MIĐVIKUDAGUR 29. JÚNÍ NÝJAST 23:14

Sprengisandsleiđ opnast mun fyrr en í međalári

VIĐSKIPTI

Gifti sig tvisvar sinnum í sömu viku

 
Lífiđ
09:00 20. FEBRÚAR 2016
Svandís Dóra segir ţađ vissulega hafa veriđ eftirminnilegt ađ ganga í ţađ heilaga tvisvar í sömu viku.
Svandís Dóra segir ţađ vissulega hafa veriđ eftirminnilegt ađ ganga í ţađ heilaga tvisvar í sömu viku. VÍSIR/ANTONBRINK

Ég fékk frí frá tökum til þess að gifta mig í alvöru og svo mætti ég aftur í tökur og gifti mig í myndinni. Það var mjög sérstakt og ólík upplifun,“ segir leikkonan Svandís Dóra Einarsdóttir en hún fer með hlutverk í kvikmyndinni Fyrir framan annað fólk.

Karakter Svandísar Dóru í myndinni, Hanna, gengur í það heilaga í myndinni en aðeins nokkrum dögum áður en atriðið var tekið upp gifti Svandís Dóra sig. Hún segir brúðkaupin þó hafa verið talsvert ólík. „Ég var bara með sveitabrúðkaupspartí í sveitinni en þetta var aðeins meiri fyrirhöfn, meiri Rósa en ekki eins mikil Svandís,“ segir hún hlæjandi og segir tvö brúðkaup í sömu viku sennilega eitt það eftirminnilegasta við tökurnar.
„Við byrjum í tökum 14. júlí ég gifti mig 18. júlí og mætti aftur í tökur bara fjórum dögum seinna,“ segir Svandís Dóra og tekur því undir að segja mætti að júlí hafi verið talsvert annasamur mánuður þótt allt hafi gengið stórvel.

Svandís Dóra lýsir Rósu sem skellibjöllu og fiðrildi. „Það er alltaf stuð í kringum hana, kannski aðeins of mikið stuð stundum. Hún er fyrirferðarmikil, hress og vill hafa partí. Hana vantar svolítið festu í lífið, það vantar svolítið jarðtengingu í hana og hún þeytist út um allt. En hún er skemmtileg en þar er smá svona brot inni í henni sem útskýrir margt. Hún er flókinn karakter þó að hún virki einföld á yfirborðinu.“

Fyrir framan annað fólk er rómantísk kómedía sem er skrifuð af Óskari Jónassyni og Kristjáni Þórði Hrafnssyni og segir Svandís Dóra að í myndinni megi einnig finna dramatískan undirtón. „Þetta er náttúrulega bara um fólk og allt sem því fylgir. Það er mikið hjarta í þessari mynd, en hún er líka skemmtileg. Það er mikill húmor í henni.“

Svandís Dóra er að vonum spennt fyrir að sjá myndina en hún segir sig lengi hafa langað til þess að vinna með Óskari en viðurkennir þó að það sé alltaf pínu skrítið að sjá sjálfa sig á hvíta tjaldinu. „Mér finnst það fínt, ég neyði mig til að horfa á mig bara upp á að skoða líka hvað má gera betur og svona, en það er ekkert skemmtilegt,“ segir hún og hlær.

Auk Svandísar Dóru eru þau Hafdís Helga Helgadóttir, Snorri Engilbertsson og Hilmir Snær Guðnason í aðalhlutverkum myndarinnar sem frumsýnd verður næstkomandi föstudag.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ

TAROT DAGSINS

Dragđu spil og sjáđu hvađa spádóm ţađ geymir.
Forsíđa / Lífiđ / Lífiđ / Gifti sig tvisvar sinnum í sömu viku
Fara efst