GusGus orðin tveggja manna hljómsveit Guðný Hrönn skrifar 24. febrúar 2017 10:00 Daníel Ágúst og Birgir skipa GusGus núna. Vísir/Vilhelm Miklar mannabreytingar hafa átt sér stað í hljómsveitinni GusGus frá því að sveitin var stofnuð árið 1995. Núna eru meðlimirnir tveir, Birgir Þórarinsson og Daníel Ágúst Haraldsson. Með haustinu sendir GusGus frá sér nýja plötu sem er komin vel á veg. Þeir sem sáu GusGus spila á tónlistarhátíðinni Sónar um seinustu helgi fundu smjörþefinn af því sem koma skal á nýjustu plötu GusGus sem kemur út í september. „Það var mikilvægt fyrir okkur að spila á Sónar, bæði vegna þess að það er svo frábært að hafa svona alvöru elektrónískt festival á Íslandi og þar sem þetta var í fyrsta sinn sem við spiluðum í núverandi formi á Íslandi, ég og Daníel. Við höfum túrað í þessu formi erlendis og svona mun hljómsveitin GusGus birtast á næstu plötu,“ segir Birgir Þórarinsson, betur þekktur sem Biggi veira. Biggi segir áhorfendur hafa tekið vel í GusGus eins og sveitin lítur út núna. „Þetta var bara frábært kvöld, við vorum aðeins að prófa ný lög sem verða á næstu plötu. Þetta verður meira teknó og new wave. Á þessum tónleikum tókum við lög af öllum plötum GusGus en skildum slagarana okkar, Over og Arabian Horse, eftir heima,“ segir Birgir sem er orðinn spenntur að koma nýjustu plötunni frá sér. „Nú er vinnslan komin á það stig að maður er orðinn óþreyjufullur að fara að klára. Við erum búnir að vera með þessar hugmyndir á borðinu í eitt ár en fáum nú loks frið fram á vor til að klára þetta dæmi og koma því út.“ Birgir segir tónleikana á Sónar hafa verið vel sótta. „Salurinn var smekkfullur og það er gaman að sjá hvað yngra fólkið tekur okkur gömlu teknórefunum vel,“ segir hann og hlær. „Við opnuðum tónleikana á nýju lagi og fólk kom til okkar eftir tónleikana sem hafði misst vatnið yfir þessu lagi. Við vorum dáldið í teknógírnum á þessum tónleikum og það er kannski ekki fyrir alla en á Sónar var það alveg málið.“Aldrei verið eitthvað kúl Það er ansi breiður hópur sem fylgist með GusGus og tónlistin þeirra fellur í kramið hjá fólki öllum aldri. En hver er galdurinn? „Við höfum haft ákveðna sérstöðu hérna á Íslandi og höfum aldrei verið hluti af einhverri ákveðinni senu sem hefur verið í tísku. Við höfum aldrei verið eitthvað kúl en við höfum verið síbreytileg og þá er kannski alltaf eitthvað spennandi í gangi,“ segir hann og hlær. „Við höfum bara verið upp og ofan á radarnum hérna á Íslandi. Við virðumst þó alltaf hafa ágætlega stóran hóp sem fílar tónlistina okkar og sá hópur endurnýjar sig bara með nýrri kynslóð.“Svona leit GusGus út árið 2015.Mynd/Ari MaggSpurður út í nýja efnið sem GusGus er að senda frá sér í haust segir Birgir hljómsveitina alltaf hafa unnið með elektróníska tónlist á sínum eigin forsendum. „Við höfum ekkert endilega verið í samhengi við tíðarandann þó að við verðum auðvitað fyrir áhrifum frá því sem er að gerast ásamt öllu því sem á undan hefur gengið. Við erum í sífelldri leit að nýjum leiðum til að blanda saman rafrænni tilraunamennsku og hefðbundnu poppi.“Mannabreytingar í gegnum tíðina Eins og áður sagði samanstendur GusGus núna af Birgi og Daníel Ágústi en margt tónlistarfólk hefur komið og farið úr sveitinni í gegnum árin. Núna síðast hættu Högni Egilsson og Stephen Stephensen. „Já, Högni vildi bara snúa sér að öðru og Stebbi hætti fyrir nokkru síðan. Þannig að þetta er bara eins og þetta hefur alltaf verið með GusGus, það hafa verið töluverðar mannabreytingar í gegnum tíðina. Ég er sá eini sem hefur verið allan tímann frá upphafi. Daníel var meðal stofnenda hljómsveitarinnar en tók