Enski boltinn

Rooney fór í meðferð eftir tap gegn Íslandi

Wayne Rooney búinn að brjótaá Gylfa Þór Sigurðssyni í leik Íslands og Englands í 16 liða úrslitunum á EM 2016.
Wayne Rooney búinn að brjótaá Gylfa Þór Sigurðssyni í leik Íslands og Englands í 16 liða úrslitunum á EM 2016. Getty/Catherine Ivill
Heimildir Daily Mail herma að Wayne Rooney, fyrrverandi landsliðsfyrirliði, hafi farið í áfengismeðferð sumarið 2016 eftir að hafa drukkið óhóflega í kjölfarið á 2-1 tapi Englands gegn Íslandi á Evrópumótinu í Frakklandi það ár.

Wayne og Coleen, eiginkona hans, eru nú búsett í Washington DC í Bandaríkjunum þar sem sá fyrrnefndi leikur knattspyrnu. Á Coleen nýverið að hafa sett eiginmanni sínum afarkosti eftir að hann hrundi í það nýverið.

Annaðhvort taki hann drykkjuna í gegn eða hún fari á brott. Myndir náðust af hjónunum fyrir skemmstu en þá var Coleen ekki með giftingarhring sinn á hendi.





Fjölskylduvinur, sem jafnframt er heimildarmaður Daily Mail, segir að þetta sé ekki fyrsta meðferð Wayne en sú fyrri hafi verið eftir tapið á Evrópumótinu.

Wayne Rooney kom enska liðinu í 1-0 á móti Íslandi með marki úr vítaspyrnu í upphafi leiks en íslensku strákarnir svöruðu með tveimur mörkum fyrir hálfleik og héldu síðan út á móti enska liðinu allan seinni hálfleikinn.

Þetta mark á móti Íslandi var síðasta mark Rooney fyrir enska landsliðið en hann lék fimm landsleiki til viðbótar.




Fleiri fréttir

Sjá meira


×