FIMMTUDAGUR 29. SEPTEMBER NÝJAST 00:17

Olíuverđ hćkkar eftir ákvörđun OPEC-ríkja

VIĐSKIPTI

Handtekin međ kíló af kókaíni á leiđinni til Íslands

 
Innlent
21:27 12. FEBRÚAR 2016
Golfsettin fjögur í Leifsstöđ áđur en konurnar fjórar héldu í ćvintýraferđ til Cancun.
Golfsettin fjögur í Leifsstöđ áđur en konurnar fjórar héldu í ćvintýraferđ til Cancun.

Rúmlega fertug íslensk kona sem verið hefur í gæsluvarðhaldi í Toronto í Kanada frá 18. desember mun næst koma fyrir dómara þann 19. febrúar. Þetta staðfestir Louise Savard, fjölmiðlafulltrúi hjá konunglegu kanadísku riddaralögreglunni í samtali við Vísi. Hún er ákærð fyrir innflutning á ólöglegum fíkniefnum til Kanada en 974 grömm af kókaíni fundust í fórum hennar.

Vísir greindi frá málinu í morgun sem er hið undarlegasta. Konan plataði þrjár vinkonur sínar í ókeypis ferðalag til Cancun í Mexíkó í nóvember en flest bendir til þess að þær hafi, ómeðvitað, átt að gegna hlutverki burðardýra. Fengu þær óvænt golfsett í hendurnar í Leifsstöð fyrir brottför en engin þeirra spilar golf.


Leiđ kvennanna lá frá Reykjavík til Toronto og ţađan til Cancun í Mexíkó. Ţćr fluttu ţó ađeins golfsett til Mexíkó en flúđu ţađan logandi hrćddar.
Leiđ kvennanna lá frá Reykjavík til Toronto og ţađan til Cancun í Mexíkó. Ţćr fluttu ţó ađeins golfsett til Mexíkó en flúđu ţađan logandi hrćddar. VÍSIR

Hittu mann með sex ára fíkniefnadóm á bakinu
Í Mexíkó kveiktu vinkonurnar á perunni að ekki væri allt með felldu. Hittu þær meðal annars fyrir íslenska mann, búsettan í Mexíkó, sem sýndi golfsettunum áhuga. Sá hefur hlotið átta ára dóm hér á landi fyrir brot á fíkniefnalögum. Konurnar héldu óttaslegnar heim til Íslands fyrr en áætlað var.

Nokkrum vikum síðar fékk konan ábendingu um að póstsending til hennar til Íslands, golfsett, hefði verið stöðvuð í Kanada. Hélt hún til Kanada til að veita sækja golfsettið. Eftir að hafa sótt golfsettið og á leiðinni í flug aftur til Íslands var hún handtekin.

Lagt var hald á aðra póstsendingu í hennar nafni en aftur var um golfsett að ræða. Alls fundust 974 grömm í golfkylfunum.


Frí skemmtireisa til Cancun breyttist í martrađarkennda skelfingu, ţegar konurnar voru orđnar sannfćrđar um ađ nota ćtti ţćr sem burđardýr.
Frí skemmtireisa til Cancun breyttist í martrađarkennda skelfingu, ţegar konurnar voru orđnar sannfćrđar um ađ nota ćtti ţćr sem burđardýr. VÍSIR

Langt varðhald framundan
Konan hefur verið í gæsluvarðhaldi í 55 daga og kemur næst fyrir dómara á föstudaginn í næstu viku.

Málið var í fyrstu unnið í samvinnu lögreglunnar í Kanada og Íslandi. Kanadíska lögreglan fer nú með rannsókn málsins.

Reikna má með því að meðferð málsins ytra geti tekið fleiri vikur áður en dómur fellur í málinu.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Handtekin međ kíló af kókaíni á leiđinni til Íslands
Fara efst