Fótbolti

Gott skrið á Kristianstad

Guðmundur Marinó Ingvarsson skrifar
Elísabet getur leyft sér að brosa þessa dagana
Elísabet getur leyft sér að brosa þessa dagana vísir/hag
Íslendingaliðið Kristianstad lyfti sér upp í fimmta sæti úrvalsdeildar kvenna í Svíþjóð í fótbolta með 3-2 sigri á Piteå í dag. Elísabet Gunnarsdóttir þjálfar lið Kristianstad.

Elísa Viðarsdóttir lék allan leikinn fyrir Kristianstad og Guðný Óðinsdóttir lék fyrstu 79. mínútur leiksins.

Kristianstad var 1-0 yfir í hálfleik og komst í 3-1 þegar rúmlega hálftími var eftir af leiknum.

Kristianstad er búið að næla í átta stig í fjórum síðustu leikjum sínum og er með 19 stig í 13 leikjum í fimmta til sjötta sæti deildarinnar. Piteå er í 8. sæti með 14 stig.




Fleiri fréttir

Sjá meira


×