Körfubolti

Harden heldur áfram að endurskrifa sögubækurnar | Úrslit gærkvöldsins

Kristinn Páll Teitsson skrifar
James Harden.
James Harden. Vísir/Getty
James Harden heldur áfram að berjast um titilinn verðmætasta leikmann NBA-deildarinnar en hann var með sannkallaða trölla þrennu í sigri Houston Rockets gegn Philadelphia 76ers í nótt.

Var Harden með 51 stig, 13 fráköst og 13 stoðsendingar í 123-118 sigri en þetta er í annað skiptið í janúar sem Harden er með þrefalda tvennu og með yfir fimmtíu stig.

Er það í fyrsta skiptið í sögu deildarinnar sem leikmaður nær tveimur þreföldum tvennum með 50 stigum eða meira á sama tímabili.

Joel Embiid sem sneri aftur í liði 76ers gerði sitt besta til að koma sínum mönnum inn í leikinn með átta stigum í röð í upphafi fjórða  leikhluta en Rockets-menn áttu alltaf til svör.

Dwyane Wade og liðsfélagar hans í Chicago Bulls þurftu að sætta sig við tólf stiga tap á heimavelli gegn gömlu félögum Wade í Miami Heat.

Var þetta sjötti sigur Miami í röð en Chicago heldur áfram að falla niður töfluna.

Carmelo Anthony, leikmaður New York Knicks sem hefur verið orðaður frá félaginu undanfarna daga, var hetja Knicks á heimavelli gegn Charlotte Hornets í gær.

Setti hann niður sigurkörfu þegar lokaflautið gall en stuðningsmenn Knicks bauluðu á Anthony á meðan leik stóð.

Þá komst Cleveland Cavaliers aftur á sigurbraut með sannfærandi sigri á Brooklyn Nets en fram að því höfðu ríkjandi meistararnir tapað þremur leikjum í röð og sex leikjum af síðustu átta.

LeBron James, stjarna Cleveland-liðsins, gagnrýndi liðsfélaga sína, eftir tapleik á dögunum og kallaði eftir meiri ákafa en stjörnurnar þrjár í liði Cleveland, LeBron, Kevin Love og Kyrie Irving, áttu allir fínustu leiki.

Úrslit gærkvöldsins:

Indiana Pacers 115-111 Sacramento Kings

Cleveland Cavaliers 124-116 Brooklyn Nets

Boston Celtics 128-98 Orlando Magic

Toronto Raptors 102-86 Milwaukee Bucks

New York Knicks 110-107 Charlotte Hornets

Philadelphia 76ers 118-123 Houston Rockets

Chicago Bulls 88-100 Miami Heat

New Orleans Pelicans 119-103 San Antonio Spurs

Atlanta Hawks 86-112 Washington Wizards

Portland Trailblazers 112-109 Memphis Grizzlies

Bestu tilþrif kvöldsins: Tilþrif Harden í nótt: Embiid átti flottan leik:
NBA



Fleiri fréttir

Sjá meira


×