ŢRIĐJUDAGUR 23. ÁGÚST NÝJAST 20:44

Nám lögreglumanna verđur á Akureyri

FRÉTTIR

Góđkunningjar lögreglu ákćrđir fyrir skartgriparán

 
Innlent
14:00 20. JANÚAR 2016
Axel Karl leiddur fyrir dómara áriđ 2005 ţegar hann var ákćrđur fyrir ađ rćna starfsmanni Bónus á Seltjarnarnesi.
Axel Karl leiddur fyrir dómara áriđ 2005 ţegar hann var ákćrđur fyrir ađ rćna starfsmanni Bónus á Seltjarnarnesi. VÍSIR/GVA

Héraðssaksóknari hefur gefið út ákæru á hendur þremur mönnum fyrir aðild sína að ráni sem lýst hefur verið sem hrottalegu í skartgripaversluninni Gullsmiðjunni í Hafnarfirði þann 22. október. Axel Karl Gíslason, Ásgeir Heiðar Stefánsson og Mikael Már Pálsson eiga allir langan sakaferil að baki og eiga langa fangelsisdóma að baki.

Í ákærunni kemur fram að mennirnir þrír eru grunaðir um að hafa í sameiningu skipulagt ránið á þeim forsendum að Axel og Ásgeir myndu koma þýfinu til Mikaels Más sem myndi greiða þeim fyrir í reiðufé og með fíkniefnum. Virðast þeir hafa skipulagt ránið að morgni og síðar sama dag látið til skarar skríða.

Fóru Axel Karl og Ásgeir Heiðar vopnaðir exi annars vegar og neyðarhamri hins vegar í Gullsmiðjuna og hótuðu þar starfsmanni verlsunarinnar með því að Axel reiddi öxina til höggs og skipa henni að leggjast niður. Á meðan á Ásgeir að hafa brotið gler í afgreiðsluborði og útstillingarskápum verslunarinnar. Söfnuðu þeir saman skartgripunum í íþróttatösku og höfðu á brott með sér.


Axel Karl skaut ađ lögreglumönnunum í Reykjanesbć.
Axel Karl skaut ađ lögreglumönnunum í Reykjanesbć. VÍSIR/GVA

Skaut að fimm lögreglumönnum
Óku þeir svo sem leið lá af vettvangi og að Grindavíkurafleggjaranum á Reykjanesbraut þar sem Mikael Már beið þeirra að því er segir í ákærunni. Var bíllinn, sem var stolinn, skilinn eftir þar og ekið á óþekktri bifreið til Keflavíkur þar sem Mikael Már á að hafa tekið við þýfinu gegn greiðslunni. Verðmæti þýfisins er áætlað 1,95 milljónir króna.

Auk þess er Axel Karl ákærður fyrir sérstaklega hættulega líkamsárás en til vara hættubrot, brot gegn valdstjórninni, lögreglulagabrot, vopnalagabrot og brot með lögum um ávana- og fíkniefni með því að hafa um kvöldið í Reykjanesbæ beint loftskammbyssu að fimm lögreglumönnum og skotið að þeim.

Þannig hafi Axel stefnt lífi eða heilsu þeirra í augljósan háska en auk þess skaut hann fleiri skotum úr loftskammbyssunni upp í loftið á hlaupum undan lögreglu. Fundust 60 grömm af amfetamíni á Axeli Karli við handtöku hans.


Lögregla lýsti ráninu sem hrottalegu.
Lögregla lýsti ráninu sem hrottalegu. VÍSIR

Verður yfir 100 daga í gæsluvarðhaldi
Axel Karl var í gær úrskurðaður í áframhaldandi gæsluvarðhald til 12. febrúar en málið verður þingfest þann 27. janúar næstkomandi í héraði. Hann hefur verið í gæsluvarðhaldi frá því hann var handtekinn í Keflavík eða í tæpa þrjá mánuði.

