Viðskipti innlent

Hagnaður Landsvirkjunar dregst saman

Sæunn Gísladóttir skrifar
Hörður Arnarson, forstjóri Landsvirkjunar
Hörður Arnarson, forstjóri Landsvirkjunar
Hagnaður Landsvirkjunar á fyrstu sex mánuðum ársins nam 34,8 milljónum dollara, jafnvirði 4,2 milljarða króna, samanborið við 63,9 milljónir dollara, 7,5 milljarða króna (á núverandi gengi) á sama tímabili árið áður.

Rekstrartekjur námu 206,9 milljónum dollara, 25,2 milljörðum króna og lækkuðu um 4,1 prósent frá sama tímabili árið áður. Tekjur lækka aðallega vegna lækkandi olíuverðs.

EBITDA nam 155,2 milljónum dollara, 18,9 milljörðum króna, á tímabilinu. EBITDA-hlutfall er 75 prósent af tekjum, en var 78,5 prósent á sama tímabili í fyrra.

Nettó skuldir lækkuðu um 39,4 milljónir dollara (4,8 milljarða króna) frá áramótum og voru í lok júní 1.946 milljónir dollara, 237,4 milljarðar króna.

Fréttin birtist fyrst í Fréttablaðinu






Fleiri fréttir

Sjá meira


×