Enski boltinn

Grétar og félagar hjá Fleetwood láta Rösler fara

Anton Ingi Leifsson skrifar
Rösler stýrir ekki fleiri leikjum hjá Fleetwood.
Rösler stýrir ekki fleiri leikjum hjá Fleetwood. vísir/afp
Grétar Rafn Steinsson og vinnufélagar hans hjá Fleetwood hafa ákveðið að láta þjálfarann, Uwe Rösler, fara frá félaginu, en Grétar er yfirmaður knattspyrnumála hjá Fleetwood.

Það hefur ekki gengið né rekið hjá Fleetwood í undanförnum leikjum. Liðið hefur tapað sjö leikjum í röð í öllum keppnum og tapaði í gær 3-0 gegn Doncaster.

Liðið er í 20. sæti í ensku C-deildinni og er ekki í fallsæti einungis vegna markahlutfalls. Rösler hefur verið stjóri liðsins frá því í júli 2016, en áður var hann hjá Leeds.

Barry Nicholson, bráðabirgðastjóri, og markmannsþjálfarinn, David Lucas, munu stýra liðinu á þriðjudaginn gegn Portsmouth, en liðið hefur ekki unnið leik í deildinni síðan 13. janúar.




Fleiri fréttir

Sjá meira


×