Eins og Vísir hefur þegar greint frá var Mikael Már á reynslulausn þegar hann tók þátt í ráninu. Hæstiréttur úrskurðaði í janúar að Mikael Már skildi afplána 240 daga efstistöðvar af tveggja og hálfs árs dómi sem hann hlaut í mars árið 2014.

Ásgeir Heiðar hlaut síðast tuttugu mánaða dóm fyrir fjöldann allan af brotum á fíkniefna- og umferðarlögum auk ítrekaðs þjófnaðar. Á Ásgeir líkt og Axel Karl og Mikael Már langan brotaferli að baki.


Lögregla hefur haft ađ hafa mikil afskipti af ţremenningunum í gegnum árin. Brotaferill ţeirra hófst ţegar ţeir voru ungir ađ árum.
Lögregla hefur haft ađ hafa mikil afskipti af ţremenningunum í gegnum árin. Brotaferill ţeirra hófst ţegar ţeir voru ungir ađ árum. VÍSIR/STEFÁN

Mannrán og barsmíðar
Axel Karl Gíslason, sem fæddur er árið 1989, hefur verið nefndur „yngsti mannræningi á Íslandi“ í fyrri fréttum. Er þar verið að vísa til þess þegar hann hlaut tveggja ára dóm fyrir að ræna starfsmanni Bónus á Seltjarnarnesi árið 2005, þá sextán ára gamall.

Axel hlaut svo tuttugu mánaða dóm fyrir að skipuleggja innbrot á heimili úrsmiðs á áttræðisaldri á Seltjarnarnesi í maí 2009. Var úrsmiðurinn, sem var heima, sleginn í gólfið og höfðu ræningjarnir á brott með sér þýfi að verðmæti tvær milljónir króna.

Þá hlaut Axel tveggja og hálfs árs fangelsisdóm árið 2010 fyrir að hafa gengið í skrokk á manni á sjötugsaldri, eiginkonu hans og dóttur fyrir utan heimili þeirra í Reykjanesbæ. Var dóttir mannsins að festa sex vikna gamalt barn í barnastól í bifreið sinni.

Tilgangur árásarinnar mun hafa verið að finna barnabarn mannsins og ná út úr honum fé.


Margir dómar
Ásgeir Heiðar er fæddur árið 1982 og á langan brotaferil að baki. Hann hlaut átján mánaða fangelsisdóm bæði árið 2002 og 2003 fyrir fjöldan allan af hegningarlagabrotum. Þá hlaut hann átta mánaða dóm fyrir þjófnað árið 2007.

Hann hlaut tólf mánaða fangelsisdóm árið 2008 fyrir fjársvik sem áttu sér stað nokkrum árum fyrr þar sem fjöldi manns kom við sögu og hlutu ellefu dóm. Sama ár hlaut hann annan átján mánaða fangelsisdóm.


Mikael Már viđ málsmeđferđ í fíkniefnamálinu 2006.
Mikael Már viđ málsmeđferđ í fíkniefnamálinu 2006. VÍSIR

Fjögurra ára dómur
Mikael Már, sem fæddur er árið 1980, á sömuleiðis langan brotaferil að baki. Sex mánaða dóm fyrir rán árið 2002 og í framhaldinu átta og níu mánaða dóma, að mestu skilorðsbundna, fyrir brot á fíkniefnalögum og þjófnað.

Árið 2004 hlaut hann átján mánaða dóm fyrir rán, þjófnað og brot á fíkniefnalögum. Mikael Már fékk fjögurra ára fangelsisdóm árið 2006 fyrir skipulagningu á innflutningi fíkniefna, rúmlega 400 gramma af kókaíni. 

Árið 2009 hlaut hann 15 mánaða dóm fyrir að hafa ruðst í heimildarleysi inn á heimili manns í Reykjanesbæ, veist að honum með hnífi og þvingað hann á brott með sér í bíl til Reykjavíkur. Hótuðu þeir honum líkamsmeiðingum greiddi hann ekki ætlaða skuld.

Málið yfir þremenningunum verður sem fyrr segir þingfest 27. janúar.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Góđkunningjar lögreglu ákćrđir fyrir skartgriparán
Fara efst