslur með öllum þjálfurum. Hann er mikill sóknargúrú og hefur farið mikið yfir sóknarleikinn hjá okkur. Svo fylgir líka vörnin með og mér finnst hún ekki búin að vera síðri. Hann er búinn að fara mikið yfir þetta hjá okkur og við erum búnar að læra helling,“ segir Karen. Haukar urðu Íslandsmeistarar kvenna í fimmta skiptið á tíu árum vorið 2005 en síðan hefur sá stóri ekki komið í hús. „Haukar eru toppfélag og hefur oft og lengi verið með kvennahandboltann á toppnum. Það var leiðinlegt að vera ekki að standa undir því. Það er bara gull að vera komnar aftur þangað,“ sagði Karen. Deildameistaratitilinn er þó aðeins byrjunin hjá liðinu. „Við erum alveg enn þá á jörðinni og ætlum okkur meira í þessu móti. Núna er bara að byrja nýtt mót. Þegar maður gerir hlutina ekki hundrað prósent þá er maður ekki að fara að afreka neitt,“ sagði Karen að lokum. Birtist í Fréttablaðinu Olís-deild kvenna Mest lesið Garnacho búinn að biðjast afsökunar Enski boltinn „Ef þetta er rautt, af hverju komast aðrir upp með að brjóta miklu oftar?“ Íslenski boltinn „Allt í lagi fram að rauða spjaldinu en breyttist mikið þá“ Íslenski boltinn Frá Englandsmeisturunum til meistaraliðs Bandaríkjanna Enski boltinn „Ég elska Keflavík og ég elska Ísland“ Körfubolti „Særð dýr eru hættulegustu dýrin“ Körfubolti „Við treystum á Remy og guð í kvöld“ Körfubolti Uppgjör, viðtöl og myndir: Stjarnan - Valur 1-0 | Stjörnumenn komnir á blað Íslenski boltinn Uppgjörið: Grindavík - Tindastóll 91-89 | Íslandsmeisturunum sópað úr leik í Smáranum Körfubolti ÍA kynnir Rúnar Má til leiks Íslenski boltinn Fleiri fréttir Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Hvað viltu meira? „Góð aðventa með handbolta og skíðum“ Hergeir til Hauka Arnar Freyr öflugur í góðum sigri Melsungen Sveinn Andri samdi við Stjörnuna Ísland í erfiðum riðli á EM Jóhanna Margrét skiptir um lið innan Svíþjóðar Fimmtán dagar á milli leikja í sama einvígi í Olís deild karla Sebastian tekur við kvennaliði Víkings Tap hjá Íslendingaliðinu í fyrsta leik 8-liða úrslita Norska stórliðið örugglega í undanúrslit HSÍ keyri sig ekki aftur í þrot vegna HM Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga „Mættum klárir og ætluðum að svara fyrir laugardaginn“ Alfreð og Dagur saman í riðli á Ólympíuleikunum Spenntur fyrir að halda HM með Íslendingum HM í handbolta 2031 fer fram á Íslandi Magnaður Bjarki Már þegar Veszprém svo gott sem tryggði sér titilinn ÍBV sendi ÍR í sumarfrí Stefán Arnars: Fram er með fjóra og við einn Uppgjör, viðtöl og myndir: Stjarnan - Haukar 21-25 | Stjörnukonur sendar í sumarfrí Stefán Rafn leggur skóna á hilluna Uppgjörið, viðtöl og myndir: Haukar – ÍBV 31-37 | Eyjamenn sendu Hauka í sumarfrí KA komið í sumarfrí en FH heldur áfram Magdeburg bikarmeistari eftir stórsigur gegn Melsungen Flensburg hirti brons í bikarkeppni „Hef ekki trú á að FH geti unnið Val í seríu“ Sjá meira
