Grammy-verðlaunin haldin í skugga andláts Whitney Houston
Strax og það fréttist að Houston væri látin breyttu skipuleggjendur hátíðinni. Þannig er ljóst að einn stærsti aðdáandi söngkonunnar, Jennifer Hudson, mun syngja til heiðurs Houston í kvöld og mun það verða nokkurskonar hápunktur kvöldsins.
Fyrir andlát Houston var því spáð að breska söngkonan Adele myndi stela þrumunni, en hún kemur fram í kvöld í fyrsta skiptið eftir að hún gekkst undir aðgerð á raddböndum.
Hún er að auki tilnefnd til sex Grammy verðlauna fyrir plötu sína, Rolling in the Deep, og er spáð góðu gengi. Sá sem fékk hinsvegar flestar tilnefningar er Kanye West, eða sjö alls.
Auk Jennifer Hudson munu líklega tónlistarmennirnir og hljómsveitrinar Foo Fighters, Mars, Nicki Minaj, Bruce Springsteen, Paul McCartney, Taylor Swift, Chris Brown og Rihanna syngja dívunni til heiðurs. Það er því óhætt að segja að verðlaunahátíðin í kvöld verði með breytt sniði frá því sem áður var, enda er Whitney Houston líkega ein eftirminnilegasta söngdíva tónlistarsögunnar.
Þess má geta að Grammy verðlaunin eru sýnd beint á Skjá Einum í kvöld.
- Fréttir
- Sport
- Viðskipti
- Lífið
Fréttir eftir mánuði
Hér má finna fréttir eftir mánuði.
- Sími 512 5000
- Hafðu samband
- Starfsfólk
- Umferð
- Veftré
- Auglýsingar
- 365 Skaftahlíð 24 105 Reykjavík Sími: 512 5000