Körfubolti

Gríska fríkið sá um Celtics og þvingaði fram oddaleik

Henry Birgir Gunnarsson skrifar
Gríska fríkið á ferðinni í nótt.
Gríska fríkið á ferðinni í nótt. vísir/getty
Það vantar ekkert upp á spennuna í einvígi Boston Celtics og Milwaukee Bucks en liðin þurfa að mætast í oddaleik eftir 97-86 sigur Bucks í nótt.

Það var gríska fríkið, Giannis Antetokounmpo, sem sá til þess að Bucks vann í nótt en hann skoraði 31 stig í leiknum og fór á kostum.

Giannis skoraði tíu af síðustu nítján stigum Bucks í leiknum og sá til þess að Boston náði aldrei að ógna liðinu af neinu viti. Hann tók líka fjórtán fráköst í leiknum og stal tveimur boltum.

Jayson Tatum var stigahæstur í liði Celtics með 22 stig. Oddaleikur liðanna fer fram annað kvöld í Boston.

NBA



Fleiri fréttir

Sjá meira


×