Lífið

Febrúarspá Siggu Kling – Vogin: Þó þú sért stjarna þá ertu feimin og óörugg

Sigga Kling skrifar

Elsku Vogin mín, þú ert sterk, hrein og bein í samskiptum við aðra og þolir ekki lygi og undirferli, svo að ef slíkt kemst upp í kringum þig þá getur mín alveg klikkast! En þú þarft að læra að setja þig í spor annarra sem eru kannski ekki jafn heiðarlegir og duglegir og þú, því að til þess að skilja alheiminn þarftu að læra að setja þig í annarra spor.

En þegar maður er heiðarlegur skilur maður ekki nógu vel til að geta sett sig í slík spor og það er bannað að dæma því við erum öll eins elsku Vogin mín, svo reyndu bara að skilja alla vitleysingana í kringum þig þá gengur þér betur.

Þó þú sért stjarna þá ertu feimin og óörugg, það myndi þó engum detta þetta í hug og það er svo auðvelt að koma þér úr jafnvægi, en enginn mun sjá það. Þú átt alltaf eftir að nota kennarann í þér sem er aðalorkan þín, þú kennir og kennir og kennir, og þegar þú ert að leiðbeina öðrum er eins og þú sjáir hvernig heimurinn er, eins og þú sért að kenna sjálfum þér eitthvað nýtt.

Þetta tímabil sem þú ert að fara inn í núna er það tímabil sem þú átt eftir að fá svo marga á þitt band og þér líður svo vel og átt svo auðvelt með að miðla þinni þekkingu til að efla aðra. Það er svo sannarlega ekkert að gerast hjá þér um þessar mundir, svo reyndu bara að njóta þess því breytingar eru ekki alltaf góðar bara breytinganna vegna.

Þú hjartað mitt skynjar hættur betur en aðrir og átt þar af leiðandi auðveldara með að forðast þær, þú þarft ekki lögfræðing í neinum málum því þitt hyggjuvit nægir til að fá því framgengt sem þig vantar, því í hverri Vog býr lögfræðingur. Þótt þú gangir ekki hinn „Gullna meðalveg“, þá geturðu hrópað húrra fyrir því, vegna þess að hinn gullni meðalvegur er eins og Gullni Hringurinn, Gullfoss, Geysir og svo framvegis, engin útkoma. Knús og kossar, Kling.

Frægir í Voginni: Kári Árnason landsliðsmaður, Glúmur Baldvinsson stjórnmálafræðingur, Hjalti flugþjónn, Ingi í Sign, Jón Axel Ólafsson athafnamaður, Matt Damon leikari, Íris Berg, fatahönnuðurinn minn, Mary Poppins, Svanhildur Hólm Valsdóttir, aðstoðarmaður ráðherra og sjónvarpskona, Hanna Birna Kristjánsdóttir, Lilja Dögg Alfreðsdóttir alþingiskona, Ósk Gunnarsdóttir útvarpskona, María Einarsdóttir ritari stjörnuspánnar, Arnþrúður Karlsdóttir útvarp Saga, Skúli Mogensen, Hulda Hólmkelsdóttir fréttakona, Walter Matthau, Olavia Newton John, Ragga Gísla, Steinn Steinarr, Margret Thatcher, Ragnheiður Elín Árnadóttir, hinn mikli meistari.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.