Góð Symphonía fyrir umhverfið Sigurður Oddsson skrifar 19. desember 2014 07:00 Í Fréttablaðinu (17/12) svarar Kristján Andri Jóhannsson, kynningarfulltrúi Ungra umhverfissinna, greinum mínum um plastpoka. Ég er þakklátur fyrir það og vildi gjarnan að meiri umræða væri um ýmislegt, sem ég hefi skrifað um. Það er ekki rétt að ég hafi sagt, að plasti sé blandað í maíspoka. Ég skrifaði að plastpokar væru maísmengaðir og við það stend ég. Sama hvað Íslenska gámafélagið (IG) leyfir sér að prenta á pokana. IG ætti að birta á heimasíðu sinni, hvaða efni eru í maíssterkjunni, sem pokarnir eru framleiddir úr og færa sönnur á að þeir brotni 100% niður án mengunar á 10-45 dögum. Svo er spurning, hvort þeir séu endurvinnanlegir og þá hvernig? Hér að neðan kemur fram að PMT hefur óverulega hagsmuni af sölu plastpoka, en á því kann að verða breyting. Kristján Andri bendir mér líka á að nær væri að ég beindi kröftum mínum í að finna umhverfisvænni umbúðir fyrir viðskiptavini PMT. Ég get glatt Kristján og alla þá sem bera umhyggju fyrir umhverfinu, að það er nákvæmlega það sem ég hefi gert. Í greininni hér er sagt frá umhverfisvænu plasti og vísað á heimasíður með rökstuðningi og fróðleik, sem vonandi lyftir umræðunni á hærra plan: Fáfræði í grein um útrýmingu plastpoka á Sauðárkróki pirraði mig og ég bar saman plast- og pappírspoka. Greinin vakti mikil viðbrögð. Maíspokar komu í umræðuna. Ég rifjaði upp og setti á blað það sem ég vissi um maíspoka. Viðbrögð við seinni greininni voru enn meiri, bæði jákvæð og neikvæð. Þau neikvæðu byggðust mest á fáfræði um maíspoka, sem voru sagðir 100% maís og öðruvísi framleiddir, en fyrir 40 árum. Hið rétta er að um það bil 30% maís er blandað í plastið, sem er olíuafurð. Maísinn brotnar fljótar niður en hin efnin, sem hefur í för með sér CO2- og metanmengun. Auk þess geta verið ýmis aðskotaefni í maís, hvort sem hann er erfðabreyttur eða ekki. Framleiðsla plasts hefur lítið breytzt sl. 40 ár. Einnig var því haldið fram að ég „plastpokasalinn“ ætti hagsmuna að gæta. Hið rétta er að fyrir ca 15 árum seldi ég Plastos, sem framleiddi plastpoka með yfir 100 manns í vinnu og gekk vel. PMT er mikið minna fyrirtæki, sem prentar límmiða, plastfilmu og selur plastpoka og ýmiss konar tól og tæki til iðnfyrirtækja. Sala plastpoka er innan við 10% af veltu PMT. Í viðleitni minni að Plastos kæmi með og kynnti nýjungar í umbúðum komumst við í sambandi við fyrirtækið „Symphony“, sem var að þróa umhverfisvænt plast. Uppfinning Sympony var sú að eftir ákveðinn líftíma breyttist mólekúlauppbygging plastsins þannig að plastið breyttist í efni sem brotnar niður líkt og gróður að hausti. Niðurbrotið kallast OXO-BIODEGRADABLE og er ekki síst byltingarkennt fyrir að líftími plastsins er fyrirfram ákveðinn. Skömmu áður en ég seldi Plastos sýndum við og kynntum umhverfisvæna plastpoka frá Symphony á sjávarútvegssýningunni Icefish. Það var fyrir fimmtán árum. Kynningarblöðin vöktu athygli, en tíðarandinn þá var þannig að allir vildu vera umhverfisvænir svo lengi, sem það kostaði ekkert. Í dag eru allflestir, sem betur fer, meðvitaðir um hvert stefnir í umhverfismálum. Við sannreyndum svo að síðustu