sér svo pásu frá 2000 til 2007. Hann var þó með lög á báðum plötunum sem komu út á því tímabili þótt hann væri ekki formlega í bandinu. Og nú erum við tveir eftir, kjarninn. Okkur þykir mjög vænt um hvor annan og ég hef ótrúlega gaman af því sem við erum að gera. Þannig að það er fín stemming á okkur,“ segir Birgir. Spurður út í hvernig hugmyndin á bak við GusGus kom segir Daníel Ágúst forvitni hafa verið kveikjuna. „Þetta kom þannig til að ég var búinn að vera að vinna í þessu hefðbundna sniði með hefðbundinni hljóðfæraskipan en var búinn að fá pínu leið á því, mér fannst það fullreynt í bili. Mig langaði að færa mig yfir í raftónlistina af því að tæknin var að þróast svo ört á þessum tíma og það var orðin einhvern svona raftónlistarsprengja. Mig langaði að kafa svolítið inn í þann heim og rannsaka aðeins þetta raftónlistarform. Það var bara einhver innri köllun að fara þá leið. Ég var ekkert endanlega búinn að fá leið á hinu hefðbundna formi, þetta var bara forvitni,“ segir Daníel Ágúst sem kveðst vera með breiðan tónlistarsmekk. „Tónlistarsmekkur minn er breiður en ég er nú ekki alæta.“ Það sem er svo fram undan hjá GusGus er meðal annars að klára nýju plötuna, undirbúa tónleikaferðalag og að troða upp á Bryggjunni Brugghúsi í kvöld „Það kom upp hugmynd um að hafa svona Sónar-framhaldstónleika á Bryggjunni, þá ætlum við að skella í gömlu slagarana. Þetta verður annar stemmari heldur en á Sónar. Þetta verður ný nálgun á það hvernig við framkvæmum þennan tónlistargjörning sem tónleikarnir okkar eru, það er alltaf gaman að spila í minna rými,“ segir Birgir og hvetur fólk til að leggja leið sína á Bryggjuna í kvöld. Mest lesið Nýtt myndband af Katrínu vekur athygli Lífið Tröllaukinn kór valtaði yfir pínulítinn píanóleikara Gagnrýni Byggja draumavillu með sundlaug sem kostar sextán milljónir Lífið Frumsýnir nýtt myndband: Auður orðinn Luthersson Tónlist „Fólk er að koma út með allskonar og allir með hlaðinn disk af eigin skít“ Lífið Hættir sem leikhússtjóri og hefur störf í ráðuneytinu Menning Sagður vera næsti James Bond Bíó og sjónvarp Pizza King til sölu á þrettán milljónir Viðskipti innlent Sá Dune tvö hundruð sinnum og er búinn að fara nítján sinnum á Dune 2 í bíó Bíó og sjónvarp Hildur María og Sigurður nefndu dótturina Lífið Fleiri fréttir Unnur Birna og Unnur Steinsson stálu senunni Tíu ár af fyndnum dýralífsmyndum „Fólk er að koma út með allskonar og allir með hlaðinn disk af eigin skít“ Hildur María og Sigurður nefndu dótturina Nýtt myndband af Katrínu vekur athygli Tíu milljónir safnast fyrir grindvísk ungmenni Byggja draumavillu með sundlaug sem kostar sextán milljónir Kveðja eftir 117 ára góðgerðarstarf Hamingjusöm og þakklát Katrín Tanja á splunkunýjum jeppa Sturla Atlas og Kolfinna slá sér upp Magni gerði allt vitlaust þegar hann tók Dolphin's Cry Katrín sögð hafa sést úti meðal almennings Grímur leitar að bræðrum sínum Stjörnulífið: Eyddi kvöldinu með Paris Hilton í LA Zara tók sjálfur með gosinu Ingó veðurguð og Alexandra eiga von á stelpu Kann ekki að gefast upp Geggjuð í karókí og býr yfir miklum sannfæringarkrafti Fagnaðarfundir í 80 ára afmæli Loftleiða Salvador á Djúpavogi reyndist heita Buszek og búa í Sandgerði Dó næstum því við tökur á Íslandi Óvenjulegur lífsstíll íslenskrar fjölskyldu vekur athygli Krakkatían: Eurovision, rapparar og fótboltamenn „Ég kynntist ástinni í lífi mínu þarna“ Ætlar aldrei að gefast upp Fréttatía vikunnar: Húsbruni, skiltastærð og félagaskipti Ábendingum um aðstoð fyrir Blæsa rigndi yfir fjölskylduna Bíða eftir tölvupósti frá Heimsmetabók Guinness Myndaveisla: Spessi frumsýndi Afsakið meðanað égæli Bríet umkringd stórstjörnum í Japan Sjá meira
