Sport

Gullmark tryggði Rúmenum sigur í Dalnum | Ísland í fimmta sæti

Tómas Þór Þórðarson skrifar
Emil Alengård skoraði fyrra mark Íslands.
Emil Alengård skoraði fyrra mark Íslands. vísir/pjetur
Íslenska karlalandsliðið í íshokkí tapaði fyrir Rúmeníu, 3-2, í lokaleik liðsins í A-riðli 2. deildar heimsmeistaramótsins sem kláraðist í Skautahöllinni í Laugardal í kvöld.

Rúmenar tóku forystuna í leiknum í kvöld eftir tíu mínútuna leik en Emil Alengård jafnaði metin, 1-1, í byrjun annars leikhluta.

Aftur náðu Rúmenar forystunni á 30. mínútu leiksins þegar Alexandru Munteanu skoraði með skoti úr þröngu færi.

Fjórum mínútum fyrir leikslok tryggði Robin Hedström Íslandi framlengingu þegar hann jafnaði leikinn aftur fyrir okkar stráka, 2-2, með fallegu skoti.

Í framlengingunni tryggðu Rúmenar sér svo sigur með gullmarki eftir þunga sókn, en Ísland er engu að síður eina liðið sem náði stigi af því rúmenska.

Rúmenía var fyrir leikinn búin að tryggja sér farseðilinn upp í 1. deild, en Ísland hafnar í fimmta sæti. Með sigri í kvöld hefði Ísland náð öðru sæti og þar með silfri.




Fleiri fréttir

Sjá meira


×