Hátíð með rómantískum blæ Elín Albertsdóttir skrifar 13. júlí 2016 10:00 Það eru annasamir dagar hjá Steinunni Jónsdóttur, söngkonu Reyjavíkurdætra og Amabadama. Hún þeytist á milli landa og þenur röddina. Nýlega var það Hróarskelda, á morgun er það Spánn og síðan Bræðslan á Borgarfirði eystri. Steinunn segir að líf tónlistarmannsins sé fjölbreytt í sumar. Hún á þó alltaf frí á milli og hefur þá nægan tíma fyrir soninn og kærastann, Magnús Jónsson eða Gnúsa Yones, sem er reyndar líka í Amabadama. „Ég hlakka mikið til að syngja á Bræðslunni, enda á ég ættir að rekja þangað austur,“ segir Steinunn. „Afi minn var frá Borgarfirði eystri og ég á marga ættingja þar. Ég fór einu sinni á ættarmót þarna og hef farið nokkrum sinnum síðan í heimsókn. Þetta er gullstaður sem gaman er að koma til. Í fyrravetur fengum við Gnúsi boð um að dvelja í listasmiðju á Borgarfirði eystri í tvær vikur. Það var mjög skemmtileg upplifun. Vel var hugsað um okkur, boðið upp á ljúffengan mat og meira að segja var búið til lítið kaffihús. Á þessum tíma var enginn ferðamannastraumur og við fengum kærkomið tækifæri til að iðka listsköpun okkar í þessu rólega og fallega umhverfi. Þetta er lítill bær og það var örugglega líka tilbreyting fyrir bæjarbúa að fá ný andlit en þarna voru fleiri listamenn. Bærinn hefur yfir sér ákaflega rómantískan blæ og ég hlakka mikið til að koma þangað aftur,“ segir Steinunn.Stór nöfn Steinunn segir að mikið verði um að vera á Borgarfirði eystri um þarnæstu helgi, 23. júlí, því auk Bræðslunnar verða tónleikar í félagsheimilinu Fjarðarborg á föstudeginum. Þar koma fram Jónas Sig og Ritvélar framtíðarinnar, Úlfur Úlfur og MurMur. Á Bræðslunni verður margt góðra gesta fyrir utan Amabadama, meðal annarra Nýdönsk, KK band og Soffía Björg. Erlendir gestir verða Gavin James, sem hefur meðal annars hitað upp fyrir Sam Smith og Ed Sheeran, og David Celia. Þá kemur fram hin danska Tina Diskow ásamt Helga Jónssyni. Nýir sumarsmellir Amabadama hefur verið að vinna að nýrri hljómplötu og verða nokkur lög af henni flutt á Bræðslunni. „Já, við verðum með ný lög í bland við eldri. Við vonumst til að koma plötunni út seinna á þessu ári,“ segir Steinunn. Eitt lag, AI AI AI, hefur þegar verið í spilun og er búið að sitja á vinsældarlistanum í tólf vikur. Steinunn segir að fljótlega komi annað lag af plötunni á markað. Væntanlega annar sumarsmellur. „Við erum með reggítónlist og hún er alltaf svolítið sólar- og sumarleg,“ segir Steinunn sem var að pakka fyrir Spánarferð með Reykjavíkurdætrum. Flott á Hróarskeldu „Ég var að koma heim úr vel heppnuðu tónleikaferðalagi til Noregs, Belgíu og Hróarskeldu í Danmörku. Okkur var einstaklega vel fagnað á Hróarskeldu og vorum með yfir tíu þúsund áhorfendur. Þetta var draumi líkast og kannski ástæðan fyrir því að maður heldur sig við tónlistina. Í dag höldum við til Spánar þar sem við verðum á stóru festivali sem heitir FIB og er í Benicassim sem er 92 km frá Valencia. Þarna verða mörg stór nöfn. Reykjavíkurdætur munu syngja fyrir Druslugönguna í næstu viku en síðan verður haldið austur á land með Amabadama. Reykjavíkurdætur gáfu nýlega út plötu sem þær stúlkur hafa verið að kynna. „Það er margt spennandi fram undan,“ segir Steinunn. „Svo verður örugglega nóg um að vera um verslunarmannahelgina. Um miðjan ágúst verður Amabadama að spila á mikilli hátíð í Bristol. Þar verður fjöldi góðra tónlistarmanna og ég myndi mæla með að þeir sem eiga eftir að fara í sumarfrí skelli sér á þangað. Þetta er búið að vera skemmtilegt sumar. Vinnutíminn er óhefðbundinn en á milli tarna á ég góðan tíma með fjölskyldunni. Tónlist Mest lesið Mislukkuð sýning í Borgarleikhúsinu með góðum sprettum Gagnrýni Allt klárt fyrir tilraun við heimsmet í Hlíðarfjalli Lífið Steggjun endaði á árshátíð RÚV Lífið Félag Rikka Daða selur einbýli sem áður var í eigu Rikka Daða Lífið Hefur hannað fyrir Miley Cyrus og Erykah Badu Tíska og hönnun Hvað ber að hafa í huga þegar hvolpur kemur á heimilið Lífið Lagið Yfirgefinn varð til þegar Valdimar öskraði á hljómsveitarmeðlimi Lífið Vaknaði í angist alla morgna Lífið Öskur á tónleikum Laufeyjar öfugt ofan í aðdáendur Lífið „Óraunverulegustu fréttir sem við getum fært“ Lífið Fleiri fréttir „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Frumsýnir nýtt myndband: Auður orðinn Luthersson Selur tösku og eitt eintak af nýrri plötu á eina milljón Sjá meira
