Viðskipti innlent

Ragnar Jónasson til Arion banka 

Hörður Ægisson skrifar
Ragnar Jónasson.
Ragnar Jónasson. Vísir/Stefán
Ragnar Jónasson, sem hefur starfað sem yfirlögfræðingur GAMMA Capital Management frá árinu 2015, hefur ráðið sig yfir til Arion banka. Þar mun hann taka til starfa á fjárfestingabankasviði bankans, samkvæmt heimildum Markaðarins.

Ragnar, sem er jafnframt stundakennari við lagadeild Háskólans í Reykjavík, var forstöðumaður skrifstofu slitastjórnar Kaupþings á árunum 2009 til 2015. Þar áður var hann forstöðumaður lögfræðiráðgjafar Arion banka, þá Nýja Kaupþings, frá 2008 til 2009

Samhliða störfum sínum í fjármálageiranum hefur Ragnar fengist við ritstörf og þýðingar en útgáfuréttur á spennuskáldsögum hans hefur verið seldur til fjölda landa á undanförnum árum.








Fleiri fréttir

Sjá meira


×