Erlent

Stálu 400 ára gömlu Bonsai-tré

Sunna Kristín Hilmarsdóttir skrifar
Ræktun Bonsai-trjáa er ástríða hjá mörgu garðyrkjufólki víða um heim. Þá er einnig algengt að fólk safni Bonsai-trjám.
Ræktun Bonsai-trjáa er ástríða hjá mörgu garðyrkjufólki víða um heim. Þá er einnig algengt að fólk safni Bonsai-trjám. vísir/getty

Japönsk hjón, þau Seiji Iimura og kona hans Fuyumi, hafa ræktað Bonsai-tré í garðinum sínum í fjölda ára.

Þau hafa nú sent þjófum sem stálu alls sjö trjám úr garðinum þeirra tilfinningaþrungna orðsendingu á samfélagsmiðlum þar sem meðal annars koma fram leiðbeiningar um hvernig hugsa á um trén.

Á meðal Bonsai-trjánna sem þjófarnir tóku er eitt sem er 400 ára gamalt.

„Við getum ekki lýst því hvernig okkur líður. Okkur þótti svo vænt um þessi tré,“ skrifar Seiji á Facebook.
 
Talið er að trén séu samtals um 118 þúsund dollara virði en þar af er hið 400 ára gamla tré langverðmætast. Er það metið á 91 þúsund dollara en það er af tegundinni Shimpaku Juniper. Tegundin er ein sú eftirsóttasta af þeim tegundum sem til eru af Bonsai.

„Shimpaku-tréð okkar hefur lifaði í 400 ár. Það mun ekki lifa eina viku án vatns,“ segir Fuyumi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.