Það eru annasamir dagar hjá Steinunni Jónsdóttur, söngkonu Reyjavíkurdætra og Amabadama. Hún þeytist á milli landa og þenur röddina. Nýlega var það Hróarskelda, á morgun er það Spánn og síðan Bræðslan á Borgarfirði eystri. Steinunn segir að líf tónlistarmannsins sé fjölbreytt í sumar. Hún á þó alltaf frí á milli og hefur þá nægan tíma fyrir soninn og kærastann, Magnús Jónsson eða Gnúsa Yones, sem er reyndar líka í Amabadama. „Ég hlakka mikið til að syngja á Bræðslunni, enda á ég ættir að rekja þangað austur,“ segir Steinunn. „Afi minn var frá Borgarfirði eystri og ég á marga ættingja þar. Ég fór einu sinni á ættarmót þarna og hef farið nokkrum sinnum síðan í heimsókn. Þetta er gullstaður sem gaman er að koma til. Í fyrravetur fengum við Gnúsi boð um að dvelja í listasmiðju á Borgarfirði eystri í tvær vikur. Það var mjög skemmtileg upplifun. Vel var hugsað um okkur, boðið upp á ljúffengan mat og meira að segja var búið til lítið kaffihús. Á þessum tíma var enginn ferðamannastraumur og við fengum kærkomið tækifæri til að iðka listsköpun okkar í þessu rólega og fallega umhverfi. Þetta er lítill bær og það var örugglega líka tilbreyting fyrir bæjarbúa að fá ný andlit en þarna voru fleiri listamenn. Bærinn hefur yfir sér ákaflega rómantískan blæ og ég hlakka mikið til að koma þangað aftur,“ segir Steinunn.Stór nöfn Steinunn segir að mikið verði um að vera á Borgarfirði eystri um þarnæstu helgi, 23. júlí, því auk Bræðslunnar verða tónleikar í félagsheimilinu Fjarðarborg á föstudeginum. Þar koma fram Jónas Sig og Ritvélar framtíðarinnar, Úlfur Úlfur og MurMur. Á Bræðslunni verður margt góðra gesta fyrir utan Amabadama, meðal annarra Nýdönsk, KK band og Soffía Björg. Erlendir gestir verða Gavin James, sem hefur meðal annars hitað upp fyrir Sam Smith og Ed Sheeran, og David Celia. Þá kemur fram hin danska Tina Diskow ásamt Helga Jónssyni. Nýir sumarsmellir Amabadama hefur verið að vinna að nýrri hljómplötu og verða nokkur lög af henni flutt á Bræðslunni. „Já, við verðum með ný lög í bland við eldri. Við vonumst til að koma plötunni út seinna á þessu ári,“ segir Steinunn. Eitt lag, AI AI AI, hefur þegar verið í spilun og er búið að sitja á vinsældarlistanum í tólf vikur. Steinunn segir að fljótlega komi annað lag af plötunni á markað. Væntanlega annar sumarsmellur. „Við erum með reggítónlist og hún er alltaf svolítið sólar- og sumarleg,“ segir Steinunn sem var að pakka fyrir Spánarferð með Reykjavíkurdætrum. Flott á Hróarskeldu „Ég var að koma heim úr vel heppnuðu tónleikaferðalagi til Noregs, Belgíu og Hróarskeldu í Danmörku. Okkur var einstaklega vel fagnað á Hróarskeldu og vorum með yfir tíu þúsund áhorfendur. Þetta var draumi líkast og kannski ástæðan fyrir því að maður heldur sig við tónlistina. Í dag höldum við til Spánar þar sem við verðum á stóru festivali sem heitir FIB og er í Benicassim sem er 92 km frá Valencia. Þarna verða mörg stór nöfn. Reykjavíkurdætur munu syngja fyrir Druslugönguna í næstu viku en síðan verður haldið austur á land með Amabadama. Reykjavíkurdætur gáfu nýlega út plötu sem þær stúlkur hafa verið að kynna. „Það er margt spennandi fram undan,“ segir Steinunn. „Svo verður örugglega nóg um að vera um verslunarmannahelgina. Um miðjan ágúst verður Amabadama að spila á mikilli hátíð í Bristol. Þar verður fjöldi góðra tónlistarmanna og ég myndi mæla með að þeir sem eiga eftir að fara í sumarfrí skelli sér á þangað. Þetta er búið að vera skemmtilegt sumar. Vinnutíminn er óhefðbundinn en á milli tarna á ég góðan tíma með fjölskyldunni.
Tónlist Mest lesið Mislukkuð sýning í Borgarleikhúsinu með góðum sprettum Gagnrýni Allt klárt fyrir tilraun við heimsmet í Hlíðarfjalli Lífið Steggjun endaði á árshátíð RÚV Lífið Félag Rikka Daða selur einbýli sem áður var í eigu Rikka Daða Lífið Hefur hannað fyrir Miley Cyrus og Erykah Badu Tíska og hönnun Hvað ber að hafa í huga þegar hvolpur kemur á heimilið Lífið Lagið Yfirgefinn varð til þegar Valdimar öskraði á hljómsveitarmeðlimi Lífið Vaknaði í angist alla morgna Lífið Öskur á tónleikum Laufeyjar öfugt ofan í aðdáendur Lífið „Óraunverulegustu fréttir sem við getum fært“ Lífið Fleiri fréttir „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Frumsýnir nýtt myndband: Auður orðinn Luthersson Selur tösku og eitt eintak af nýrri plötu á eina milljón Sjá meira