Viðskipti innlent

Greiða fyrirfram af AGS láni

Samúel Karl Ólason skrifar
Heildarfjárhæð lánsins frá AGS var um 253 milljarðar króna og eftir fyrirframgreiðsluna verða eftirstöðvar lánsins um 43 milljarðar.
Heildarfjárhæð lánsins frá AGS var um 253 milljarðar króna og eftir fyrirframgreiðsluna verða eftirstöðvar lánsins um 43 milljarðar. Vísir/Pjetur
Seðlabanki Íslands hefur ákveðið að greiða fyrirfram hluta lána frá Alþjóðagjaldeyrissjóðnum. Lánin voru fengin í tengslum við efnahagsáætlun stjórnvalda en sú áætlun var studd af AGS. Þegar greiðslunni er lokið hafa stjórnvöld endurgreitt 83 prósent af láninu.

Um er að ræða endurgreiðslur að jafnvirði um 50 milljarða króna, sem upphaflega voru á gjalddaga á árinu 2015. Þetta kemur fram á vef Seðlabankans.

Heildarfjárhæð lánsins frá AGS var um 253 milljarðar króna og eftir fyrirframgreiðsluna verða eftirstöðvar lánsins um 43 milljarðar.

„Ákvörðunin um fyrirframgreiðslu er tekin í tengslum við skuldastýringu sem miðar að því að greiða niður lán til skemmri tíma. Við ákvörðunina er tekið mið af tiltölulega rúmri lausafjárstöðu Seðlabanka Íslands, meðal annars vegna inngripa á innlendum gjaldeyrismarkaði,“ segir í tilkynningu Seðlabankans.

Þá mun endurgreiðslan hafa áhrif á skuldir Seðlabankans, en ekki á skuldir ríkissjóðs þar sem lánið var tekið af Seðlabankanum. Gjaldeyrisforði Seðlabankans mun dragast saman, en í lok nóvember var hann um 566 milljarðar króna.






Fleiri fréttir

Sjá meira


×