Innlent

Gripinn með sex kíló af hassi á leið til Grænlands

Kolbeinn Tumi Daðason skrifar
Sex kíló af hassi fundust í fórum mannsins. Myndin er frá fyrri fíkniefnafundi.
Sex kíló af hassi fundust í fórum mannsins. Myndin er frá fyrri fíkniefnafundi. Mynd/Tollstjóri
Erlendur karlmaður, sem tollverðir stöðvuðu í Flugstöð Leifs Eiríkssonar í síðustu viku, reyndist hafa meðferðis sex kíló af hassi. Maðurinn var að koma frá Kaupmannahöfn og millilenti á Keflavíkurflugvelli á leið sinni til Grænlands.

Við hefðbundið eftirlit fundu tollverðirnir hassið, sem pakkað hafði verið niður með farangri hans, og haldlögðu það. Lögreglan á Suðurnesjum fór með rannsókn málsins sem telst upplýst að því er segir í tilkynningu frá lögreglunni.




Fleiri fréttir

Sjá meira


×