Vaxmynd Diddy afhöfðuð

Vaxmynd af Sean Diddy Combs, sem margir þekkja undir nafninu Puff Daddy, var afhöfðuð á vaxmyndarsafninu Madame Tussauds í New York en atvikið átti sér stað á laugardagskvölið. Fréttastofa AP greinir frá.

Lögregluyfirvöld segja að óprúttinn aðili hafi gengið inn á safnið um níuleytið á laugardagskvöld og sparkað styttuna niður með þeim afleiðingum að höfuð Combs rifnaði af styttunni.

Forsvarsmenn Madame Tussauds safnsins í New York hafa gefið út að styttan verði lagfærð á næstu dögum.