Enski boltinn

Gerrard til í að yfirgefa Liverpool

Það væri skrítið að sjá Gerrard spila með öðru félagi.
Það væri skrítið að sjá Gerrard spila með öðru félagi. vísir/getty
Steven Gerrard, fyrirliði Liverpool, segist vera til í að  yfirgefa félagið í sumar ef honum verður ekki boðinn nýr samningur.

Gerrard gekk í raðir félagsins aðeins níu ára gamall og er búinn að spila tæplega 700 leiki fyrir Liverpool.

Núverandi samningur Gerrard við Liverpool rennur út í sumar og ekki er búið að bjóða honum nýjan samning. Sjálfur hefur hann ekki í hyggju að hætta að spila strax og hann myndi því fara annað ef hann fær ekki nýjan samning.

„Eins og staðan er núna verð ég hér fram á sumar og reyni að njóta þess. Það kemur ekki til greina að hætta næsta sumar. Ég horfi lengra en það," sagði Gerrard.

„Við verðum að bíða og sjá hvort ég spili með Liverpool eða öðru félagi næsta vetur. Það er undir Liverpool komið. Ef þeir bjóða mér ekki samning verð ég að skoða hvað annað er í boði."




Fleiri fréttir

Sjá meira


×