Góða eiginkonan vakti viðbrögð sem komu mér skemmtilega á óvart Magnús Guðmundsson skrifar 28. febrúar 2015 14:00 "Þegar ég byrjaði að sýna þessar myndir þá blasti við feminískur stíll,“ segir María um myndirnar úr The Good Wife Guide-seríunni. María Elínardóttir stundar mastersnám í ljósmyndun við FAMU í Prag en hún lauk BA-gráðu frá sama skóla. Nýlega var María valin sem fulltrúi síns skóla til þess að taka þátt í alþjóðlegri sýningu þrettán skóla víðsvegar að úr Evrópu. Markmið sýningarinnar er að styrkja unga listamenn og koma þeim á framfæri. FAMU er ákaflega virtur skóli bæði á sviði ljósmyndunar og kvikmyndagerðar og segir María að námstíminn hafi verið ákaflega fjölbreyttur og auðvitað lærdómsríkur. „Námið í FAMU er svolítið öðruvísi því hér er enginn að taka brúðkaupsmyndir eða framleiða auglýsingar. Kennararnir eru allir listamenn svo dagskráin er nokkuð lífleg. Það er mikil áhersla lögð á listasögu og heimspeki, sem er ólíkt hefðbundnu ljósmyndanámi. Lokaprófin eru líka skelfileg, eftir hverja önn mætum við tólf manna dómnefnd og þurfum að verja allt sem við höfum gert á skólaárinu. Nú í lok námsins fór ég að einbeita mér að hugmyndafræðinni á bak við ljósmyndun og hvernig ég get nýtt tæknina til þess að koma skoðunum niður á blað eða í mynd. Í inntökuprófunum fyrir meistaranámið, lofaði ég dómnefndinni að gera allt öfugt við það sem ég er vön og það hefur borgað sig hingað til. Ég tók þátt í sex sýningum á síðasta ári, í Tékklandi, Slóvakíu og Slóveníu. Síðustu verkin mín hafa fengið svo frábærar móttökur að ég eiginlega skammast mín.“The Good Wife Guide 120 x 90 sm. Stafræn prentun. Ein af myndunum úr seríunni sem María Elínardóttir sýnir í París um helgina.Serían sem kom velgengni Maríu af stað heitir The Good Wife Guide og var lokaverkefni fyrra árs meistaranámsins. „Ég fann lista úr gömlu tímariti sem taldi upp ýmis dæmi um hvernig góð eiginkona ætti að haga sér og sendi hann á milli fólks, sem svo sagði mér hvað því fannst. Viðbrögðin voru bæði mjög alvarleg og hrikalega fyndin. Sem dæmi var ein reglan: Hafðu kvöldmatinn tilbúinn, hugsaðu fram í tímann, jafnvel kvöldinu áður. Ég ætlaði að reyna að sjá skoplegu hliðina á þessum gamla, úrelta lista fyrir góðar eiginkonur og gerði myndaseríu eftir því en það má kannski segja að þegar allar myndirnar voru prentaðar og komnar á vegginn í galleríinu, þá blasti svolítið feminískur stíll við. Góða eiginkonan vakti sterk og fjölbreytt viðbrögð sem kom mér skemmtilega á óvart.“ María var valin ein af bestu útskriftarnemum úr þrettán ljósmyndaskólum í Evrópu af Frönsku samtökunum, J-E-E-P, sem reyna að styrkja unga listamenn og koma þeim á framfæri. Hún er einmitt að sýna í París um helgina og verður aftur í Frakklandi í mars, þar sem hún tekur þátt í vinnustofu Magnum-ljósmyndarans Antoine d'Agata. „Ég veit eiginlega ekkert í hvað stefnir og er hálf feimin við þessa athygli en fjölskyldan er voða stolt og það er æðisleg tilfinning. Í síðustu viku hélt ég einkasýningu í Prag undir titlinum Guð blessi Ísland, þar sem ég gerði pínu grín að ástandinu á Íslandi eftir bankahrunið, en ég kenni eiginlega heimþránni um það verk. Fram undan er mikil vinna og ferðalög en fyrst og fremst ætla ég klára þetta nám. Mig langar alveg svakalega að komast heim til að halda sýningu, svo ég geti nú boðið ömmum mínum og öfum en hvort verður af því kemur bara í ljós.“ Menning Mest lesið Krabbameinið sem týndist: „Fyrst sagði ég bara fokk!“ Áskorun Veltir fyrir sér hvort hann sé dottinn úr tísku Lífið Páll Óskar genginn í það heilaga: „Besti dagur lífs okkar“ Lífið Kastast í kekki milli Carragher og kærastans Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Sandler vinnur að Happy Gilmore 2 Bíó og sjónvarp Björk á forsíðu Vogue í fyrsta sinn Tíska og hönnun Óhefðbundinn páskamatseðill að hætti Sigurðar Laufdal á OTO Lífið Myndaveisla: Bjarni Ben skálaði fyrir einstökum Audi Lífið Fleiri fréttir Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Deilt um hinn dísæta hnakka: Forheimskandi efnishyggja eða vítamínsprauta? Lofar breyttu lífi með fyrirvara „Tækifæri til að pæla í fallegri veruleika eftir dauðann“ Troðfullt í Marshall-húsinu á opnun listrænna systra Tóku saman höndum fyrir Hendi næst Settist í öll sæti Eldborgar og tók 5000 sjálfsmyndir Emils- og Línu-tónskáldið Georg Riedel látið Kristín og Anna tilnefndar til bókmenntaverðlauna Norðurlandaráðs Hildur Hermóðsdóttir er látin Taka stutt hlé frá leikhúsinu fyrir ferðalög til Perú og Keníu Sjá meira