pokarnir brotnuðu niður á lagernum hjá PMT. Í þessari viðleitni minni að leiðrétta misskilning á plastpokum í samanburði við aðrar umbúðir fann ég Symphony á netinu. Þar á bæ hefur melódían verið samin áfram og er orðin að meistaraverki, sem heitir d2w. Í viðbót við d2w er komin önnur melódía d2p, sem er sveppa- og bakteríudrepandi plast fyrir matvælaiðnaðinn. Drepur t.d.: MRSA, E.coli, salmonellu, listeriu, pseudomonas, og aspergillus niger. Þýska umhverfisstofnunin, Deutsche Umweltshilfe, setti fyrir nokkrum árum fram rök fyrir því að hún viðurkenndi ekki maíspoka sem umhverfisvæna. Það er ekki hægt að skýra í blaðagrein allt það sem kemur fram hér að ofan. Þeim sem vilja fræðast meira um d2w og d2p er bent á https://www.pmt.is/?c=frettir&lid=19, sem leiðir viðkomandi á heimasíðu Symphony með aðgang að niðurstöðum af rannsóknum hjá virtum stofnunum um allan heim og fréttum af umhverfismálum. Það sem kemur mest á óvart er að mörg þau lönd, sem okkar heimshluti kallar vanþróuð eru fremst í umhverfisvernd, hvað varðar plastumbúðir. Að lokum: ESB hafnaði nýlega beiðni um að banna OXO-BIODEGRADABLE plastburðarpoka. Það var mikið lán fyrir okkur, því reglugerðin hefði runnið í gegn án mikillar skoðunar, eins og byggingareglugerð ESB og margt annað okkur til tjóns. Rétt að komi fram að PMT hefur sótzt eftir að verða umboðsaðili Symphony á Íslandi. Viltu birta grein á Vísi? Sendu okkur póst. Senda grein Mest lesið Halldór 20.04.2024 Halldór Fyrirliði Íslands Helena Ólafsdóttir Skoðun Samkvæmt Umboðsmanni Alþingis eru lög um hvalveiðar úrelt Henry Alexander Henrysson Skoðun Laskað stýri, léleg vél og lekur bátur Sigurður Páll Jónsson Skoðun #Katrín er minn forseti Elín Hirst Skoðun Fé, fæða og fjármálaáætlun Bjarkey Olsen Gunnarsdóttir Skoðun Má brjóta lög? Sigríður Ólafsdóttir Skoðun Áttu efnaða foreldra eða ekki? Thelma Lind Jóhannsdóttir Skoðun Kjósum Helgu Þórisdóttur Ragnheiður Stefánsdóttir Skoðun Um sjálfstæði þjóðar Steinunn Ólína Þorsteinsdóttir Skoðun Skoðun Skoðun Fyrirliði Íslands Helena Ólafsdóttir skrifar Skoðun Samkvæmt Umboðsmanni Alþingis eru lög um hvalveiðar úrelt Henry Alexander Henrysson skrifar Skoðun Fé, fæða og fjármálaáætlun Bjarkey Olsen Gunnarsdóttir skrifar Skoðun Laskað stýri, léleg vél og lekur bátur Sigurður Páll Jónsson skrifar Skoðun #Katrín er minn forseti Elín Hirst skrifar Skoðun Svart er það og yfirgangur mikill Magnús Guðmundsson skrifar Skoðun Um sjálfstæði þjóðar Steinunn Ólína Þorsteinsdóttir skrifar Skoðun Skapandi ónákvæmni tveggja hagfræðinga Sirrý Hallgrímsdóttir skrifar Skoðun Af hverju Helgu Þórisdóttur? Haukur Arnþórsson skrifar Skoðun Kjósum Helgu Þórisdóttur Ragnheiður Stefánsdóttir skrifar Skoðun Má brjóta lög? Sigríður Ólafsdóttir skrifar Skoðun Að skilja íslenskt félagslegt viðmið Valerio Gargiulo skrifar Skoðun Traust og gagnsæi Halldór Auðar Svansson skrifar Skoðun Framtíð Dalanna heillar Garðar Freyr Vilhjálmsson skrifar Skoðun Grunnskóli á krossgötum Álfhildur Leifsdóttir,Hólmfríður Árnadóttir,Þóra Geirlaug Bjartmarsdóttir skrifar Skoðun Öryggisógnir í breyttum heimi Jóhann Friðrik Friðriksson skrifar Skoðun Höfnum óeðlilegri hagnýtingu sjálfboðaliða