Facebook leggur aukna áherslu á dulkóðun Samúel Karl Ólason skrifar 7. mars 2019 10:01 Mark Zuckerberg, stofnandi og forstjóri Facebook. AP/Marcio Jose Sanchez Facebook ætlar að leggja aukna áherslu á dulkóðuð skilaboð sem eyða sér sjálf og aukna persónuvernd á næstu árum, jafnvel þó það leiði til þess að miðlar fyrirtækisins verði bannaðir í sumum ríkjum. Í langri blogfærslu sem Mark Zuckerberg, stofnandi og forstjóri Facebook, birti í gær segir hann að forsvarsmenn fyrirtækisins vilji standa vörð um friðhelgi einkalífsins.Þá ætlar Facebook að hætta að hýsa gögn í löndum sem eru þekkt fyrir að standa ekki vörð um mannréttindi eins og friðhelgi einkalífsins og tjáningarfrelsi.Samkvæmt AP fréttaveitunni sér Zuckerberg þessar breytingar sem leið fyrir Facebook til að brjóta sér leið inn í skilaboðamarkaðinn, sem hefur vaxið hraðar en hefðbundnir samfélagsmiðlar. Þá gætu breytingarnar hjálpað Facebook að eiga við hertar reglugerðir eins og fyrirtækinu hefur verið hótað víða um heim í kjölfar fjölmargra hneykslismála þar sem persónulegar upplýsingar notenda hafa endað í röngum höndum.Zuckerberg segir þó að samfélagsmiðlahlið Facebook verði enn kjarnastarfsemi fyrirtækisins. Facebook varð að því stærðarinnar fyrirtæki sem það er í dag með því að soga upp persónuupplýsingar fólks og nota þær til að senda hnitmiðaðar auglýsingar á notendur. Greiningaraðilar búast við því að þessar auglýsingar mun skapa 67 milljarða dala tekjur fyrir Facebook á þessu ári. Allar breytingar sem gætu ógnað þeirri kjarnastarfsemi gætu komið verulega niður á hlutabréfaverði fyrirtækisins, samkvæmt AP. Í samtali við fréttaveituna sagðist Zuckerberg hins vegar standa í þeirri trú að breytingar þessar myndu frekar hjálpa Facebook. Gangi allt eftir myndu sérsniðnar auglýsingar einnig birtast í skilaboðaforritum Facebook. Zuckerberg segir að þjónusta þessi verði byggð upp eins og WhatsApp. Mest áhersla verði lögð á skilaboð og að þau verði eins örugg og mögulegt er. Byggt verði á þeim grunni og bætt við símtölum, myndbandssímtölum, sögum og ýmislegu öðru. Meðal annars verði hægt að greiða fyrir þjónustu. Sérfræðingar sem AP ræddi við segja alfarið óljóst hvort að Facebook muni græða á þessum breytingum. Einhverjir sjá það sem leið fyrir Facebook til að komast hjá hertri löggjöf og jafnvel til að koma í veg fyrir að fyrirtækið verði brotið upp í smærri einingar. Með því að þétta Facebook, Instagram og WhatsApp saman gætu forsvarsmenn Facebook haldið því fram að ekki væri hægt að slíta þjónusturnar í sundur. Það myndi einnig gera fyrirtækinu kleift að byggja upp þéttari gagnapakka um notendur sína. Bandaríkin Facebook Persónuvernd Mest lesið Reynslunni ríkari og opnar Wilson‘s Pizza á ný Viðskipti innlent Stefna að opnun Fiskbúðarinnar við Sundlaugaveg í maí Viðskipti innlent Oculis komið á markað Viðskipti innlent Anna Kristín nýr framkvæmdastjóri hjá atNorth Viðskipti innlent Hefja viðræður um kaup á 47 þúsund fermetrum af atvinnuhúsnæði Viðskipti innlent Helmingur Íslendinga sáttur við falsanir og eftirlíkanir Neytendur „Enda hefði hún hreinlega ekki nennt að þræta við mig endalaust“ Atvinnulíf Hættir sem fjármálastýra Ljósleiðarans Viðskipti innlent Ný kynslóð vélmenna vekur óhug Viðskipti erlent Viðskipti með bréf í Oculis hefjast á morgun Viðskipti innlent Fleiri fréttir Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Facebook ætlar að leggja aukna áherslu á dulkóðuð skilaboð sem eyða sér sjálf og aukna persónuvernd á næstu árum, jafnvel þó það leiði til þess að miðlar fyrirtækisins verði bannaðir í sumum ríkjum. Í langri blogfærslu sem Mark Zuckerberg, stofnandi og forstjóri Facebook, birti í gær segir hann að forsvarsmenn fyrirtækisins vilji standa vörð um friðhelgi einkalífsins.