Game of Thrones: Hvað þýðir endir fyrsta þáttarins? Samúel Karl Ólason skrifar 27. apríl 2016 13:00 Carice van Houten í hlutverki Melisandre. Mynd/HBO Fjölmargar spurningar vöknuðu meðal áhorfenda Game of Thrones eftir lokaatriði fyrsta þáttar nýjustu þáttaraðarinnar. Umræðurnar voru þó byrjaðar áður en þátturinn var sýndur þar sem hann hafði lekið á netið og voru myndir frá atriðinu birtar víða. Ef þú, kæri lesandi, átt eftir að horfa á þáttinn og/eða vilt ekki vita meira væri best fyrir alla að þú lokaðir þessum glugga.Auðvitað erum við að ræða um raunverulegt útlit og raunverulegan aldur Rauðu konunnar, eða Melisandre sem leikin er af hollensku leikkonunni Carice van Houten. Smá aukaatriði: Hún lék einnig Birgittu Jónsdóttur í myndinni The Fifth Estate. Einnig eru uppi miklar vangaveltur um hálsmen Melisandre og töfrakrafta þess. Hvort hún hafi notað það til þess að virðast ung. Van Houten hafði áður gefið í skyn að Melisandre væri töluvert eldri en hundrað ára og gæti verið fjögur hundruð ára. Þá sagði leikstjóri þáttarins að markmiðið með atriðinu hefði verið að gefa það í skyn að hún gæti verið ævaforn. Líkami áttatíu ára gamallar írskrar konu var notaður til að gera hlutverkinu skil með Van Houten. Í samtali við Entertainment Weekly segir Jeremy Podeswa að Melisandra sé á sínum lægsta punkti og sé algerlega berskjölduð. „Hún dregur krafta sína í efa og efast einnig um hæfileika sína til að sjá framtíðina. Hún er á sínum lægsta punkti, horfir í spegilinn á sitt raunverulega sjálf.“Raunverulegt útlit Melisandre.Mynd/HBOHún hafði fylgt Stannis Baratheon um nokkurt skeið þar sem hún trúði því að hann væri Azor Ahai endurfæddur og myndi samkvæmt spádómum sigra guðinn The Great Other, sem er andstæðingur guðs hennar, R‘hllor.Sjá einnig: Hver er söguhetja Game of Thrones? Azor Ahai er, samkvæmt söguheimi George RR Martin, forn hetja sem valin var til þess að berjast gegn illum öflum með logandi sverði. Þrátt fyrir galdra hennar dó Stannis og sömuleiðis Jon Snow, sem hún hafði séð berjast gegn Bolton feðgunum um Winterfell. Ævistarf hennar virðist hafa mistekist algerlega.Ekki klúður framleiðenda? Varðandi hálsmenn Melisandre, þá virtist útlit hennar breytast þegar hún tók það af sér. Hún hefur borið hálsmenið í nánast öllum þeim atriðum sem hún hefur verið í, nema einu. Þá var hún nakin í baði og var að tala við Selyse, eiginkonu Stannis. Um er að ræða sjöunda þátt fjórðu seríu og virðast flestir vera á því að um klúður framleiðenda þáttanna sé að ræða. Hins vegar eru einhverjir sem telja svo ekki vera. Atriðið var ekki í bókunum og var tilgangur þess óljós. Einn áhorfandi gekk svo langt að skrifa ítarlega greiningu á Reddit þar sem hann heldur því fram að Selyse sjái raunverulegt útlit Melisandre í þessu atriði og færir hann áhugaverð rök fyrir máli sínu.Líklegasta kenningin varðandi örlög Jon Snow er enn sú að Melisandre veki hann aftur til lífs. Því eins og við vitum eru hinir dauðu á leiðinni og einhver þarf að berjast gegn þeim. Hún hélt lengi vel að Það yrði Stannis, en var að komast á þá skoðun að Jon Snow væri áðurnefndur Azor Ahai og sá hann reglulega í eldinum. Ef Melisandre hefur misst trúna á R‘hllor, sem einnig gengur undir nafninu Lord of Light, gæti það sett upprisu Snow í ákveðinn bobba. Prestar R‘hllor geta vakið dautt fólk til lífs aftur eins og hefur komið fram í bæði bókunum og í þáttunum. Eða hvað? Spádómurinn um Azor Ahai hljóðar svo, á ensku: „It is written in prophecy as well. When the red star bleeds and the darkness gathers, Azor Ahai shall be born again amidst smoke and salt to wake dragons out of stone.