Innlent

Hægt að skera niður án þess að vega að rótum grunnþjónustunnar

sunna karen sigurþórsdóttir skrifar
Halldór Halldórsson, oddviti Sjálfstæðismanna í borginni, er ósáttur.
Halldór Halldórsson, oddviti Sjálfstæðismanna í borginni, er ósáttur. Vísir/Pjetur
Halldór Halldórsson, oddviti Sjálfstæðisflokks í borginni, gagnrýnir forgangsröðun borgarinnar og segir vel hægt að takast á við niðurskurð í rekstri hennar, án þess að vega að rótum grunnþjónustunnar. Borgarstjórn samþykkti á þriðjudag tillögur meirihlutans um hagræðingu upp á tæplega 1,8 milljarð króna. Lagt er til að skorið verði niður um 670 milljónir króna á árinu á skóla- og frístundasviði.

„Hluti af þessum hugmyndum snýr að skólunum og grunnþjónustunni . Eðlilega hafa skólastjórnendur og foreldrasamfélagið brugðist við og haft af þessu áhyggjur. Við ætlum auðvitað að standa vaktina með þetta en munum samt sem áður leita leiða til að skera niður í rekstri borgarinnar. Ég tel að það sé mjög víða hægt að takast á við þann niðurskurð án þess að vega að rótum grunnþjónustunnar,“ segir Halldór í Reykjavík síðdegis.

Hann segist furða sig á að allar tillögur sem minnihlutinn leggi fram um hagræðingu séu felldar af meirihlutanum. Á annan tug tillagna hafi verið lagðar fram við fjárhagsáætlun þessa árs. „Þetta eru tillögur sem snúa að því að auka útboð, draga úr framkvæmdum sem við teljum að megi fresta á meðan verið er að takast á við erfiðan rekstur, framkvæmdir sem við skiljum ekki hreinlega,“ segir Halldór.

Viðtalið við Halldór má heyra í spilaranum hér fyrir neðan.


Tengdar fréttir

Skora á borgina að draga til baka hagræðingakröfu

Foreldrafélög grunnskóla í Breiðholti skora á borgaryfirvöld að draga til baka hagræðingakröfu sem sett hefur verið á skóla- og frístundasvið þannig að tryggt sé að skólarnir geti sinnt sínum lögboðnu skyldum.

„Svarar engu að sjá borgarstjórann dansa á sviði“

Á borgarstjórnarfundi í gær voru hagræðingaraðgerðir upp á tæpa tvo milljarða samþykktar. Borgarstjórn var gagnrýnd fyrir óljósar sparnaðaráætlanir. Borgarstjóri segir að sparað verði mest í ráðhúsinu og miðlægri þjónustu.

Kostnaður við sérkennslu margfaldast

Áttatíu milljóna niðurskurður verður á stuðningi og sérkennslu leikskólabarna í Reykjavík á árinu. Leikskólastjórar uggandi. Sífellt fleiri börn með greiningu og stuðning í leikskólum. Formaður skóla- og frístundasviðs vill fær




Fleiri fréttir

Sjá meira


×