Ástþór Jón Ragnheiðarson skrifar Skoðun Að skilja faglega Sævar Þór Jónsson skrifar Skoðun Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson skrifar Skoðun Áttu efnaða foreldra eða ekki? Thelma Lind Jóhannsdóttir skrifar Skoðun Farsæl hagræðing í kjötiðnaði innan ramma samkeppnislaga Ólafur Stephensen skrifar Skoðun Kennarar – á hraðbraut í kulnun Rakel Linda Kristjánsdóttir skrifar Skoðun Heilbrigðiskerfi Íslands – horfum til framtíðar Egill Steinar Ágústsson skrifar Skoðun Er of mikill hiti í hleðslunni hjá þér? Ágúst Mogensen skrifar Skoðun Hvað felst í frumvarpi til laga um breytingu á húsaleigulögum? Hildur Ýr Viðarsdóttir skrifar Skoðun Af hverju eru kaupin á TM ekki á dagskrá aðalfundar Landsbankans? Ásthildur Lóa Þórsdóttir skrifar Skoðun Skortur á möguleikanum á dánaraðstoð leiðir til þess að fólk tekur eigið líf Ingrid Kuhlman skrifar Skoðun Varnargarðar utan um fólkið í Grindavík Guðbrandur Einarsson skrifar Skoðun Meiri pening, takk Gunnar Úlfarsson skrifar Skoðun Gervigreind og máttur tungumálsins Þorsteinn Siglaugsson skrifar Sjá meira
Í Fréttablaðinu (17/12) svarar Kristján Andri Jóhannsson, kynningarfulltrúi Ungra umhverfissinna, greinum mínum um plastpoka. Ég er þakklátur fyrir það og vildi gjarnan að meiri umræða væri um ýmislegt, sem ég hefi skrifað um. Það er ekki rétt að ég hafi sagt, að plasti sé blandað í maíspoka. Ég skrifaði að plastpokar væru maísmengaðir og við það stend ég. Sama hvað Íslenska gámafélagið (IG) leyfir sér að prenta á pokana. IG ætti að birta á heimasíðu sinni, hvaða efni eru í maíssterkjunni, sem pokarnir eru framleiddir úr og færa sönnur á að þeir brotni 100% niður án mengunar á 10-45 dögum. Svo er spurning, hvort þeir séu endurvinnanlegir og þá hvernig? Hér að neðan kemur fram að PMT hefur óverulega hagsmuni af sölu plastpoka, en á því kann að verða breyting. Kristján Andri bendir mér líka á að nær væri að ég beindi kröftum mínum í að finna umhverfisvænni umbúðir fyrir viðskiptavini PMT. Ég get glatt Kristján og alla þá sem bera umhyggju fyrir umhverfinu, að það er nákvæmlega það sem ég hefi gert. Í greininni hér er sagt frá umhverfisvænu plasti og vísað á heimasíður með rökstuðningi og fróðleik, sem vonandi lyftir umræðunni á hærra plan: Fáfræði í grein um útrýmingu plastpoka á Sauðárkróki pirraði mig og ég bar saman plast- og pappírspoka. Greinin vakti mikil viðbrögð. Maíspokar komu í umræðuna. Ég rifjaði upp og setti á blað það sem ég vissi um maíspoka. Viðbrögð við seinni greininni voru enn meiri, bæði jákvæð og neikvæð. Þau neikvæðu byggðust mest á fáfræði um maíspoka, sem voru sagðir 100% maís og öðruvísi framleiddir, en fyrir 40 árum. Hið rétta er að um það bil 30% maís er blandað í plastið, sem er olíuafurð. Maísinn brotnar fljótar niður en hin efnin, sem hefur í för með sér CO2- og metanmengun. Auk þess geta verið ýmis aðskotaefni í maís, hvort sem hann er erfðabreyttur eða ekki. Framleiðsla plasts hefur lítið breytzt sl. 40 ár. Einnig var því haldið fram að ég „plastpokasalinn“ ætti hagsmuna að gæta. Hið rétta er að fyrir ca 15 árum seldi ég Plastos, sem framleiddi plastpoka með yfir 100 manns í vinnu og gekk vel. PMT er mikið minna