“ Einhverjir telja að Rauða stjarnan í spádóminum sé í raun Melisandre og þannig geti hún gefið líf sitt fyrir líf Jon Snow. Hár aldur hennar sem opinberaður var í þættinum gefur líka annarri kenningu byr undir báða vængi, sem fjallar um að Melisandre sé í raun dóttir tveggja Targaryen systkina. Þau hétu Brynden Rivers, eða Bloodraven, og Shiera SeaSTAR (sbr. red star bleeds úr spádóminum). Annar hliðarpunktur: Umræddur Bloodraven hefur sést í þáttunum og verður einnig í þessari þáttaröð, þar sem hann er leikinn af Max von Sydow. Hann er þriggja auga krákan, maðurinn sem Bran Stark er nú hjá norður af veggnum og er að læra af hvernig hann geti notað hæfileika sína sem grjánsjáandi eða greenseer. Bíó og sjónvarp Game of Thrones Kafað dýpra Mest lesið Missti allar tærnar þrjátíu árum eftir að konan skar undan honum Lífið Galvaskar á Gugguvaktinni Lífið Vítalía og Arnar Grant í kossaflensi Lífið Ási selur íbúðina eftir sambandsslitin Lífið Með milljónir fylgjenda og lætur drauminn rætast í London Lífið Stórstjarnan Bríet fagnaði 25 árum með stæl Lífið Biðst afsökunar á brösuglegum Coachella-flutningi Tónlist Þorði loks á 22, gekk að Felix og sagði hæ Lífið „Ég fæ það of fljótt, hvað get ég gert?“ Lífið Lykilfólkið á bak við tjöldin hjá forsetaefnunum Lífið Fleiri fréttir Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Hámhorfið: Hvað eru prestar landsins að horfa á? Blendnar tilfinningar á frumsýningu Oppenheimer í Japan Sandler vinnur að Happy Gilmore 2 „Hann er með svona Connery áru yfir sér“ Spennuþáttaröðin Reykjavík Fusion í framleiðslu í sumar Báðar fylkingar House of the Dragon fá sína stiklu Bað hennar við sólsetrið á 100 mánaða afmælinu Nýir Star Wars þættir líta dagsins ljós Sagður vera næsti James Bond Sá Dune tvö hundruð sinnum og er búinn að fara nítján sinnum á Dune 2 í bíó Hámhorfið: Hvað eru listakonur landsins að horfa á? Heimaleikurinn með enn önnur verðlaunin í Glasgow Spáir í spilin: „Alveg eins hægt að afhenda Nolan styttuna nú þegar“ Hryllingsmyndin um Bangsímon valin sú versta á Razzie-verðlaununum Hámhorfið: Hvað er kvikmyndagerðafólkið að horfa á? Fyrsta stikla Fallout lítur dagsins ljós Dauðvona maður horfði á Dune 2 í fartölvu leikstjórans Hámhorfið: Hvað eru Æði strákarnir að horfa á? Sjá meira
Fjölmargar spurningar vöknuðu meðal áhorfenda Game of Thrones eftir lokaatriði fyrsta þáttar nýjustu þáttaraðarinnar. Umræðurnar voru þó byrjaðar áður en þátturinn var sýndur þar sem hann hafði lekið á netið og voru myndir frá atriðinu birtar víða. Ef þú, kæri lesandi, átt eftir að horfa á þáttinn og/eða vilt ekki vita meira væri best fyrir alla að þú lokaðir þessum glugga.Auðvitað erum við að ræða um raunverulegt útlit og raunverulegan aldur Rauðu konunnar, eða Melisandre sem leikin er af hollensku leikkonunni Carice van Houten. Smá aukaatriði: Hún lék einnig Birgittu Jónsdóttur í myndinni The Fifth Estate. Einnig eru uppi miklar vangaveltur um hálsmen Melisandre og töfrakrafta þess. Hvort hún hafi notað það til þess að virðast ung. Van Houten hafði áður gefið í skyn að Melisandre væri töluvert eldri en hundrað ára og gæti verið fjögur hundruð ára. Þá sagði leikstjóri þáttarins að markmiðið með atriðinu hefði verið að gefa það í skyn að hún gæti verið ævaforn. Líkami áttatíu ára gamallar írskrar konu var notaður til að gera hlutverkinu skil með Van Houten. Í samtali við Entertainment Weekly segir Jeremy Podeswa að Melisandra sé á sínum lægsta punkti og sé algerlega berskjölduð. „Hún dregur krafta sína í efa og efast einnig um hæfileika sína til að sjá framtíðina. Hún er á sínum lægsta punkti, horfir í spegilinn á sitt raunverulega sjálf.