Þá ætlar Facebook að hætta að hýsa gögn í löndum sem eru þekkt fyrir að standa ekki vörð um mannréttindi eins og friðhelgi einkalífsins og tjáningarfrelsi.Samkvæmt AP fréttaveitunni sér Zuckerberg þessar breytingar sem leið fyrir Facebook til að brjóta sér leið inn í skilaboðamarkaðinn, sem hefur vaxið hraðar en hefðbundnir samfélagsmiðlar. Þá gætu breytingarnar hjálpað Facebook að eiga við hertar reglugerðir eins og fyrirtækinu hefur verið hótað víða um heim í kjölfar fjölmargra hneykslismála þar sem persónulegar upplýsingar notenda hafa endað í röngum höndum.Zuckerberg segir þó að samfélagsmiðlahlið Facebook verði enn kjarnastarfsemi fyrirtækisins. Facebook varð að því stærðarinnar fyrirtæki sem það er í dag með því að soga upp persónuupplýsingar fólks og nota þær til að senda hnitmiðaðar auglýsingar á notendur. Greiningaraðilar búast við því að þessar auglýsingar mun skapa 67 milljarða dala tekjur fyrir Facebook á þessu ári. Allar breytingar sem gætu ógnað þeirri kjarnastarfsemi gætu komið verulega niður á hlutabréfaverði fyrirtækisins, samkvæmt AP. Í samtali við fréttaveituna sagðist Zuckerberg hins vegar standa í þeirri trú að breytingar þessar myndu frekar hjálpa Facebook. Gangi allt eftir myndu sérsniðnar auglýsingar einnig birtast í skilaboðaforritum Facebook. Zuckerberg segir að þjónusta þessi verði byggð upp eins og WhatsApp. Mest áhersla verði lögð á skilaboð og að þau verði eins örugg og mögulegt er. Byggt verði á þeim grunni og bætt við símtölum, myndbandssímtölum, sögum og ýmislegu öðru. Meðal annars verði hægt að greiða fyrir þjónustu. Sérfræðingar sem AP ræddi við segja alfarið óljóst hvort að Facebook muni græða á þessum breytingum. Einhverjir sjá það sem leið fyrir Facebook til að komast hjá hertri löggjöf og jafnvel til að koma í veg fyrir að fyrirtækið verði brotið upp í smærri einingar. Með því að þétta Facebook, Instagram og WhatsApp saman gætu forsvarsmenn Facebook haldið því fram að ekki væri hægt að slíta þjónusturnar í sundur. Það myndi einnig gera fyrirtækinu kleift að byggja upp þéttari gagnapakka um notendur sína.
Bandaríkin Facebook Persónuvernd Mest lesið Reynslunni ríkari og opnar Wilson‘s Pizza á ný Viðskipti innlent Stefna að opnun Fiskbúðarinnar við Sundlaugaveg í maí Viðskipti innlent Oculis komið á markað Viðskipti innlent Anna Kristín nýr framkvæmdastjóri hjá atNorth Viðskipti innlent Hefja viðræður um kaup á 47 þúsund fermetrum af atvinnuhúsnæði Viðskipti innlent Helmingur Íslendinga sáttur við falsanir og eftirlíkanir Neytendur „Enda hefði hún hreinlega ekki nennt að þræta við mig endalaust“ Atvinnulíf Hættir sem fjármálastýra Ljósleiðarans Viðskipti innlent Ný kynslóð vélmenna vekur óhug Viðskipti erlent Viðskipti með bréf í Oculis hefjast á morgun Viðskipti innlent Fleiri fréttir Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira