Innlent

Útlit fyrir hlýnandi veður og rigningu eftir helgi

Kristín Ólafsdóttir skrifar
Það gæti rignt á höfuðborgarsvæðinu eftir helgi.
Það gæti rignt á höfuðborgarsvæðinu eftir helgi. Vísir/hanna

Nokkuð hvöss norðaustanátt verður ráðandi í dag og á morgun, einkum suðaustanlands. Áfram verður frost fram yfir helgi en þá er útlit fyrir vaxandi úrkomu og hlýindi, að því er fram kemur í hugleiðingum veðurfræðings á vef Veðurstofu Íslands.

Í dag er gert ráð fyrir heldur vaxandi norðaustanátt, víða 10-18 m/s síðdegis, en 13-25 m/s á morgun. Hvassast verður suðaustantil á landinu. Þá er búist við þurru og björtu veðri sunnan- og suðvestanlands en annars snjókomu eða éljum. Frost verður á bilinu 0 til 8 stig.

Á laugardag lægir vindinn og hann verður með hægara móti á sunnudag en þá verður víða léttskýjað og talsvert frost.

Á mánudag er svo útlit fyrir vaxandi suðaustanátt með úrkomu á Suður- og Vesturlandi og hlýnandi veðri.

Veðurhorfur á landinu næstu daga:

Á föstudag og laugardag:
Norðaustan 10-18 og él, en þurrt og bjart veður á S- og SV-landi. Frost 1 til 9 stig. 

Á sunnudag:
Minnkandi N-átt og víða léttskýjað, en skýjað NA-til á landinu. Talsvert frost. 

Á mánudag:
Vaxandi suðaustanátt með slyddu eða snjókomu og síðar rigningu, en þurrt á N- og A-landi. Hlýnandi veður. 

Á þriðjudag og miðvikudag:
Sunnanátt, vætusamt og milt, en úrkomulítið NA-lands



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.