Sport

Hanskar Ali úr bardaga aldarinnar seldir á 45 milljónir

Tómas Þór Þórðarson skrifar
Muhammad Ali (í rauðu) slær til Joe Fraizers í MSQ árið 1971.
Muhammad Ali (í rauðu) slær til Joe Fraizers í MSQ árið 1971. vísir/getty
Hanskarnir sem hnefaleikagoðið MuhammadAli notaði í bardaganum gegn JoeFraizer í Madison Square Garden árið 1971 voru seldir á uppboði í Bandaríkjunum í gær fyrir 388 þúsund dali eða jafnvirði 45 milljóna króna.

Bardaginn er jafnan kallaður „bardagi aldarinnar“, en með sigri varð Ali óumdeildur heimsmeistari í þungavigt.

Heimsmeistaratitillinn hafði áður verið tekinn af Ali fyrir að neita að ganga í herinn, þannig mikil pólitík var í kringum þennan merka bardaga.

Ali átti eftir að sigra Fraizer tvisvar til viðbótar, árin 1974 og 1975, en hann er af flestum talinn besti og merkasti hnefaleikakappi sögunnar.

Þetta er ekki í fyrsta skipti sem hanskar Ali hafa verið seldir fyrir morðfjár. Fyrir nokkrum árum seldi sama uppboðshúsið í Cleveland hanskana sem Ali notaði þegar hann varð heimsmeistari í fyrsta skipti fyrir 836 þúsund dali eða jafnvirði 96 milljóna króna.

vísir/getty
vísir/getty
Box



Fleiri fréttir

Sjá meira


×