Hætt við að gera framhaldsmynd

Aðdáendur Stieg Larsons þríleikjanna verða sennilega ekki sáttir með þessar fréttir, en leikkonan Rooney Mara sagði í samtali við sjónvarpsstöðina E! að ekki yrði gert framhald af kvikmyndinni The Girl With the Dragon Tattoo, en Mara fór með aðahlutverkið í þeirri mynd.

„Ég held að það sé ekki að fara að gerast. Mér finnst mjög leiðinlegt að það eigi ekki að gera framhald,“ sagði Mara.

Leikstjóri myndarinnar, Davið Fincher sagði í september að búið væri að gera handrit að framhaldsmyndinni The Girl Who Played With Fire, svo virðist sem ekkert verði úr því, ef marka má ummæli Mara.