Körfubolti

Sjáðu LeBron og Giannis velja stjörnuliðin sín

Tómas Þór Þórðarson skrifar
LeBron James og Giannis skemmtu sér bara ágætlega.
LeBron James og Giannis skemmtu sér bara ágætlega. skjáskot/nba

LeBron James valdi Kevin Durant fyrstan í lið sitt fyrir stjörnuleik NBA-deildarinnar annað árið í röð en eins og í fyrra völdu fyrirliðarnir úr sitthvorri deildinni í liðin sín því ekki er keppt austur á móti vestri.

NBA-deildin var gagnrýnd í fyrra fyrir að sýna ekki frá valinu þegar að LeBron James og Steph Curry voru fyrirliðar en úr því var bætt að þessu sinni og varð til skemmtilegt sjónvarp í nótt.

LeBron var léttur, ljúfur og kátur og viðurkenndi að hafa valið Durant fyrstan í fyrra en hann var með fyrsta valrétt núna á móti gríska fríkinu og Milwaukee Bucks-manninum Giannis Antetokounmpo.

Átta leikmenn fyrir utan fyrirliðana komu til greina sem byrjunarliðsmenn út frá atkvæðum aðdáenda deildarinnar og þurftu þeir að setja saman lið með tveimur bakvörðum og þremur framherjum.

LeBron tók gamla félaga sinna Kyrie Irving annan og náði James Harden með síðasta valinu sínu sem verður að teljast nokkuð ótrúlegt miðað við hvernig hann er að spila.

Grikkinn er með nokkuð alþjóðlegt lið en hann tók alla leikmennina sem í boði voru sem ekki eru fæddir í Bandaríkjunum. Steph Curry verður með Giannis í liði líkt og Paul George og stóri Kamerúninn, Joel Embiid.

Í fyrsta sinn bætti NBA-deildin við sérstökum leikmönnum sem eru að kveðja deildina eftir tímabilið og valdi LeBron að sjálfsögðu Dwayne Wade í liðið sitt þar sem að þeir eru miklir vinir en Giannis fékk Dirk Nowitzki.

Byrjunarlið LeBron:
Kyrie Irving, Celtics (2. val)
James Harden, Rockets (4. val)
Kevin Durant, Warriors (1. val)
Kawhi Leonard, Raptors (3. val)
LeBron James, Lakers (fyrirliði)

Bekkurinn (í réttri valröð):
Anthony Davis, Pelicans
Klay Thompson, Warriors
Damien Lillard, Trail Blazers
Ben Simmons, 76ers*
LaMarcus Aldridge, Spurs
Karl-Anthonhy Towns, Timberwolves
Bradly Beal, Raptors

Sérstök viðbót:
Dwayne Wade, Heat

Byrjunarlið Giannis:
Steph Curry, Warriors (1. val)
Kemba Walker, Hornets (4. val)
Paul George, Thunder (3. val)
Giannies Antetokounmpo, Bucks (fyrirliði)
Joel Embiid, 76ers (2. val)

Bekkurinn (í réttri valröð):
Khris Middleton, Bucks
Nikola Jokic, Nuggets
Russell Westbrook, OKC Thunder*
Blake Griffin, Detroit Pistons
D'Angelo Russell, Nets
Nikola Vucevic, Magic
Kyle Lowry, Raptors

Sérstök viðbót:
Dirk Nowitzki, Mavericks

*LeBron og Giannis skiptu á leikmönnum. Simmons fór til LeBron og Westbrook kom til Giannis.

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.