ŢRIĐJUDAGUR 26. JÚLÍ NÝJAST 06:00

Barnastjarnan orđin fullorđin

SPORT

Guardian: Er Gylfi besti spyrnumađurinn í ensku úrvalsdeildinni?

 
Enski boltinn
15:45 09. FEBRÚAR 2016
Gylfi er afburđa spyrnumađur.
Gylfi er afburđa spyrnumađur. VÍSIR/AFP
Ingvi Ţór Sćmundsson skrifar

Líkt og vanalega fer the Guardian yfir 10 markverð atriði úr leikjum helgarinnar í ensku úrvalsdeildinni.

Eitt þessara atriða snýr að Gylfa Þór Sigurðssyni sem skoraði mark Swansea City í 1-1 jafntefli við Crystal Palace á laugardaginn með skoti beint úr aukaspyrnu. Þetta var fimmta mark Gylfa í síðustu sex leikjum Swansea og sjöunda deildarmark hans á tímabilinu.

Sjá einnig: Gylfi: Vonandi held ég áfram að skora

Stuart James, blaðamaður Guardian, veltir þeirri spurningu upp hvort Gylfi sé besti spyrnumaðurinn í ensku úrvalsdeildinni.

„Það er erfitt að finna meira traustvekjandi sjón á þessu erfiða tímabili hjá Swansea en Gylfa Þór Sigurðsson að búa sig undir að taka aukaspyrnu,“ skrifar James.

„Gylfi skoraði þarna sitt fimmta mark í sex leikjum með skoti beint úr aukaspyrnu - þetta er komið á það stig að maður býst nánast við að hann skori þegar hann stendur yfir boltanum rúmlega 20 metra frá markinu - og var nálægt því að bæta öðru við af svipuðu færi.“

James segir einnig að hornspyrnur Gylfa séu jafnan góðar og að vítaspyrnan sem hann skoraði úr gegn Everton hafi verið eins örugg og þær gerast.

James skrifar svo að lokum: „Í liði sem á í vandræðum með að skora mörk er framlag Gylfa ómetanlegt.“

Sjá einnig: Gylfi jafnaði fjórtán ára afrek Eiðs Smára

Gylfi og félagar í Swansea hafa rétt úr kútnum að undanförnu eftir brösugt gengi framan af tímabili og náð í átta stig í síðustu fjórum leikjum sínum.


Mark Gylfa gegn Crystal Palace
Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Enski boltinn / Guardian: Er Gylfi besti spyrnumađurinn í ensku úrvalsdeildinni?
Fara efst