FIMMTUDAGUR 23. MARS NÝJAST 09:42

Í beinni: Blađamannafundur Íslands í Shkoder

SPORT

Golden State hóf lífiđ án Durants međ tapi | Myndband

 
Körfubolti
07:30 03. MARS 2017

Golden State Warriors hefur ekki tapað mörgum leikjum í NBA-deildinni í körfubolta undanfarin misseri en í nótt tapaði það öðrum leiknum í röð þegar liðið lá í valnum gegn Chicago Bulls á útivelli, 94-87.

Þetta var fyrsti leikur liðsins eftir að Kevin Durant meiddist en stórstjarnan sem kom frá Oklahoma City fyrir tímabilið meiddist illa í síðasta leik og verður frá næstu mánuðina.

Golden State þurfti að gefa mikið upp á bátinn til að fá Durant til liðsins og hefur nú bæði litla hæð í liðinu og langt frá því jafnsterkan varamannabekk og áður.

Steph Curry og Klay Thompson voru ískaldir fyrir utan þriggja stiga línuna en saman hittu þeir aðeins úr þremur af 22 þriggja stiga skotum sínum. Curry skoraði 23 stig og Thompson aðeins þrettán.

Jimmy Butler var stigahæstur hjá Chicago með 22 stig en Dwayne Wade skoraði tólf stig og tók fimm fráköst.

Russell Westbrook skoraði 45 stig fyrir Oklahoma City þegar fjögurra leikja sigurhrinu þess lauk í nótt. Thunder tapaði á útivelli fyrir Portland Trail Blazers, 114-109.

Damien Lillard skoraði 33 stig fyrir Portland sem er í níunda sæti vestursins, þremur leikjum á eftir Denver Nuggets og þarf að fara á skrið ef liðið ætlar sér í úrslitakeppnina.

Úrslit næturinnar:
Chicago Bulls - Golden State Warriors 94-87
Phoenix Suns - Charlotte Hornets 120-103
Portland Trail Blazers - OKC Thunder 114-109


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Körfubolti / Golden State hóf lífiđ án Durants međ tapi | Myndband
Fara efst