María Elínardóttir stundar mastersnám í ljósmyndun við FAMU í Prag en hún lauk BA-gráðu frá sama skóla. Nýlega var María valin sem fulltrúi síns skóla til þess að taka þátt í alþjóðlegri sýningu þrettán skóla víðsvegar að úr Evrópu. Markmið sýningarinnar er að styrkja unga listamenn og koma þeim á framfæri. FAMU er ákaflega virtur skóli bæði á sviði ljósmyndunar og kvikmyndagerðar og segir María að námstíminn hafi verið ákaflega fjölbreyttur og auðvitað lærdómsríkur. „Námið í FAMU er svolítið öðruvísi því hér er enginn að taka brúðkaupsmyndir eða framleiða auglýsingar. Kennararnir eru allir listamenn svo dagskráin er nokkuð lífleg. Það er mikil áhersla lögð á listasögu og heimspeki, sem er ólíkt hefðbundnu ljósmyndanámi. Lokaprófin eru líka skelfileg, eftir hverja önn mætum við tólf manna dómnefnd og þurfum að verja allt sem við höfum gert á skólaárinu. Nú í lok námsins fór ég að einbeita mér að hugmyndafræðinni á bak við ljósmyndun og hvernig ég get nýtt tæknina til þess að koma skoðunum niður á blað eða í mynd. Í inntökuprófunum fyrir meistaranámið, lofaði ég dómnefndinni að gera allt öfugt við það sem ég er vön og það hefur borgað sig hingað til. Ég tók þátt í sex sýningum á síðasta ári, í Tékklandi, Slóvakíu og Slóveníu. Síðustu verkin mín hafa fengið svo frábærar móttökur að ég eiginlega skammast mín.“The Good Wife Guide 120 x 90 sm. Stafræn prentun. Ein af myndunum úr seríunni sem María Elínardóttir sýnir í París um helgina.Serían sem kom velgengni Maríu af stað heitir The Good Wife Guide og var lokaverkefni fyrra árs meistaranámsins. „Ég fann lista úr gömlu tímariti sem taldi upp ýmis dæmi um hvernig góð eiginkona ætti að haga sér og sendi hann á milli fólks, sem svo sagði mér hvað því fannst. Viðbrögðin voru bæði mjög alvarleg og hrikalega fyndin. Sem dæmi var ein reglan: Hafðu kvöldmatinn tilbúinn, hugsaðu fram í tímann, jafnvel kvöldinu áður. Ég ætlaði að reyna að sjá skoplegu hliðina á þessum gamla, úrelta lista fyrir góðar eiginkonur og gerði myndaseríu eftir því en það má kannski segja að þegar allar myndirnar voru prentaðar og komnar á vegginn í galleríinu, þá blasti svolítið feminískur stíll við. Góða eiginkonan vakti sterk og fjölbreytt viðbrögð sem kom mér skemmtilega á óvart.“ María var valin ein af bestu útskriftarnemum úr þrettán ljósmyndaskólum í Evrópu af Frönsku samtökunum, J-E-E-P, sem reyna að styrkja unga listamenn og koma þeim á framfæri. Hún er einmitt að sýna í París um helgina og verður aftur í Frakklandi í mars, þar sem hún tekur þátt í vinnustofu Magnum-ljósmyndarans Antoine d'Agata. „Ég veit eiginlega ekkert í hvað stefnir og er hálf feimin við þessa athygli en fjölskyldan er voða stolt og það er æðisleg tilfinning. Í síðustu viku hélt ég einkasýningu í Prag undir titlinum Guð blessi Ísland, þar sem ég gerði pínu grín að ástandinu á Íslandi eftir bankahrunið, en ég kenni eiginlega heimþránni um það verk. Fram undan er mikil vinna og ferðalög en fyrst og fremst ætla ég klára þetta nám. Mig langar alveg svakalega að komast heim til að halda sýningu, svo ég geti nú boðið ömmum mínum og öfum en hvort verður af því kemur bara í ljós.“
Menning Mest lesið Krabbameinið sem týndist: „Fyrst sagði ég bara fokk!“ Áskorun Veltir fyrir sér hvort hann sé dottinn úr tísku Lífið Páll Óskar genginn í það heilaga: „Besti dagur lífs okkar“ Lífið Kastast í kekki milli Carragher og kærastans Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Sandler vinnur að Happy Gilmore 2 Bíó og sjónvarp Björk á forsíðu Vogue í fyrsta sinn Tíska og hönnun Óhefðbundinn páskamatseðill að hætti Sigurðar Laufdal á OTO Lífið Myndaveisla: Bjarni Ben skálaði fyrir einstökum Audi Lífið Fleiri fréttir Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Deilt um hinn dísæta hnakka: Forheimskandi efnishyggja eða vítamínsprauta? Lofar breyttu lífi með fyrirvara „Tækifæri til að pæla í fallegri veruleika eftir dauðann“ Troðfullt í Marshall-húsinu á opnun listrænna systra Tóku saman höndum fyrir Hendi næst Settist í öll sæti Eldborgar og tók 5000 sjálfsmyndir Emils- og Línu-tónskáldið Georg Riedel látið Kristín og Anna tilnefndar til bókmenntaverðlauna Norðurlandaráðs Hildur Hermóðsdóttir er látin Taka stutt hlé frá leikhúsinu fyrir ferðalög til Perú og Keníu Sjá meira