Viðskipti innlent

Hagnaður Landsbankans jókst um tæplega 70% milli ára

Stefán Árni Pálsson skrifar
Landsbankinn hefur  sent frá sér tilkynningu fyrir afkomu bankans fyrstu níu mánuði ársins en hagnaður bankans nemur rúmum 22 milljörðum á fyrstu þremur ársfjórðungum.

Gríðarlega aukning er á hagnaði bankans milli ára en á sama tíma á síðasta ári var hann 13,5 milljarðar. Það mun vera tæplega 70% aukning á milli ára.

Þessi breyting skýrist einkanlega af hækkun annarra rekstrartekna, lækkun kostnaðar, af hækkandi virði hluta- og skuldabréfa, af virðisbreytingu lána og hærri þjónustutekjum.

„Rekstur og arðsemi bankans er með ágætum, jákvæð þróun bæði í tekjum og kostnaði og fjárhagsstaðan er traust. Eiginfjárhlutfallið er vel umfram kröfur eftirlitsaðila sem og lausafjárstaða bankans, bæði í erlendri mynt og íslenskum krónum,“  segir Steinþór Pálsson, bankastjóri Landsbankans, í fréttatilkynningu.

„Mikill árangur hefur náðst í lækkun rekstrarkostnaðar og að teknu tilliti til verðbólgu er raunlækkun rekstrarkostnaðar 9,4% á fyrstu níu mánuðum ársins. Þetta er betri árangur en áætlanir okkar gerðu ráð fyrir.“

„Við munum halda áfram á sömu braut, draga úr áhættu og draga úr kostnaði en á sama tíma vinna að því að bæta stöðugt þjónustuna við viðskiptavini. Slitastjórn LBI hf. Hefur samþykkt viðræður um breytingar á skilmálum skuldabréfanna sem Landsbankinn gaf út til LBI hf. Niðurstöður þessara viðræðna geta skipt miklu um afnám fjármagnshaftanna og eru eitt mikilverðasta verkefni bankans sem stendur. Áfram er unnið að leiðréttingu á endurútreikningi lána með ólögmæta gengistryggingu og ljóst að brátt fer það verkefni að klárast.“








Fleiri fréttir

Sjá meira


×