fyrirtæki, sem prentar límmiða, plastfilmu og selur plastpoka og ýmiss konar tól og tæki til iðnfyrirtækja. Sala plastpoka er innan við 10% af veltu PMT. Í viðleitni minni að Plastos kæmi með og kynnti nýjungar í umbúðum komumst við í sambandi við fyrirtækið „Symphony“, sem var að þróa umhverfisvænt plast. Uppfinning Sympony var sú að eftir ákveðinn líftíma breyttist mólekúlauppbygging plastsins þannig að plastið breyttist í efni sem brotnar niður líkt og gróður að hausti. Niðurbrotið kallast OXO-BIODEGRADABLE og er ekki síst byltingarkennt fyrir að líftími plastsins er fyrirfram ákveðinn. Skömmu áður en ég seldi Plastos sýndum við og kynntum umhverfisvæna plastpoka frá Symphony á sjávarútvegssýningunni Icefish. Það var fyrir fimmtán árum. Kynningarblöðin vöktu athygli, en tíðarandinn þá var þannig að allir vildu vera umhverfisvænir svo lengi, sem það kostaði ekkert. Í dag eru allflestir, sem betur fer, meðvitaðir um hvert stefnir í umhverfismálum. Við sannreyndum svo að síðustu pokarnir brotnuðu niður á lagernum hjá PMT. Í þessari viðleitni minni að leiðrétta misskilning á plastpokum í samanburði við aðrar umbúðir fann ég Symphony á netinu. Þar á bæ hefur melódían verið samin áfram og er orðin að meistaraverki, sem heitir d2w. Í viðbót við d2w er komin önnur melódía d2p, sem er sveppa- og bakteríudrepandi plast fyrir matvælaiðnaðinn. Drepur t.d.: MRSA, E.coli, salmonellu, listeriu, pseudomonas, og aspergillus niger. Þýska umhverfisstofnunin, Deutsche Umweltshilfe, setti fyrir nokkrum árum fram rök fyrir því að hún viðurkenndi ekki maíspoka sem umhverfisvæna. Það er ekki hægt að skýra í blaðagrein allt það sem kemur fram hér að ofan. Þeim sem vilja fræðast meira um d2w og d2p er bent á https://www.pmt.is/?c=frettir&lid=19, sem leiðir viðkomandi á heimasíðu Symphony með aðgang að niðurstöðum af rannsóknum hjá virtum stofnunum um allan heim og fréttum af umhverfismálum. Það sem kemur mest á óvart er að mörg þau lönd, sem okkar heimshluti kallar vanþróuð eru fremst í umhverfisvernd, hvað varðar plastumbúðir. Að lokum: ESB hafnaði nýlega beiðni um að banna OXO-BIODEGRADABLE plastburðarpoka. Það var mikið lán fyrir okkur, því reglugerðin hefði runnið í gegn án mikillar skoðunar, eins og byggingareglugerð ESB og margt annað okkur til tjóns. Rétt að komi fram að PMT hefur sótzt eftir að verða umboðsaðili Symphony á Íslandi.
Skoðun Samkvæmt Umboðsmanni Alþingis eru lög um hvalveiðar úrelt Henry Alexander Henrysson skrifar
Skoðun Grunnskóli á krossgötum Álfhildur Leifsdóttir,Hólmfríður Árnadóttir,Þóra Geirlaug Bjartmarsdóttir skrifar
Skoðun Dánaraðstoð: Læknafélag Íslands skilar ekki auðu Steinunn Þórðardóttir,Oddur Steinarsson,Thelma Kristinsdóttir,Katrín Ragna Kemp,Magdalena Ásgeirsdóttir,Margrét Ólafía Tómasdóttir,Ragnar Freyr Ingvarsson,Teitur Ari Theodórsson,Theódór Skúli Sigurðsson skrifar
Skoðun Hvað felst í frumvarpi til laga um breytingu á húsaleigulögum? Hildur Ýr Viðarsdóttir skrifar
Skoðun Af hverju eru kaupin á TM ekki á dagskrá aðalfundar Landsbankans? Ásthildur Lóa Þórsdóttir skrifar
Skoðun Skortur á möguleikanum á dánaraðstoð leiðir til þess að fólk tekur eigið líf Ingrid Kuhlman skrifar