Viðskipti innlent

Grásleppa gaf tvo milljarða

Svavar Hávarðsson skrifar
Hrognin eru verðmætasta afurð grásleppunnar.
Hrognin eru verðmætasta afurð grásleppunnar. vísir/jse
Útflutningsverðmæti grásleppu á liðnu ári varð um 2,1 milljarður. Er það annað árið í röð sem verðmæti grásleppuafurða losar tvo milljarða.

Vöruflokkar afurðanna eru þrír. Frosin grásleppa, söltuð grásleppuhrogn og grásleppukavíar. Kavíarinn skilaði mestum verðmætum, tæpum 900 milljónum, söltuð hrogn tæpum 700 milljörðum og frosin grásleppa rúmum hálfum milljarði. Gengisþróun og samdráttur í veiðum milli ára urðu til þess að heildarverðmæti lækkar milli ára um 6,9%, segir í fréttinni.

Aukning varð í sölu á kavíar og söltuðum hrognum, en samdráttur í útflutningi á frosinni grásleppu.

Frakkland er langstærsti kaupandinn á kavíar, en þangað fóru yfir 80% og varð góð aukning milli ára. Svíar keyptu mest þjóða af söltuðum hrognum, nálægt helmingi alls sem flutt var úr landi. Kínverjar kaupa bróðurpartinn af grásleppunni. 

Fréttin birtist fyrst í Fréttablaðinu






Fleiri fréttir

Sjá meira


×