Miklar mannabreytingar hafa átt sér stað í hljómsveitinni GusGus frá því að sveitin var stofnuð árið 1995. Núna eru meðlimirnir tveir, Birgir Þórarinsson og Daníel Ágúst Haraldsson. Með haustinu sendir GusGus frá sér nýja plötu sem er komin vel á veg. Þeir sem sáu GusGus spila á tónlistarhátíðinni Sónar um seinustu helgi fundu smjörþefinn af því sem koma skal á nýjustu plötu GusGus sem kemur út í september. „Það var mikilvægt fyrir okkur að spila á Sónar, bæði vegna þess að það er svo frábært að hafa svona alvöru elektrónískt festival á Íslandi og þar sem þetta var í fyrsta sinn sem við spiluðum í núverandi formi á Íslandi, ég og Daníel. Við höfum túrað í þessu formi erlendis og svona mun hljómsveitin GusGus birtast á næstu plötu,“ segir Birgir Þórarinsson, betur þekktur sem Biggi veira. Biggi segir áhorfendur hafa tekið vel í GusGus eins og sveitin lítur út núna. „Þetta var bara frábært kvöld, við vorum aðeins að prófa ný lög sem verða á næstu plötu. Þetta verður meira teknó og new wave. Á þessum tónleikum tókum við lög af öllum plötum GusGus en skildum slagarana okkar, Over og Arabian Horse, eftir heima,“ segir Birgir sem er orðinn spenntur að koma nýjustu plötunni frá sér. „Nú er vinnslan komin á það stig að maður er orðinn óþreyjufullur að fara að klára. Við erum búnir að vera með þessar hugmyndir á borðinu í eitt ár en fáum nú loks frið fram á vor til að klára þetta dæmi og koma því út.“ Birgir segir tónleikana á Sónar hafa verið vel sótta. „Salurinn var smekkfullur og það er gaman að sjá hvað yngra fólkið tekur okkur gömlu teknórefunum vel,“ segir hann og hlær. „Við opnuðum tónleikana á nýju lagi og fólk kom til okkar eftir tónleikana sem hafði misst vatnið yfir þessu lagi. Við vorum dáldið í teknógírnum á þessum tónleikum og það er kannski ekki fyrir alla en á Sónar var það alveg málið.“Aldrei verið eitthvað kúl Það er ansi breiður hópur sem fylgist með GusGus og tónlistin þeirra fellur í kramið hjá fólki öllum aldri. En hver er galdurinn? „Við höfum haft ákveðna sérstöðu hérna á Íslandi og höfum aldrei verið hluti af einhverri ákveðinni senu sem hefur verið í tísku. Við höfum aldrei verið eitthvað kúl en við höfum verið síbreytileg og þá er kannski alltaf eitthvað spennandi í gangi,“ segir hann og hlær. „Við höfum bara verið upp og ofan á radarnum hérna á Íslandi. Við virðumst þó alltaf hafa ágætlega stóran hóp sem fílar tónlistina okkar og sá hópur endurnýjar sig bara með nýrri kynslóð.“Svona leit GusGus út árið 2015.Mynd/Ari MaggSpurður út í nýja efnið sem GusGus er að senda frá sér í haust segir Birgir hljómsveitina alltaf hafa unnið með elektróníska tónlist á sínum eigin forsendum. „Við höfum ekkert endilega verið í samhengi við tíðarandann þó að við verðum auðvitað fyrir áhrifum frá því sem er að gerast ásamt öllu því sem á undan hefur gengið. Við erum í sífelldri leit að nýjum leiðum til að blanda saman rafrænni tilraunamennsku og hefðbundnu poppi.“Mannabreytingar í gegnum tíðina Eins og áður sagði samanstendur GusGus núna af Birgi og Daníel Ágústi en margt tónlistarfólk hefur komið og farið úr sveitinni í gegnum árin. Núna síðast hættu Högni Egilsson og Stephen Stephensen. „Já, Högni vildi bara snúa sér að öðru og Stebbi hætti fyrir nokkru síðan. Þannig að þetta er bara eins og þetta hefur alltaf verið með GusGus, það hafa verið töluverðar mannabreytingar í gegnum tíðina. Ég er sá eini sem hefur verið allan tímann frá upphafi. Daníel var meðal stofnenda hljómsveitarinnar en tók sér svo pásu frá 2000 til 2007. Hann var þó með lög á báðum plötunum