“Raunverulegt útlit Melisandre.Mynd/HBOHún hafði fylgt Stannis Baratheon um nokkurt skeið þar sem hún trúði því að hann væri Azor Ahai endurfæddur og myndi samkvæmt spádómum sigra guðinn The Great Other, sem er andstæðingur guðs hennar, R‘hllor.Sjá einnig: Hver er söguhetja Game of Thrones? Azor Ahai er, samkvæmt söguheimi George RR Martin, forn hetja sem valin var til þess að berjast gegn illum öflum með logandi sverði. Þrátt fyrir galdra hennar dó Stannis og sömuleiðis Jon Snow, sem hún hafði séð berjast gegn Bolton feðgunum um Winterfell. Ævistarf hennar virðist hafa mistekist algerlega.Ekki klúður framleiðenda? Varðandi hálsmenn Melisandre, þá virtist útlit hennar breytast þegar hún tók það af sér. Hún hefur borið hálsmenið í nánast öllum þeim atriðum sem hún hefur verið í, nema einu. Þá var hún nakin í baði og var að tala við Selyse, eiginkonu Stannis. Um er að ræða sjöunda þátt fjórðu seríu og virðast flestir vera á því að um klúður framleiðenda þáttanna sé að ræða. Hins vegar eru einhverjir sem telja svo ekki vera. Atriðið var ekki í bókunum og var tilgangur þess óljós. Einn áhorfandi gekk svo langt að skrifa ítarlega greiningu á Reddit þar sem hann heldur því fram að Selyse sjái raunverulegt útlit Melisandre í þessu atriði og færir hann áhugaverð rök fyrir máli sínu.Líklegasta kenningin varðandi örlög Jon Snow er enn sú að Melisandre veki hann aftur til lífs. Því eins og við vitum eru hinir dauðu á leiðinni og einhver þarf að berjast gegn þeim. Hún hélt lengi vel að Það yrði Stannis, en var að komast á þá skoðun að Jon Snow væri áðurnefndur Azor Ahai og sá hann reglulega í eldinum. Ef Melisandre hefur misst trúna á R‘hllor, sem einnig gengur undir nafninu Lord of Light, gæti það sett upprisu Snow í ákveðinn bobba. Prestar R‘hllor geta vakið dautt fólk til lífs aftur eins og hefur komið fram í bæði bókunum og í þáttunum. Eða hvað? Spádómurinn um Azor Ahai hljóðar svo, á ensku: „It is written in prophecy as well. When the red star bleeds and the darkness gathers, Azor Ahai shall be born again amidst smoke and salt to wake dragons out of stone.“ Einhverjir telja að Rauða stjarnan í spádóminum sé í raun Melisandre og þannig geti hún gefið líf sitt fyrir líf Jon Snow. Hár aldur hennar sem opinberaður var í þættinum gefur líka annarri kenningu byr undir báða vængi, sem fjallar um að Melisandre sé í raun dóttir tveggja Targaryen systkina. Þau hétu Brynden Rivers, eða Bloodraven, og Shiera SeaSTAR (sbr. red star bleeds úr spádóminum). Annar hliðarpunktur: Umræddur Bloodraven hefur sést í þáttunum og verður einnig í þessari þáttaröð, þar sem hann er leikinn af Max von Sydow. Hann er þriggja auga krákan, maðurinn sem Bran Stark er nú hjá norður af veggnum og er að læra af hvernig hann geti notað hæfileika sína sem grjánsjáandi eða greenseer.
Bíó og sjónvarp Game of Thrones Kafað dýpra Mest lesið Missti allar tærnar þrjátíu árum eftir að konan skar undan honum Lífið Galvaskar á Gugguvaktinni Lífið Vítalía og Arnar Grant í kossaflensi Lífið Ási selur íbúðina eftir sambandsslitin Lífið Með milljónir fylgjenda og lætur drauminn rætast í London Lífið Stórstjarnan Bríet fagnaði 25 árum með stæl Lífið Biðst afsökunar á brösuglegum Coachella-flutningi Tónlist Þorði loks á 22, gekk að Felix og sagði hæ Lífið „Ég fæ það of fljótt, hvað get ég gert?“ Lífið Lykilfólkið á bak við tjöldin hjá forsetaefnunum Lífið Fleiri fréttir Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Hámhorfið: Hvað eru prestar landsins að horfa á? Blendnar tilfinningar á frumsýningu Oppenheimer í Japan Sandler vinnur að Happy Gilmore 2 „Hann er með svona Connery áru yfir sér“ Spennuþáttaröðin Reykjavík Fusion í framleiðslu í sumar Báðar fylkingar House of the Dragon fá sína stiklu Bað hennar við sólsetrið á 100 mánaða afmælinu Nýir Star Wars þættir líta dagsins ljós Sagður vera næsti James Bond Sá Dune tvö hundruð sinnum og er búinn að fara nítján sinnum á Dune 2 í bíó Hámhorfið: Hvað eru listakonur landsins að horfa á? Heimaleikurinn með enn önnur verðlaunin í Glasgow Spáir í spilin: „Alveg eins hægt að afhenda Nolan styttuna nú þegar“ Hryllingsmyndin um Bangsímon valin sú versta á Razzie-verðlaununum Hámhorfið: Hvað er kvikmyndagerðafólkið að horfa á? Fyrsta stikla Fallout lítur dagsins ljós Dauðvona maður horfði á Dune 2 í fartölvu leikstjórans Hámhorfið: Hvað eru Æði strákarnir að horfa á? Sjá meira