Viðskipti innlent

Vill vita hvernig stjórnir fyrirtækja hafa brugðist við tilmælum sínum

Margrét Helga Erlingsdóttir skrifar
Bjarni Benediktsson fjármálaráðherra óskar eftir svörum.
Bjarni Benediktsson fjármálaráðherra óskar eftir svörum. vísir/vilhelm

Bjarni Benediktsson, fjármálaráðherra, hefur sent stjórnum fyrirtækja í ríkiseigu bréf þar sem óskað er eftir því að þær greini fjármála-og efnahagsráðuneytinu frá því hvernig stjórnarmenn hafa brugðist við tilmælum ráðuneytisins um að gæta varkárni við launaákvarðanir. Bjarni fer þess á leit við stjórnirnar að þær svari innan við viku.

Fjármála-og efnahagsráðuneytið sendi stofnunum þessi tilmæli í janúar árið 2017, sem síðar voru ítrekuð, um að gæta varkárni við launaákvarðanir og forðast að ráðast í miklar launabreytingar á stuttu tímabili, meðal annars með tilvísun til mikilvægis stöðugleika á vinnumarkaði.

Hluti stjórna hafi ekki farið eftir tilmælum ráðuneytisins

Bréfið sem fjármálaráðherra sendi stjórnum fyrirtækja nýverið kemur fram að upplýsingar um þróun launakjara framkvæmdastjóra ýmissa félaga í eigu ríkisins bendi eindregið til þess að ekki hafi í öllum tilfellum farið eftir tilmælunum.

„Svo virðist sem hluti stjórna hafi ekki tekið tillit til tilmæla ráðuneytisins um að ekki verði ákvarðað miklar launabreytingar á stuttu tímabili og að launastefna endurspegli ekki aðeins samkeppnishæfni heldur einnig hófsemi og að varfærni sé gætt í launaþróun. Sé sú raunin má ætla að gengið hafi verið á svig við ákvæði eigendastefnu,“ segir í bréfinu.

Ráðherra fer fram á að stjórnir og Bankasýsla ríkisins upplýsi ráðuneytið um það hvernig brugðist hafi verið við tilmælum í bréfi ráðuneytisins frá ársbyrjun 2017.

„Athygli Bankasýslu ríkisins er vakin á því að tilmælin eiga einnig við um Íslandsbanka og skal þá gerð grein fyrir með hvaða hætti ákvarðanir um laun bankastjóra tóku mið af úrskurði kjararáðs […] sem skilgreindi sambærileg viðmið um launasetningu bankastjórans og giltu um laun annarra framkvæmdastjóra félaga, þó að úrskurðurinn hafi ekki komið til framkvæmda fyrir ofangreinda lagabreytingu.

Þá er óskað eftir því að Bankasýsla upplýsi hvort og með hvaða hætti starfskjarastefna Íslandsbanka tók breytingum þegar eignarhald bankans færðist frá einkaaðilum og til ríkisins,“ segir í bréfinu.
 

Vildi ekki segja hvers vegna þeir kröfðust ekki svara fyrr

Aðspurður sagði Jón G. Jónsson, forstjóri Bankasýslu ríkisins í samtali við fréttastofu ekki geta tjáð sig um af hverju slíkar fyrirspurnir hefði ekki verið sendar fyrr til ríkisbankanna en Bankasýsla ríkisins fer með eignahlut ríkisins í bönkunum.

Landsbankinn að mestu verið í eigu ríkisins frá árinu 2009 en ríkið eignaðist Íslandsbanka haustið 2015. Launakjör bankastjóra ríkisbankanna hafa legið fyrir til lengri tíma. Hægt að nálgast launakjörin í ársreikningi bankanna hverju sinni. 

Sjá nánar: Laun lykilstjórnenda bankanna þriggja 1.000 milljónir í fyrra

Hér er hægt að lesa tilmæli fjármála-og efnahagsráðuneytisins frá ársbyrjun 2017.


Tengdar fréttir

Launahækkun bankastjóra óskynsamleg og óverjandi ákvörðun

Skýrsla um eftirlitshlutverk Landhelgisgæslunnar sem lögð hefur verið fyrir þjóðaröryggisráð varpar ljósi á slæma stöðu gæslunnar. Óþekkt skip fá að athafna sig í íslenskri lögsögu án þess að gæslan hafi hugmynd um það. Atvi



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
FESTI
1,8
8
158.611
SIMINN
0,81
6
116.074
HAGA
0,46
10
127.950
SYN
0,25
2
19.725
REGINN
0,24
5
46.506

Mesta lækkun dagsins


Félag
Br.%
Fjöldi
Velta*
ARION
-3,51
11
103.338
ORIGO
-2,48
5
26.396
ICEAIR
-1,61
43
300.805
VIS
-1,38
11
111.491
TM
-0,73
3
41.050
Velkomin á Vísi. Þessi vefur notar vafrakökur. Sjá nánar.