sem komu út á því tímabili þótt hann væri ekki formlega í bandinu. Og nú erum við tveir eftir, kjarninn. Okkur þykir mjög vænt um hvor annan og ég hef ótrúlega gaman af því sem við erum að gera. Þannig að það er fín stemming á okkur,“ segir Birgir. Spurður út í hvernig hugmyndin á bak við GusGus kom segir Daníel Ágúst forvitni hafa verið kveikjuna. „Þetta kom þannig til að ég var búinn að vera að vinna í þessu hefðbundna sniði með hefðbundinni hljóðfæraskipan en var búinn að fá pínu leið á því, mér fannst það fullreynt í bili. Mig langaði að færa mig yfir í raftónlistina af því að tæknin var að þróast svo ört á þessum tíma og það var orðin einhvern svona raftónlistarsprengja. Mig langaði að kafa svolítið inn í þann heim og rannsaka aðeins þetta raftónlistarform. Það var bara einhver innri köllun að fara þá leið. Ég var ekkert endanlega búinn að fá leið á hinu hefðbundna formi, þetta var bara forvitni,“ segir Daníel Ágúst sem kveðst vera með breiðan tónlistarsmekk. „Tónlistarsmekkur minn er breiður en ég er nú ekki alæta.“ Það sem er svo fram undan hjá GusGus er meðal annars að klára nýju plötuna, undirbúa tónleikaferðalag og að troða upp á Bryggjunni Brugghúsi í kvöld „Það kom upp hugmynd um að hafa svona Sónar-framhaldstónleika á Bryggjunni, þá ætlum við að skella í gömlu slagarana. Þetta verður annar stemmari heldur en á Sónar. Þetta verður ný nálgun á það hvernig við framkvæmum þennan tónlistargjörning sem tónleikarnir okkar eru, það er alltaf gaman að spila í minna rými,“ segir Birgir og hvetur fólk til að leggja leið sína á Bryggjuna í kvöld.
Mest lesið Nýtt myndband af Katrínu vekur athygli Lífið Tröllaukinn kór valtaði yfir pínulítinn píanóleikara Gagnrýni Byggja draumavillu með sundlaug sem kostar sextán milljónir Lífið Frumsýnir nýtt myndband: Auður orðinn Luthersson Tónlist „Fólk er að koma út með allskonar og allir með hlaðinn disk af eigin skít“ Lífið Hættir sem leikhússtjóri og hefur störf í ráðuneytinu Menning Sagður vera næsti James Bond Bíó og sjónvarp Pizza King til sölu á þrettán milljónir Viðskipti innlent Sá Dune tvö hundruð sinnum og er búinn að fara nítján sinnum á Dune 2 í bíó Bíó og sjónvarp Hildur María og Sigurður nefndu dótturina Lífið Fleiri fréttir Unnur Birna og Unnur Steinsson stálu senunni Tíu ár af fyndnum dýralífsmyndum „Fólk er að koma út með allskonar og allir með hlaðinn disk af eigin skít“ Hildur María og Sigurður nefndu dótturina Nýtt myndband af Katrínu vekur athygli Tíu milljónir safnast fyrir grindvísk ungmenni Byggja draumavillu með sundlaug sem kostar sextán milljónir Kveðja eftir 117 ára góðgerðarstarf Hamingjusöm og þakklát Katrín Tanja á splunkunýjum jeppa Sturla Atlas og Kolfinna slá sér upp Magni gerði allt vitlaust þegar hann tók Dolphin's Cry Katrín sögð hafa sést úti meðal almennings Grímur leitar að bræðrum sínum Stjörnulífið: Eyddi kvöldinu með Paris Hilton í LA Zara tók sjálfur með gosinu Ingó veðurguð og Alexandra eiga von á stelpu Kann ekki að gefast upp Geggjuð í karókí og býr yfir miklum sannfæringarkrafti Fagnaðarfundir í 80 ára afmæli Loftleiða Salvador á Djúpavogi reyndist heita Buszek og búa í Sandgerði Dó næstum því við tökur á Íslandi Óvenjulegur lífsstíll íslenskrar fjölskyldu vekur athygli Krakkatían: Eurovision, rapparar og fótboltamenn „Ég kynntist ástinni í lífi mínu þarna“ Ætlar aldrei að gefast upp Fréttatía vikunnar: Húsbruni, skiltastærð og félagaskipti Ábendingum um aðstoð fyrir Blæsa rigndi yfir fjölskylduna Bíða eftir tölvupósti frá Heimsmetabók Guinness Myndaveisla: Spessi frumsýndi Afsakið meðanað égæli Bríet umkringd stórstjörnum í Japan Sjá meira