Georg Bretaprins er orðinn eins árs

Bretar fagna í dag eins árs afmæli Georgs Bretaprins og munu foreldrar hans halda litla afmælisveislu fyrir nánustu fjölskyldu á heimili þeirra í Kensington-höll í dag.

Breska konungsfjölskyldan sendi frá sér myndir af prinsinum í gær í tilefni af afmæli Georgs sem er þriðji í erfðaröð bresku krúnunnar.

Á einni myndinni má sjá Georg sem dáleiddan af fiðrildi og á annarri foreldrana Vilhjálm og Katrínu með syni sínum þar sem þau horfa á einhvern óskilgreindan hlut.

Vilhjálmur og Katrín þökkuðu í tilkynningu fyrir allar þær hamingjuóskir sem höfðu borist.