Það var gleðistund á Ásvöllum í gærkvöldi þegar Haukakonur tóku við fyrsta bikar kvennahandboltaliðs félagsins í sjö ár eftir tólf marka sigur á HK í lokaumferðinni. Fram fyrir liðið gekk hin 23 ára gamla Karen Helga Díönudóttir og upplifði langþráða stund fyrir sig og stóran hóp liðsfélaganna sem höfðu hjálpað Haukaliðinu á leiðinni sinni frá botninum upp á topp Olís-deildarinnar á þremur árum.Vorum eiginlega á botninum „Þetta er rosaflott skref. Félagið er búið að vinna grimmt að þessu í fimm ár eða síðan við byrjuðum í uppbyggingu og vorum eiginlega á botninum. Það var sett upp fimm ára plan og það er að standast. Planið var að vera í baráttu um titlana og það er enn þá betra að landa einum,“ sagði Karen Helga Díönudóttir, fyrirliði Haukaliðsins. Hinn 25. febrúar tapaði Haukaliðið undanúrslitaleik í bikar eftir tvíframlengdan leik á móti Gróttu. Tapið var sárt en lærdómsríkt að sögn fyrirliðans. „Það var erfitt beint eftir leikinn en eftir hann kom ekki til greina að tapa þessum titli líka. Okkur fannst við með þann leik því við gátum oft klárað hann á þessum 80 mínútum. Við gerðum það ekki og því þurftum við að fara yfir það hjá okkur af hverju við vorum ekki að ná að klára hann sem skilaði sér síðan þegar mest á reyndi í deildinni,“ segir Karen Helga. Einum mánuði síðar fór Haukaliðið í heimsókn til Gróttu og vann þriggja marka sigur á Nesinu. Sá sigur átti eftir að ráða mjög miklu í baráttunni um deildarmeistaratitilinn og heimavallarrétt út úrslitakeppnina. „Það skilaði sér þessi vinna sem við unnum eftir undanúrslitaleikinn,“ segir Karen.Ómetanleg reynsla Það kom ekki til greina hjá henni að yfirgefa Haukaliðið þegar verst gekk. „Við sem erum uppaldar vissum af þessu markmiði. Þetta var erfitt á vissum stundum, enda erfitt að vera að tapa með tuttugu mörkum. Þá hugsaði maður sig um hvað maður væri að gera í þessu en þegar maður lítur til baka í dag þá sér maður að þessi reynsla, að fara frá botninum á toppinn, er ómetanleg. Það er ekki hægt að skipta henni út fyrir neitt. Ég sé ekki eftir því að hafa haldið þetta út,“ segir Karen. Haukar höfðu ekki unnið titil síðan 2009, en nú líkt og þá voru þær með Ramune Pekarskyte innanborðs. Ramune kom aftur til Hauka fyrir þetta tímabil.Vill að öllum líði vel „Hún er algjör fengur. Hún er bara Haukastelpa eins og við allar. Hún gerir þetta með hjartanu og er líka með það mikla reynslu að hún hjálpar öllum í kringum sig,“segir Karen og hrósar Ramune sem liðsmanni. „Eins góð og hún er þá er það ekki hennar afstaða að vera stjarnan í liðinu. Hún vill að öllum líði vel og að það sé liðsheild. Það hefur skilað sér þúsundfalt,“ segir Karen. Deildarkeppnin endar mjög vel fyrir Karen en það byrjaði þó ekki vel. „Ég datt úr olnbogaliði strax í fyrsta leik og var frá í tvo mánuði. Það var mjög erfitt,“ segir Karen. Það hafði líka sín áhrif, því þegar hún kom til baka var Haukaliðið bara í fimmta sæti deildarinnar. „Við settum okkur markmið fyrir áramót að vera meðal fjögurra efstu og við enduðum í fjórða sæti eftir fyrri hlutann. Svo settumst við aftur niður og ætluðum okkur aðeins meira. Það gekk upp,“ segir Karen. Lykillinn? „Það hefur aldrei verið neitt vesen og allir á sömu blaðsíðu. Það eru allar að stefna á það sama sem er mjög flott. Maður kemst ekki mikið áfram án þess að vera með liðsheild,“ segir Karen.Ekki margar sem höfðu unnið „Það er langþráð fyrir flestar í liðinu að vinna þennan titil því það eru ekki margar í þessu liði sem hafa unnið titil áður,“ sagði Karen sem hefur verið fyrirliði liðsins í nokkur ár þrátt fyrir að vera ekki gömul. „Ég tók við fyrirliðahlutverkinu tiltölulega snemma í þessari uppbyggingu og það er skemmtileg reynsla. Það er svo mikil liðsheild að það er ekki mjög erfitt hlutverk og ekki mikið um vesen sem maður þarf að takast á við,“ segir Karen.