Golf

Haraldur fær milljónir ef hann kemst í gegnum niðurskurðinn

Tómas Þór Þórðarson skrifar
Haraldur Franklín Magnús hefur leik klukkan 08.53 í fyrramálið.
Haraldur Franklín Magnús hefur leik klukkan 08.53 í fyrramálið. vísir/getty
Haraldur Franklín Magnús hefur fyrstur íslenskra karlmanna leik á risamóti í golfi klukkan 8.53 fyrramálið þegar hann fer af stað á opna breska meistaramótinu sem fram fer á Carnoustie-vellinum í Skotlandi.

Þetta er lang sterkasta mót sem Haraldur hefur spilað á en mættir eru til leiks allir sterkustu kylfingar heims sem berjast um Silfurkönnuna, bikarinn fræga sem afhentur er meistara hvers árs.

Eins og á öllum risamótum er mikið af peningum til skiptanna en heildarupphæð sigurlaunanna eru 10,5 milljónir dollara eða ríflega 1,1 milljarður króna. Sigurvegarinn fær 1,89 milljón dollara í sinn hlut eða ríflega 200 milljónir króna.

Haraldur Franklín æfir sig á Carnoustie-vellinum.vísir/getty

Allir fá eitthvað

Það fá allir eitthvað í vasann fyrir að taka þátt og á Haraldur Franklín von á vænni útborgun ef hann kemst í gegnum niðurskurðinn. Að minnsta kosti 70 kylfingar fá að spila seinni tvo hringinga en 70. sætið á mótinu gefur 24.175 dollara sem eru 2,5 milljónir króna.

Þetta eru töluvert hærri upphæðir en Haraldur Franklín en vanur að keppa um á Nordic League sem er þriðja efsta mótaröðin á Evrópumótaröðinni. Þar er sigurvegari hvers móts að fá um 6.500-8.000 sænskar krónur sem eru 78 þúsund til 97 þúsund íslenskar krónur.

Það er því ríflega 25 sinnum verðmætara fyrir Harald að komast í gegnum niðurskurðinn á opna breska heldur en að vinna mót á Nordic League.

Enginn sem keppir á opna breska meistaramótinu fær inna en 13.500 dollara eða 1,4 milljónir króna þannig sama hvernig fer í Skotlandi fær Haraldur sín hæstu sigurlaun á ferlinum.


Tengdar fréttir

Woods: Carnoustie völlurinn sá erfiðasti

Um næstu helgi fer fram Opna breska meistaramótið í golfi. Mótið er leikið á Carnoustie vellinum í Skotlandi. Tiger Woods segir völlinn þann erfiðasta sem Opna breska meistaramótið er haldið á.

Haraldur byrjar snemma á Opna breska

Haraldur Franklín Magnús hefur leik á Opna breska meistaramótinu í golfi á fimmtudag, fyrstur íslenskra karla. Hann leikur með þeim James Robinson og Zander Lombard á fyrsta hringnum.




Fleiri fréttir

Sjá meira


×