Viðskipti erlent

Greiningaraðilar mjög svartsýnir: Brexit mun valda kreppu

Sæunn Gísladóttir skrifar
Bretland er klofið eftir niðurstöðu Brexit-atkvæðagreiðslunnar.
Bretland er klofið eftir niðurstöðu Brexit-atkvæðagreiðslunnar. Vísir/Samsett
Greiningaraðilar spá ennþá verri áhrifum af Brexit en áður en gengið var að kjörborði. Fabrice Montagne, sérfræðingur hjá Barclays banka, segir meðal annars í skýrslu sinni að atvinnuleysi muni nema 5,9 prósent árið 2017 í Bretlandi. Hann spáir því að verðbólga muni stöðvast um einhvern tíma. Business Insider tók saman það sem greiningaraðilar hafa verið að segja í kjölfar Brexit-kosninganna.

Annar greiningaaðili hjá Barclays, Phillippe Gudin, telur að hagvöxtur á evrusvæðinu muni lækka og nema 0,4 prósentum samanborið við 1,8 prósent ef Bretland hefði verið áfram í ESB.

 

Gengi pundsins hefur hrunið gagnvart bandarískum dollara frá því að úrslit Brexit-kosninganna voru ljós.Mynd/XE
Pundið hefur hrunið frá því að úrslit Brexit-kosninganna voru ljós og lækkað frá því að vera 1,5 dollari í tæplega 1,3. Þetta mun hafa mjög skaðleg áhrif á efnahag Bretlands. 

Í greiningu Robert Wood og annarra greiningaraðila hjá Bank of America Merrill Lynch segir:  „Hagkerfið mun snúa niður hratt. Nú þegar Bretland hefur kosið að yfirgefa Evrópusambandið er það eina sem við vitum fyrir víst að við vitum mjög lítið um hvert breskt efnahagslegt og pólitískt fyrirkomulag stefnir. Við vitum ekki einu sinni hvernig Bretland mun leggja sig landræðilega eftir nokkur ár. Líklega mun þessi óvissa vara lengi og mun leiða  til þess að fjárfestar muni fresta áætlunum sínum. Áhrifin af kosningunni eru klárlega neikvæð í ljósi efnahagslegri óvissu. En stærð áhrifanna er ósljós. Það fer eftir stefnu stjórnvalda næstu daga: hvort þær muni draga úr eða auka áhyggjur."

Deutsche Bank spáir því að hagvöxtur í Bretlandi muni vera 0,9 prósent árið 2017 sem er 1,2 prósentustigi lægra en ef þeir hefðu verið áfram í Evrópusambandinu. Fleiri greiningaraðilar taka undir það að hagvöxtur muni dragast saman í Bretlandi, sem og á evrusvæðinu á næstu misserum.


Tengdar fréttir

Reyna að koma í veg fyrir Brexit

Milljónir Breta krefjast annarra kosninga um áframhaldandi viðveru Bretlands í Evrópusambandinu. Æðsti ráðherra Skotlands íhugar að beita neitunarvaldi gegn Brexit.






Fleiri fréttir

Sjá meira


×