Þjálfarinn er mikill sóknargúrú Óskar Ármannsson tók við þjálfun Haukaliðsins fyrir þetta tímabil. „Það koma alltaf nýjar áherslur með öllum þjálfurum. Hann er mikill sóknargúrú og hefur farið mikið yfir sóknarleikinn hjá okkur. Svo fylgir líka vörnin með og mér finnst hún ekki búin að vera síðri. Hann er búinn að fara mikið yfir þetta hjá okkur og við erum búnar að læra helling,“ segir Karen. Haukar urðu Íslandsmeistarar kvenna í fimmta skiptið á tíu árum vorið 2005 en síðan hefur sá stóri ekki komið í hús. „Haukar eru toppfélag og hefur oft og lengi verið með kvennahandboltann á toppnum. Það var leiðinlegt að vera ekki að standa undir því. Það er bara gull að vera komnar aftur þangað,“ sagði Karen. Deildameistaratitilinn er þó aðeins byrjunin hjá liðinu. „Við erum alveg enn þá á jörðinni og ætlum okkur meira í þessu móti. Núna er bara að byrja nýtt mót. Þegar maður gerir hlutina ekki hundrað prósent þá er maður ekki að fara að afreka neitt,“ sagði Karen að lokum.
Birtist í Fréttablaðinu Olís-deild kvenna Mest lesið Garnacho búinn að biðjast afsökunar Enski boltinn „Ef þetta er rautt, af hverju komast aðrir upp með að brjóta miklu oftar?“ Íslenski boltinn „Allt í lagi fram að rauða spjaldinu en breyttist mikið þá“ Íslenski boltinn Frá Englandsmeisturunum til meistaraliðs Bandaríkjanna Enski boltinn „Ég elska Keflavík og ég elska Ísland“ Körfubolti „Særð dýr eru hættulegustu dýrin“ Körfubolti „Við treystum á Remy og guð í kvöld“ Körfubolti Uppgjör, viðtöl og myndir: Stjarnan - Valur 1-0 | Stjörnumenn komnir á blað Íslenski boltinn Uppgjörið: Grindavík - Tindastóll 91-89 | Íslandsmeisturunum sópað úr leik í Smáranum Körfubolti ÍA kynnir Rúnar Má til leiks Íslenski boltinn Fleiri fréttir Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Hvað viltu meira? „Góð aðventa með handbolta og skíðum“ Hergeir til Hauka Arnar Freyr öflugur í góðum sigri Melsungen Sveinn Andri samdi við Stjörnuna Ísland í erfiðum riðli á EM Jóhanna Margrét skiptir um lið innan Svíþjóðar Fimmtán dagar á milli leikja í sama einvígi í Olís deild karla Sebastian tekur við kvennaliði Víkings Tap hjá Íslendingaliðinu í fyrsta leik 8-liða úrslita Norska stórliðið örugglega í undanúrslit HSÍ keyri sig ekki aftur í þrot vegna HM Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga „Mættum klárir og ætluðum að svara fyrir laugardaginn“ Alfreð og Dagur saman í riðli á Ólympíuleikunum Spenntur fyrir að halda HM með Íslendingum HM í handbolta 2031 fer fram á Íslandi Magnaður Bjarki Már þegar Veszprém svo gott sem tryggði sér titilinn ÍBV sendi ÍR í sumarfrí Stefán Arnars: Fram er með fjóra og við einn Uppgjör, viðtöl og myndir: Stjarnan - Haukar 21-25 | Stjörnukonur sendar í sumarfrí Stefán Rafn leggur skóna á hilluna Uppgjörið, viðtöl og myndir: Haukar – ÍBV 31-37 | Eyjamenn sendu Hauka í sumarfrí KA komið í sumarfrí en FH heldur áfram Magdeburg bikarmeistari eftir stórsigur gegn Melsungen Flensburg hirti brons í bikarkeppni „Hef ekki trú á að FH geti unnið Val í seríu“ Sjá meira
Uppgjörið: Grindavík - Tindastóll 91-89 | Íslandsmeisturunum sópað úr leik í Smáranum Körfubolti
Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga
Uppgjörið: Grindavík - Tindastóll 91-89 | Íslandsmeisturunum sópað úr leik í Smáranum Körfubolti