Innlent

Forskoða ferðamenn

Ari Brynjólfsson skrifar
Úr Leifsstöð.
Úr Leifsstöð.

Ferðamenn á leið til Íslands utan Schengen-svæðisins munu þurfa að fylla út sérstakt eyðublað áður en þeir koma til landsins, svokallaða ETIAS-forskráningu.



Fram kemur í skýrslu dómsmálaráðherra um Schengen-samstarfið að fyrirhugað sé að gangsetja ETIAS árið 2022 og að fulltrúi frá embætti ríkislögreglustjóra muni eiga sæti í ráðgjafanefnd á vettvangi framkvæmdastjórnar ESB.



Forskráningin á aðeins við um borgara þeirra ríkja sem njóta áritunarfrelsis inn á Schengen-svæðið. Kerfið felur í sér einskonar forskoðun ferðamanna, skoðun sem fer fram áður en þeir koma á ytri landamæri Schengen.



Segir í skýrslunni að með slíkri forskoðun sé bæði greitt fyrir landamæraeftirliti auk þess sem forskoðunin takmarki líkur á því að ferðamaður sæti frávísun á landamærum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×